Neemía 8:9 - Tupanaarü Ore

⁹ Rü guxü̃ma ga duü̃xü̃gü rü yexguma nüxü̃ naxĩnüegu ga yema Tupanaarü mugü rü naxauxe. Natürü ga choma ga ãẽ̱xgacü ga Neemía, rü nümatama ga chacherdóte ga Édra, rü yema tomücügü ga Lebítanüxü̃ rü tanataãẽxẽxẽ ga yema duü̃xü̃gü, rü ñatagürügü nüxü̃: —¡Taxṹ i pengechaxü̃güxü̃ rü pexauxexü̃! Erü ñoma i ngunexü̃ rü woetama tórü Cori ya Tupanaca̱x ítanaxǘxüchi —ñatagürügü.

Neemía 8:9 Referans Kwoze

Neemía 7:70

Rü nümaxü̃ ga natanüxü̃maxã icua̱xgüxü̃ rü inanaxãgü ga norü ãmaregü naxca̱x ga yema puracü nax namexẽẽgüãxü̃ca̱x ga yema ĩanearü poxeguxü̃tápü̱x. Rü nüma ga ãẽ̱xgacü rü yema diẽrumaxã icuáxü̃na nanaxã ga 8 quíru naguxü̃ ga úiru rü 50 ga tacháũgü rü 530 ga chacherdótegüchirugü.

Neemía 7:65

Rü nüma ga ãẽ̱xgacü rü nüxna nanachu̱xu nax tama nangõ̱xgüãxü̃ca̱x ga yema õna ga Tupana üünexẽẽxü̃, ñu̱xmata wüxi ga chacherdóte gumá nutaxacügü ga cua̱xruxü̃ ixĩcü ga Uríü̃ rü Tumíü̃wa nüxü̃ nacuá ga yema Tupanaarü ĩnü.

Wenaxarü naxümatü ga Tupanaarü mugü 12:12

Rü ngẽma nachicawa i Cori ya Tupanape̱xewa rü tá penaxüchiga wüxigu namaxã i penegü rü pexacügü rü perü puracütanüxü̃ rü ngẽma Lebítanüxü̃ i petanüwa maxẽxü̃. Erü nümagü i Lebítanüxü̃ rü taxuxü̃ma i naanegü nayauxgü i perü naanewa.

Neemía 8:2

Rü nüma ga chacherdóte ga Édra rü yéma nanange ga yema Tupanaarü mugüpane nape̱xewa ga yema duü̃xü̃gü ga yexma ngutaque̱xegüxü̃ ga yatüxü̃ rü ngexü̃ rü ngextü̱xücügü rü pacügü.

Wenaxarü naxümatü ga Tupanaarü mugü 16:11

Rü Tupanape̱xewa tá penaxü i ngẽma peta nawa i ngẽma nachica ya Tupana nüxü̃ unetaxü̃ nax nawa nangẽxmaxü̃. Rü ngẽma petawa rü name nax ngéma penagagüxü̃ i guxü̃ma i pexacügü rü perü mugüruü̃gü. Rü ngẽxgumarüxü̃ ta name nax nüxna pexuxü̃ i ngẽma Lebítanüxü̃ rü ngẽma to i nachixü̃anecüã̱x i petanüwa ngẽxmagüxü̃. Rü ñu̱xũchi name nax tüxna pexuxü̃ ya yíxema taxcutagü rü yutegüxe i perü ĩanewa ngẽxmagüxe.

Ichaía 61:3

Rü ngẽma Chióü̃cüã̱xgü i ngúxü̃ ingegüxü̃, rü Tupana choxü̃ namu nax chanataãẽxẽẽgüxü̃ca̱x nax tama yexü̃cürü ngechaü̃ãcü tanimacaétüwa natogüeechaxü̃ca̱x. Erü nüma ya Tupana rü nanaxwa̱xe nax taãẽxü̃ nanguxuchixü̃ i norü ngechaü̃gü rü taãẽruxü̃ i wiyaegüxü̃ nanguxuchixü̃ i norü ĩ̱xãchiãẽgü. Rü ngẽxguma i duü̃xü̃gü rü tá pexü̃ ñanagürügü: —Tupana rü ñoma poraxü̃ i naigü i roblegü i nüma inatogüxü̃rüxü̃ pewa nanango̱xẽxẽ i norü pora —ñanagürügü tá pexü̃.

Ngu̱xẽẽtaeruü̃arü ore 3:4

Rü nangẽxma i ngunexü̃ i nagu ixaxuxü̃, rü ngunexü̃ i nagu icugüexü̃. Rü nangẽxma i ngunexü̃ i nagu iyutanüxü̃, rü ngunexü̃ i nagu ipetaexü̃.

Édra 2:63

Rü nüma ga ãẽ̱xgacü rü nüxna nanachu̱xu nax tama nangõ̱xgüãxü̃ca̱x ga yema õna ga Tupana üünexẽẽxü̃, ñu̱xmata wüxi ga chacherdóte gumá nutaxacügü ga cua̱xruxü̃ ixĩcü ga Uríü̃ rü Tumíü̃wa nüxü̃ nacuá ga yema Tupanaarü ĩnü.

Wenaxarü naxümatü ga Tupanaarü mugü 12:7

Rü ngẽma nachicawa rü Cori ya Tupanape̱xewa pexacügümaxã tá pechibüe rü tá petaãxẽ naxca̱x i ngẽma mexü̃gü i Cori ya perü Tupanaarü ngü̃xẽẽgagu perü puracüwa peyaxuxü̃.

Lebítanüxü̃arü puracüchiga 23:24

—¡Iraétanüxü̃maxã nüxü̃ ixu i ñaa ore! “Rü yimá norü 7 ya tauemacüarü ügügu rü tá iperüngügü. Rü ngẽma ngunexü̃gu rü tá perü cornétagügu picuegü nax ngẽmaãcü cha̱u̱xca̱x pengutaque̱xegüxü̃ca̱x rü choxna pecua̱xãchiexü̃ca̱x.

Romanos 7:9

Rü noxri tauta yema mugüxü̃ chacua̱xgu, rü choma nagu charüxĩnügu rü chame. Natürü yexguma yema mugüxü̃ chacua̱xgu, rü nüxü̃ chicua̱xãchi nax pecadu chaxüxü̃ rü ngẽma pecaduca̱x rü tá chayuxü̃. Rü yema mugü ga chanaxwa̱xexü̃ nax maxü̃wa choxü̃ nagaxü̃, rü yuwaama choxü̃ naga.

Romanos 3:20

Rü ñu̱xma nax taxúema aixcüma naga ĩnüexü̃ i ngẽma mugü, rü ngẽmaca̱x taxucürüwama texé tügü tixu nax ngẽma mugü taxaurexü̃gagu Tupanape̱xewa tamexü̃. Erü ngẽma mugü tüxü̃ nüxü̃ cua̱xẽẽxü̃ nixĩ nax ipecaduã̱xgüxü̃.

Maraquía 2:13

Rü pema nax ngexü̃gü i tupananetaxü̃ icua̱xüü̃güxü̃maxã ixãxma̱xgüxe, rü naétü pegüxü̃etümaxã peyawaixẽxẽ i Cori ya Tupanaarü ãmarearü guruxü̃. Rü taxü̃ i perü ngechaü̃maxã pexauxe erü nüma ya Cori ya Tupana rü tama namaxã nataãxẽ i ngẽma perü ãmaregü.

Ochéa 4:6

Rü chorü duü̃xü̃gü rü chixexü̃gu nayi rü nayue erü tama chorü mugüxü̃ nacua̱xgü. Rü ngẽma rü cugagu nixĩ, Pa Chacherdótex, erü cuma rü ta nüxü̃ cuxo i chorü mugü. Rü ngẽmaca̱x i choma rü ta cuxü̃ chaxo nax chorü chacherdóte quixĩxü̃. Erü cumax rü nüxü̃ icurüngüma i chorü ucu̱xẽgü rü ngẽmaca̱x i choma rü tá ta nüxü̃ icharüngüma i ngẽma cutaagü.

Neemía 12:26

Rü guxü̃ma ga yemagü rü namaxẽ ga yexguma ãẽ̱xgacü yixĩxgu ga Yoaquíü̃ ga Yochué nane ga Yochadáx nataxa. Rü yexguma Neemía ãẽ̱xgacü ixĩxgu rü chacherdóte ga Édra poperaarü ümatüruxü̃ ixĩxgu nixĩ ga namaxẽxü̃ ga yema õnachicagüarü dauruü̃gü.

Neemía 10:1

Rü ñaagü nixĩ ga naégagü ga yema duü̃xü̃gü ga yema poperagu naxümatüégaxü̃: Choma ga ãẽ̱xgacü ga Neemía ga Acaría nane, rü Chedequía,

Édra 7:11

Rü nüma ga Édra rü wüxi ga ngu̱xẽẽtaeruxü̃ ga meama guxü̃ma ga Tupanaarü mugüxü̃ cuácü nixĩ. Rü yexguma Babiróniaanewa inaxũãchichaü̃gu ga Édra, rü nüma ga ãẽ̱xgacü rü Édrana nanaxã ga wüxi ga popera ga ñaxü̃: —Choma i ãẽ̱xgacü i Artayére rü cuxü̃ charümoxẽ Pa Chacherdóte, Pa Édrax. Rü cuma rü wüxi i ngu̱xẽẽtaeruxü̃ i meama Iraétanüxü̃arü Tupana ya daxũgucüarü mugüxü̃ cuáxe quixĩ.

Norü taxre ga to ga popera ga ãẽ̱xgacügüchiga ümatüxü̃ 35:3

Rü nüma ga ãẽ̱xgacü rü nanamu ga yema Lebítanüxü̃ ga Iraétanüxü̃arü ngúexẽẽruü̃gü ga Tupanana nügü ãgüxü̃, rü ñanagürü nüxü̃: —¡Yima Tupanapata ya taxü̃ne ya Dabí nane ga ãẽ̱xgacü ga Charomóü̃ üxü̃negu peyaxǘ i ngẽma baú i Tupanaarü mugü nagu nuxü̃! Rü ñu̱xmawena rü marü taxũtáma peyangegü i ngẽma baú. Rü ngéma Tupanapata ya taxü̃newa tá nixĩ i Cori ya Tupanaaxü̃́ pepuracüexü̃ rü norü duü̃xü̃gü i Iraétanüxü̃axü̃́ pepuracüexü̃.

Norü taxre ga to ga popera ga ãẽ̱xgacügüchiga ümatüxü̃ 34:21

—¡Ẽcü Cori ya Tupanana peyaca̱x chauégagu rü Iraéanecüã̱x i duü̃xü̃güégagu rü Yudáanecüã̱x i duü̃xü̃güégagu nax tüxü̃ nüxü̃ nacua̱xẽxẽxü̃ca̱x i ta̱xacü tá taxüe i ñu̱xma nax tüxü̃́ nangẽxmaxü̃ i norü ore i ñaa poperagu ümatüxü̃! Erü ngürüãchi ya Cori ya Tupana rü tamaxã nanu yerü tórü o̱xigü rü tama naga naxĩnüe i ngẽma Cori ya Tupana nüxü̃ ixuxü̃, rü tama mea nagu namaxẽ i ngẽma ñaa poperagu ümatüxü̃ —ñanagürü ga ãẽ̱xgacü ga Yochía.

Norü taxre ga to ga popera ga ãẽ̱xgacügüchiga ümatüxü̃ 34:19

Rü yexguma ãẽ̱xgacü nüxü̃ ĩnügu ga yema Tupanaarü mugü ga poperagu ümatüxü̃, rü norü ĩ̱xãchiãẽmaxã nügü narügáutechiru.

Norü taxre ga to ga popera ga ãẽ̱xgacügüchiga ümatüxü̃ 30:22

Rü nüma ga Echequía rü yema Lebítanüxü̃na moxẽ naxã naxca̱x ga yema puracü ga mea norü ngúchaü̃maxã Cori ya Tupanaca̱x naxügüxü̃. Rü yema 7 ga ngunexü̃gu rü nanangõ̱xgü ga yema Üpetüchigaarü õna. Rü Tupanaca̱x ínanagu ga ãmaregü norü ngüxmüxẽẽruxü̃. Rü ñu̱xũchi nüxü̃ nicua̱xüü̃gü ya yimá Cori ya norü o̱xigüarü Tupana.

Norü taxre ga to ga popera ga ãẽ̱xgacügüchiga ümatüxü̃ 15:3

Rü nũxcüma ga Iraétanüxü̃ rü mucüma ga taunecü nüxna nixĩgachi ya yimá aixcüma Tupana ixĩcü rü tama nüxü̃ nacua̱xgü ga norü ore yerü nataxuma ga chacherdótegü ga nangúexẽẽxü̃.

Norü taxre ga popera ga ãẽ̱xgacügüchiga 22:11

Rü yexguma ãẽ̱xgacü nüxü̃ ĩnügu ga yema Tupanaarü mugü ga poperagu ümatüxü̃, rü poraãcü naxoegaãxẽ rü nügü narügáutechiru.

Wenaxarü naxümatü ga Tupanaarü mugü 26:14

Rü ngẽma cuxna chaxãxü̃wa rü taxuxü̃ma changõ̱x i choma ga yexguma chayutanügu rü ngechaü̃wa chayexmagu. Rü bai nax yuexü̃na chanaxuaxü̃xü̃. Pa Cori Pa Chorü Tupanax, choma rü meama cuga chaxĩnü rü ñu̱xũchi meama chayanguxẽxẽ i guxü̃ma i ngẽma choxü̃ cumuxü̃.

Popera ga Chantiágu ümatüxü̃ 4:9

¡Pegümaxã pengechaü̃gü rü pexauxe erü pipecaduã̱xgü! Rü yíxema ñu̱xma chixexü̃gagu cugüexe rü name nixĩ i tügümaxã taxauxe. Rü yíxema chixexü̃maxã taãẽgüxe, rü name nixĩ i Tupanape̱xewa tügümaxã tangechaü̃gü.