Neemía 8:8 - Tupanaarü Ore

⁸ Rü nümagü rü tagaãcü duü̃xü̃güca̱x nüxü̃ nadaumatügü ga yema Tupanaarü mugüpane. Rü ñu̱xũchi meama duü̃xü̃gümaxã nanango̱xẽxẽ ga yema ore nax nüxü̃ nacua̱xgüxü̃ca̱x nax ta̱xacüchiga yixĩxü̃.

Neemía 8:8 Referans Kwoze

Ngechuchuarü ngúexü̃gü ga yamugüxü̃arü puracüchiga 28:23

Rü yexguma Paurumaxã inaxunetagü ga wüxi ga ngunexü̃, rü napatawa naxĩ ga muxü̃ma ga duü̃xü̃gü. Rü Pauru namaxã nüxü̃ nixu ga Tupanaarü ore ga ñuxãcü ãẽ̱xgacü nax yixĩxü̃ ya Tupana. Rü pa̱xmama inanaxügü, rü ñu̱xmata nachütaxü̃ rü nüxü̃́ nanangúchaü̃xẽxẽ ga yema duü̃xü̃gü nax Ngechuchuaxü̃́ yaxõgüãxü̃ca̱x. Rü yemaca̱x Moiché ümatüxü̃ ga mugüwa rü nũxcümaü̃güxü̃ ga Tupanaarü orearü uruü̃gü ümatüxü̃ ga orewa namaxã nüxü̃ nixu ga Ngechuchuchiga.

Ore i mexü̃ ga Luca ümatüxü̃ 24:45

Rü yemaacü namaxã nanango̱xẽxẽ ga Tupanaarü ore ga ümatüxü̃.

Ore i mexü̃ ga Luca ümatüxü̃ 24:32

Rü yema taxre ga ngúexü̃gü rü nügümaxã ñanagürügü: —¿Tama ẽ̱xna ga itaãẽgüxü̃ ga tórü maxü̃newa ga yexguma namawa tamaxã yadexaxgu rü tamaxã nango̱xẽẽãgu ga Tupanaarü ore i ümatüxü̃? —ñanagürügü.

Ore i mexü̃ ga Luca ümatüxü̃ 24:27

Rü yexguma inanaxügü ga namaxã nax nango̱xẽẽãxü̃ ga guxü̃ma ga Tupanaarü ore ga nachiga ümatüxü̃. Rü yema Tupanaarü ore ga Moiché ümatüxü̃maxã inanaxügü. Rü ñu̱xũchi namaxã nüxü̃ nixu ga guxü̃ma ga yema Tupanaarü ore ga nũxcümaü̃güxü̃ ga Tupanaarü orearü uruü̃gü ümatügüxü̃.

Abacú 2:2

Rü nüma ga Cori ya Tupana rü choxü̃ nangãxü̃ rü ñanagürü: —¡Wüxi i mürapewatachinügu naxümatü i ngẽma tá cuxü̃ chawéxü̃ nax ngẽmaãcü tauxchaãcü duü̃xü̃gü nüxü̃ daumatüxü̃ca̱x!

Édra 4:18

Rü ngẽma perü popera i cha̱u̱xca̱x nua pemuxü̃ rü marü chauxü̃tawa nangu. Rü chope̱xewa chaugawa cha̱u̱xca̱x nüxü̃ nadaumatü rü ngẽmaca̱x nüxü̃ chacua̱x i perü ore i chomaxã nüxü̃ pixuxü̃.

Neemía 8:7

Rü Lebítanüxü̃ ga Yochué, rü Baní, rü Cherebía, rü Yamíü̃, rü Acúx, rü Chaxtái, rü Odía, rü Maachía, rü Queritá, rü Acharía, rü Yochabá, rü Anáü̃ rü Peraía nixĩ ga duü̃xü̃gümaxã meama nango̱xẽẽgüxü̃ nax ta̱xacüchiga yixĩxü̃ ga yema mugü. Rü yexguma ga nüma ga duü̃xü̃gü rü tama nixĩgachitanü nawa ga yema nachica ga nagu nachigüxü̃.

Neemía 8:9

Rü guxü̃ma ga duü̃xü̃gü rü yexguma nüxü̃ naxĩnüegu ga yema Tupanaarü mugü rü naxauxe. Natürü ga choma ga ãẽ̱xgacü ga Neemía, rü nümatama ga chacherdóte ga Édra, rü yema tomücügü ga Lebítanüxü̃ rü tanataãẽxẽxẽ ga yema duü̃xü̃gü, rü ñatagürügü nüxü̃: —¡Taxṹ i pengechaxü̃güxü̃ rü pexauxexü̃! Erü ñoma i ngunexü̃ rü woetama tórü Cori ya Tupanaca̱x ítanaxǘxüchi —ñatagürügü.

Neemía 8:12

Rü yexguma ga nüma ga guxü̃ma ga duü̃xü̃gü rü chibüwa rü axewa naxĩ rü namücügümaxã nangaugü ga norü õnagü. Rü yemaacü nanaxüchigagü ga yema ngunexü̃, yerü nüxü̃ nicua̱xãchitanü ga yema Édra nangúexẽẽxü̃.

Norü taxre ga popera ga ãẽ̱xgacügüchiga 23:2

Rü ñu̱xũchi nüma ga ãẽ̱xgacü rü Tupanapata ga taxü̃negu namaxã nangutaque̱xe ga guxü̃ma ga yema Yudáanecüã̱x rü Yerucharéü̃cüã̱x rü chacherdótegü rü orearü uruü̃gü. Rü yemaacü nanangutaque̱xexẽxẽ ga guxü̃ma ga duü̃xü̃gümare rü ãẽ̱xgacügü ixĩgüxü̃. Rü nüma ga ãẽ̱xgacü ga Yochía rü yéma nape̱xewa tagaãcü yema duü̃xü̃gümaxã nüxü̃ nixu ga guxü̃ma ga Tupanaarü uneta ga yema poperagu ümatüxü̃ ga Tupanapata ga taxü̃negu nüxü̃ iyangauxü̃.

Neemía 9:3

Rü nachicagutama nachigüãcüma tomaepü̱x ga ora ningegü ga nüxü̃ nax naxĩnüexü̃ ga Cori ya Tupanaarü mugü. Rü naétü to ga tomaepü̱x ga ora ningegü ga Tupanamaxã nüxü̃ nax yaxugüexü̃ ga norü chixexü̃gü rü Tupanaxü̃ nax yacua̱xüü̃güxü̃.

Echequié 46:10

Rü nüma ya ãẽ̱xgacü rü wüxigu duü̃xü̃gümaxã tá nixücu. Rü ñu̱xũchi wüxigu tá duü̃xü̃gümaxã ínaxũxũ.