Neemía 8:6 - Tupanaarü Ore

⁶ Rü yexguma ga nüma ga Édra rü Cori ya Tupana ya Guxãétüwa ngẽxmacüxü̃ nicua̱xüxü̃. Rü guxü̃ma ga duü̃xü̃gü rü dauxna naxugüchacüxüãcüma nanangãxü̃gü rü ñanagürügü: —Ngẽmaãcü yixĩ, rü ngẽmaãcü yixĩ —ñanagürügü. Rü yemawena rü waixü̃müanegu nanangücuchitanü, rü yemaacü Cori ya Tupanaxü̃ nicua̱xüü̃gü.

Neemía 8:6 Referans Kwoze

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:8

Rü ñu̱xma chanaxwa̱xe i guxü̃wama nayumüxẽgü i yatügü. Rü chanaxwa̱xe i ngearü pecaduã̱xãcüma naxugüme̱xẽ. Rü tama name i nügümaxã nanueãcüma rüe̱xna nügü nachoxü̃gagüãcüma nayumüxẽgü.

Auxexü̃chiga 3:41

¡Rü ngĩxã Tupana ya daxũwa ngẽxmacümaxã tidexagü i tórü yumüxẽwa rü namaxã nüxü̃ tixu i ngẽma nagu rüxĩnüexü̃!

Ínachoxü̃xü̃chiga 4:31

Rü nüma ga duü̃xü̃gü rü aixcüma nayaxõgü. Rü yexguma nüxü̃ yacua̱xãchitanügu nax Cori ya Tupana rü nüxü̃́ nüxü̃ naxĩnüxü̃ ga norü yumüxẽ rü nüxü̃ nax nadauxü̃ ga ñuxãcü ngúxü̃ nax yangegüxü̃, rü yemaca̱x nüma ga duü̃xü̃gü rü nataãẽgü. Rü ñaxtüanegu nanangücuchitanü, rü Tupanaxü̃ nicua̱xüü̃gü.

Norü taxre ga to ga popera ga ãẽ̱xgacügüchiga ümatüxü̃ 20:18

Rü yexguma ga nüma ga Yochapáx rü nacaxã́pü̱xü rü ñaxtüanegu nanangücuchi. Rü yexgumarüxü̃ ta guxü̃ma ga yema duü̃xü̃gü ga Yudáanecüã̱xgü rü ĩane ga Yerucharéü̃cüã̱xgü rü Tupanape̱xegu nanangücuchitanü rü nüxü̃ nicua̱xüü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:11

Rü guxü̃ma ga Tupanaarü orearü ngeruü̃gü ga daxũcüã̱x rü nüxü̃ ínachimaeguãchi ga yema tochicaxü̃ rü yema 24 ga ãẽ̱xgacügü rü yema ãgümücü ga daxũcüã̱x ga maxẽxü̃. Rü nüma ga yema Tupanaarü orearü ngeruü̃gü ga daxũcüã̱x rü yema tochicaxü̃pe̱xegu nanangücuchitanü, rü Tupanaxü̃ nicua̱xüü̃gü.

Wiyaegü 134:2

¡Rü ngẽma nachica i üünexü̃guama pexuenüme̱xẽgü rü Cori ya Tupanaxü̃ picua̱xüü̃gü!

Neemía 5:13

Rü yexguma ga choma rü chaugü chapaãchiru rü ñacharügü: —Rü ñu̱xma nax chauxchiru chapaãxü̃rüxü̃ãcü tá nixĩ ya Cori ya Tupana i tümapatawa, rü tümaanewa rü tümaarü úbanecüwa tá tüxü̃ ínata̱xüchixü̃ ya yíxema tama ñaa mu inguxexẽ́xẽ ya duü̃xẽ. Rü ngẽmaãcü tá tüxna nanayaxu i guxü̃ma i tümaarü ngẽmaxü̃gü i ñu̱xma tüxü̃́ ngẽxmaxü̃ —ñacharügü. Rü guxü̃ma ga yema muxũchixü̃ ga duü̃xü̃gü rü tagaãcü ñanagürügü: —Ngẽmaãcü yixĩ —ñanagürügü. Rü yemawena ga yema duü̃xü̃gü rü Cori ya Tupanaxü̃ nicua̱xüü̃gü, rü aixcümama nayanguxẽẽgü ga yema norü uneta ga nüxü̃ yaxugüxü̃.

Naanearü ügüchiga 24:26

Rü yexguma ga gumá Abraáü̃arü duü̃ rü yexma nacaxã́pü̱xü rü Tupanaxü̃ nicua̱xüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:20

Rü yemawena rü nüma ga Dabí rü ñanagürü nüxü̃ ga guxü̃ma ga yema duü̃xü̃gü ga yexma ngutaque̱xegüxü̃: —Ñu̱xma rü chanaxwa̱xe i nüxü̃ picua̱xüü̃gü ya Cori ya tórü Tupana —ñanagürü. Rü yexguma ga yema duü̃xü̃gü rü norü o̱xigüarü Cori ya Tupanaxü̃ nicua̱xüü̃gü. Rü Tupanape̱xegu rü ãẽ̱xgacü ga Dabípe̱xegu nacaxã́pü̱xügü.

Lebítanüxü̃arü puracüchiga 9:24

Rü nawa ínaxũxũ ga üxüema ga yaguxü̃ ga yema naxü̃na ga yagugüchaü̃xü̃ rü yema chíxü̃ ga ãmarearü guruü̃étügu nuxü̃. Rü yexguma yemaxü̃ nadaugügu ga Iraétanüxü̃, rü norü taãẽmaxã tagaãcü aita naxüe, rü ñu̱xũchi waixü̃müanegu nanangücuchitanü.

Nüxíraxü̃xü̃ ga popera ga Pedru ümatüxü̃ 1:3

¡Rü ngĩxã nüxü̃ ticua̱xüxü̃gü ya Tupana ya tórü Cori ya Ngechuchu ya Cristu Nanatü! Yerü yexguma Ngechuchu ya Cristuxü̃ wena namaxẽẽgu, rü tüxna nanaxã ga maxü̃ ga yexwaca̱xüxü̃, yerü poraãcü nüxü̃́ tangechaü̃tümüü̃gü. Rü ngẽmaca̱x i ñu̱xma i yixema rü ta ítanangu̱xẽxẽ nax wena tá imaxẽxü̃.

Efesios 1:3

Rü name nixĩ i nüxü̃ ticua̱xüü̃gü ya Tanatü ya Tupana ya tórü Cori ya Ngechuchu ya Cristunatü ixĩcü. Erü nüma ya Tupana rü Cristugagu tüxna nanaxã i naguxü̃raü̃xü̃ i ngü̃xẽẽgü i üünexü̃ i daxũguxü̃ i naanewa taxca̱x ne namugüxü̃.

1 Corintios 14:16

Erü ngẽxguma chi taxúema nüxü̃ cuáxü̃ i nagawa Tupanaxü̃ quicua̱xüü̃gu, rü yíxema duü̃xẽgü ya ngéma irüxĩnüexe, rü taxucürüwa cumaxã wüxigu Tupanaxü̃ ticua̱xüü̃gü, erü tama nüxü̃ tacua̱x nax ta̱xacüchiga yixĩxü̃ nax Tupanaxü̃ quicua̱xüxü̃xü̃

Ore i mexü̃ ga Matéu ümatüxü̃ 26:39

Rü yexguma ga Ngechuchu rü yéaxüra naxũ. Rü waixü̃müanegu nanangücuchi. Rü nayumüxẽ rü ñanagürü: —Pa Chaunatüx, ngẽxguma cuma cunaxwa̱xegu, ¡rü nüxna choxü̃ ínanguxuchixẽxẽ i ñaa ngúxü̃ i tá chingexü̃! Natürü chanaxwa̱xe i curütama ngúchaü̃ cuxü rü tama i choxrü —ñanagürü.

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Yeremía 28:6

—¡Chierüx naxüãgu ya Cori ya Tupana i ngẽma nüxü̃ quixuxü̃, Pa Ananíax! ¡Chierüx Cori ya Tupana aixcüma yanguxẽxẽãgu i ngẽma nüxü̃ quixuxü̃ nax nawoeguxẽẽãxü̃ca̱x i ngẽma Tupanapataarü ngẽmaxü̃gü, rü nawoeguxü̃ca̱x ga guxü̃ma ga yema duü̃xü̃gü ga Babiróniawa gagüxü̃!

Wiyaegü 141:2

Rü ñaa chorü yumüxẽ i cumaxã nüxü̃ chixuxü̃ ¡rü nayaxu ñoma pumarate̱xe i yáuanecü chaxunagüchacüxüãcüma cuxca̱x chiguxü̃rüxü̃!

Wiyaegü 63:4

Rü ñu̱xma nax ñoma i naanewa chamaxü̃xü̃gu rü tá cuxü̃ chicua̱xüxü̃. Rü cuxca̱x chaxunagüme̱xẽãcüma tá chayumüxẽ.

Wiyaegü 41:13

Rü namecümaxüchi ya Cori ya Iraétanüxü̃arü Tupana. Rü nüma rü guxü̃guma nangẽxmaecha. ¡Rü ngẽmaãcü yixĩ!

Wiyaegü 28:2

¡Rü choxü̃ naxĩnü i ngẽxguma cupata íngexmaxü̃gu chawéxme̱xãcüma curü ngü̃xẽẽca̱x íchacaxgu!

Norü taxre ga to ga popera ga ãẽ̱xgacügüchiga ümatüxü̃ 29:30

Rü yemawena ga nüma ga ãẽ̱xgacü ga Echequía rü yema Iraétücumügüarü ãẽ̱xgacügü rü Lebítanüxü̃xü̃ namu nax Cori ya Tupanaxü̃ yacua̱xüü̃güxü̃ca̱x namaxã ga yema wiyaegü ga Dabí ümatüxü̃ rü Tupanaarü orearü uruxü̃ ga Achá ümatüxü̃. Rü yexguma ga nüma ga yema Lebítanüxü̃ rü taãẽãcüma nanaxügü ga yema cua̱xüxü̃. Rü nacaxã́pü̱xügü rü yemaacü Tupanaxü̃ nicua̱xüü̃gü.

Norü taxre ga to ga popera ga ãẽ̱xgacügüchiga ümatüxü̃ 6:4

Rü ñanagürü: —Namecümaxüchi ya Cori ya Iraétanüxü̃arü Tupana. Rü nüma rü marü nayanguxẽxẽ ga yema chaunatü ga Dabímaxã nüxü̃ yaxuxü̃ ga yexguma ñaxgu nüxü̃:

Naanearü ügüchiga 14:22

Natürü ga Abráü̃ rü nanangãxü̃ rü ñanagürü: —Choma rü marü Cori ya Tupana ya Guxü̃étüwa Ngẽxmacü i daxũguxü̃ i naanearü üruxü̃ rü ñoma i naanearü üruü̃maxã nüxü̃ chixu rü taxuxü̃táma i ta̱xacü choxrüxü̃ chayaxu i ngẽma cuxrü ixĩxü̃, rü bai ya wüxi ya tünüta, rü bai i wüxi i chapatutü̱xü, nax tagutáma choxü̃ quixuxü̃ca̱x nax cugagu yixĩxü̃ nax chamuarü ngẽmaxü̃ã́xü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:36

Rü guxü̃guma namecümaxüchi ya yimá tórü Cori ya Tupana i yixema i Iraétanüxü̃ —nawiyaegü ga Acháx rü namücügü. Rü guxü̃ma ga duü̃xü̃gü rü nachonagütanü rü ñanagürügü: —Aixcüma ngẽmaãcü nixĩ —ñanagürügü. Rü yemaacü Cori ya Tupanaxü̃ nicua̱xüü̃gü.

Neemía 8:7

Rü Lebítanüxü̃ ga Yochué, rü Baní, rü Cherebía, rü Yamíü̃, rü Acúx, rü Chaxtái, rü Odía, rü Maachía, rü Queritá, rü Acharía, rü Yochabá, rü Anáü̃ rü Peraía nixĩ ga duü̃xü̃gümaxã meama nango̱xẽẽgüxü̃ nax ta̱xacüchiga yixĩxü̃ ga yema mugü. Rü yexguma ga nüma ga duü̃xü̃gü rü tama nixĩgachitanü nawa ga yema nachica ga nagu nachigüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:10

Rü yexguma ga nüma ga Dabí rü Cori ya Tupanaxü̃ nicua̱xüxü̃ nape̱xewa ga guxü̃ma ga yema duü̃xü̃gü ga yexma ngutaque̱xexü̃ rü ñanagürü: —Pa Cori ya Torü O̱xi ga Iraéarü Tupanax, rü guxü̃gutáma cuxü̃ ticua̱xüü̃gü.

Norü taxre ga to ga popera ga ãẽ̱xgacügüchiga ümatüxü̃ 29:10

Rü ngẽmaca̱x nagu charüxĩnü nax wüxi i uneta namaxã chaxüxü̃ ya Cori ya Iraétanüxü̃arü Tupana nax ngẽmaãcü tamaxã nangüxmüxü̃ca̱x.

Wiyaegü 95:3

Erü nüma ya Cori ya Tupana rü naporaxüchi rü naétüwa naxü i guxü̃ma i ngẽma tupanagüneta ixĩgüxü̃.