Neemía 8:16 - Tupanaarü Ore

¹⁶ Rü duü̃xü̃gü rü norü naiátüwa naxĩ rü namaxã ínangugü nax yemaacü wüxichigü ga duü̃xü̃ noxrütama düxenü ne naxüxü̃ca̱x. Rü nümaxü̃ ga duü̃xü̃gü rü napataétügu nanaxügü ga norü düxenü, rü togü rü napataa̱xtügu nanaxügü, rü togü rü Tupanapata ga taxü̃nea̱xtügu nanaxügü, rü togü rü ĩã̱x ga Dexágu ãégaxü̃pe̱xegu nanaxügü, rü togü ga duü̃xü̃gü rü ĩã̱x ga Efraíü̃gu ãégaxü̃pe̱xegu nanaxügü ga norü düxenügü.

Neemía 8:16 Referans Kwoze

Neemía 12:39

Rü nüxü̃ tachopetü ga yema ĩã̱x ga Efraíü̃gu ãégaxü̃ rü yema ĩã̱x ga Yechanágu ãégaxü̃ rü yema ĩã̱x ga Choxnigügu ãégaxü̃ rü yema daxũtaechica ga Ananégu ãégaxü̃ rü yema daxũtaechica ga 100gu ãégaxü̃ rü ñu̱xmata nawa tangugü ga yema ĩã̱x ga Carnérugügu ãégaxü̃. Rü nawa tayachaxãchitanü ga yema ĩã̱x ga Dauxü̃taeruü̃gu ãégaxü̃.

Norü taxre ga popera ga ãẽ̱xgacügüchiga 14:13

Rü Yoá ga Iraéanearü ãẽ̱xgacü rü ĩane ga Bex-chemégu Amachía ga Yudáanearü ãẽ̱xgacüxü̃ niyaxu. Rü nüma ga Amachía rü to ga Yoá nane nixĩ rü Ocochía nixĩ ga norü o̱xi. Rü yemawena rü Yerucharéü̃wa naxũ ga gumá Iraéanearü ãẽ̱xgacü, rü nagu napogü ga 180 metru ga norü poxeguxü̃tápü̱x nax yéma yaxücuxü̃ca̱x. Rü ĩã̱x ga Efraíü̃wa inanaxügü rü ñu̱xmata naxtapü̱x íyapoxü̃arü ĩã̱xwa nangu nax nagu napogüxü̃.

Neemía 12:37

Rü yexguma yema ĩã̱x ga Puchugu ãégaxü̃wa nangugügu rü yema naxtaxpü̱xétügu nixĩxü̃tanü. Rü yexguma guma Yerucharéü̃arü üye ga Dabíarü Ĩanegu ãégaxü̃wa nangugügu, rü yema naxtaxpü̱xétüarü toxṍõnewa naxĩgü. Rü ãẽ̱xgacü ga Dabípatawa nachopetü rü ñu̱xmata nawa nangugü ga yema ĩã̱x ga Dexágu ãégaxü̃ ga ĩanearü éstewaama yexmaxü̃.

Neemía 3:26

Rü yema Tupanapata ga taxü̃nearü puracütanüxü̃ ga ma̱xpǘne ga Ófegu ãchiü̃güxü̃ nixĩ ga namexẽẽgüxü̃ ga yema naxtapü̱xarü üye rü ñu̱xmata yema ĩã̱x ga Dexágu ãégaxü̃arü to̱xma̱xtawa nangu ga éstewaama. Rü yexgumarüxü̃ ta nanamexẽẽgü ga yema dauxü̃taechica ga yéma yexmaxü̃.

Yeremía 32:29

Rü ngẽma Babiróniacüã̱x i ñu̱xma daa ĩaneca̱x íyaxüãchixü̃ rü tá nagu nachocu rü tá nawa nanangixichigü. Rü tá nixa ya yima ĩane wüxigu namaxã ya yima ĩpatagü ya idoxétüne ga nawa Baáca̱x pumarate̱xe yagugüxü̃ rü yema tupananetagüna nawa bínu naxãgüxü̃. Rü yemaacü choxü̃ nanuxẽẽgü.

Neemía 8:3

Rü ẽxü̃wa inanaxügü rü ñu̱xmata tocuchiwa nangu nax duü̃xü̃güca̱x nüxü̃ nadaumatüxü̃ ga Tupanaarü mugü nawa ga yema ĩanearü ngutaque̱xechica ga ĩã̱x ga Dexágu ãégaxü̃arü to̱xma̱xtawa yexmaxü̃. Rü guxü̃ma ga duü̃xü̃gü rü meama inarüxĩnüe ga yema Tupanaarü mugü.

Yeremía 19:13

Rü ngẽma doxonexü̃ i Tóperüxü̃ rü chope̱xewa tá nixãũãchi ya yima ĩpatagü ya Yerucharéü̃cüã̱x rü yima Yudáanearü ãẽ̱xgacügüpatagü rü ngẽma ĩã̱xtügü ga nawa woramacurigüca̱x pumarate̱xe yagugüxü̃ rü bínu ga ãmarexü̃ nagu nabagüxü̃ naxca̱x ga yema tupananetagü” —ñanagürü ga Tupana.

Norü taxre ga to ga popera ga ãẽ̱xgacügüchiga ümatüxü̃ 33:5

Rü yema taxre ga naxa̱xtügü ga Tupanapata ga taxü̃ne rü yemagu ínanaxüxü̃ ga to ga ãmarearü guruü̃gü naxca̱x ga guxü̃ma ga woramacurigü ga daxũwa ngẽxmagüxü̃.

Norü taxre ga to ga popera ga ãẽ̱xgacügüchiga ümatüxü̃ 20:5

Rü yema duü̃xü̃gü ga Yudáanecüã̱x ga Yerucharéü̃wa ĩxü̃ rü Tupanapata ga taxü̃nea̱xtü ga yexwaca̱xü̃xü̃pe̱xegu nangutaque̱xegü. Rü nüma ga Yochapáx rü norü ngãxü̃tanügu nachi.

2 Chamué 11:2

Rü wüxi ga yáuanecü ga yexguma pewa ínadaxgu ga Dabí, rü guma napataarü doxétüxü̃gu naxĩnagü rü yexma ínixũãchixü̃. Rü yexguma guma ĩaneétü ínadawenügu, rü ngĩxü̃ nadau ga wüxi ga nge ga mexẽchicü ga yéma aiyacü.

Wenaxarü naxümatü ga Tupanaarü mugü 22:8

Rü ngẽxguma texé ngexwacaxü̃ne ya tümapata taxü̱xgu rü name nax ítanapoxeguxü̃ i naétüwa ya tümapata nax ngẽmaãcü taxúema ngéma rünguxü̃ca̱x rü ngẽmaãcü tama yatümaguãchixü̃ca̱x ega ngürüãchi texé ngéma rünguxgu rü tayu̱xgu.

Neemía 8:1

Rü gumá norü 7 ga tauemacügu rü guxü̃ma ga yema duü̃xü̃gü ga marü norü ĩanewa iyexmachigüxü̃ rü Yerucharéü̃wa nayangutaque̱xegü nax nüxü̃ naxĩnüexü̃ca̱x ga Tupanaarü ore. Rü yema ĩanearü ngutaque̱xechica ga Ĩã̱x ga Dexágu ãégaxü̃arü to̱xma̱xtawa yexmaxü̃gu nangutaque̱xegü. Rü ñu̱xũchi ga nüma ga duü̃xü̃gü rü chacherdóte ga Édraxü̃ ñanagürügü: —¡Ẽcü nua nange i ngẽma Cori ya Tupanaarü mugüpane ga Moiché ümatüxü̃ naxca̱x ga tórü o̱xigü ga Iraétanüxü̃! —ñanagürügü.