Neemía 8:12 - Tupanaarü Ore

¹² Rü yexguma ga nüma ga guxü̃ma ga duü̃xü̃gü rü chibüwa rü axewa naxĩ rü namücügümaxã nangaugü ga norü õnagü. Rü yemaacü nanaxüchigagü ga yema ngunexü̃, yerü nüxü̃ nicua̱xãchitanü ga yema Édra nangúexẽẽxü̃.

Neemía 8:12 Referans Kwoze

Wiyaegü 119:174

Pa Corix, chanaxwa̱xe i paxa choxü̃ curüngü̃xẽxẽ rü choxü̃ ícupoxü̃. Erü choma rü poraãcü namaxã chataãxẽ i ngẽma curü ucu̱xẽgü.

Ore i mexü̃ ga Luca ümatüxü̃ 24:32

Rü yema taxre ga ngúexü̃gü rü nügümaxã ñanagürügü: —¿Tama ẽ̱xna ga itaãẽgüxü̃ ga tórü maxü̃newa ga yexguma namawa tamaxã yadexaxgu rü tamaxã nango̱xẽẽãgu ga Tupanaarü ore i ümatüxü̃? —ñanagürügü.

Wiyaegü 119:171

¡Rü choxü̃́ natauxchaxẽxẽ nax cuxü̃ chicua̱xüxü̃! Erü cumatama nixĩ i choxü̃ cungu̱xẽẽxü̃ i ngẽma curü mugü.

Wiyaegü 119:130

Rü ngẽxguma texé curü orexü̃ ixuxgu rü nango̱xẽẽgu rü yíxema nüxü̃ ĩnüexe rü tümaãẽxü̃ tüxü̃ nacua̱xẽxẽ woo taxuxü̃ma cuáxe tixĩgügu.

Wiyaegü 119:127

Natürü i chomax rü ngẽma úiruarü yexera nüxü̃ changechaü̃ i curü mugü.

Wiyaegü 119:111

Rü ngẽma curü mugü nixĩ i chorü ãmare i guxü̃guca̱x ixĩxü̃. Erü ngẽmagü nixĩ i taãxẽ choxna ãxü̃.

Wiyaegü 119:97

Rü poraãcü choxü̃́ nangúchaü̃ i curü ucu̱xẽgü, rü wüxichigü i ngunexü̃gu rü nagu charüxĩnü.

Wiyaegü 119:72

Rü ngẽma curü ucu̱xẽgü i choxna cuxãxü̃, rü cha̱u̱xca̱x rü muxü̃ma i úiru rü diẽruarü yexera narümemaexü̃chi. -10-

Wiyaegü 119:16

Rü curü mugümaxã tá chataãxẽ, rü tagutáma nüxü̃ icharüngüma i curü ore. -3-

Wiyaegü 119:14

Rü muxü̃ma i ngẽmaxü̃güarü yexera rü curü mugümaxã chataãxẽ.

Yox 23:12

Rü guxü̃guma mea chayanguxẽxẽ i norü mugü rü norü ucu̱xẽgü, rü taguma choxrütama ngúchaü̃ chaxü.

Romanos 7:18

Rü choma nüxü̃ chacua̱x rü wüxi i pecaduã́xü̃ i duü̃xü̃mare chixĩ, rü ngẽmaca̱x chowa rü nataxuma i ta̱xacü i mexü̃. Rü woo chanaxwa̱xe nax mexü̃ chaxüxü̃, natürü tama chomaxã nanguxü̃ nax chanaxüxü̃.

Yeremía 15:16

Rü yexguma chomaxã quidexagu rü choma rü chanayaxu ga curü ore. Rü yema curü ore nixĩ ga choxü̃ poraxẽẽxü̃ rü choxü̃ taãẽxẽẽxü̃ erü curü duü̃xü̃ chixĩ, Pa Corix, Pa Tupana ya Guxü̃étüwa Ngẽxmacüx.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:10

Rü ngẽma duü̃xü̃gü i ñoma i naanewa maxẽxü̃ rü tá nataãẽgü nax marü nayuexü̃ i ngẽma taxre. Rü ngẽma nax poraãcü nataãẽgüxü̃ rü tá nügüna ãmare naxãgü, yerü yema taxre ga orearü uruü̃gü rü poraãcü naãxẽwa nananguxẽẽgü.

Neemía 8:10

Rü ñanagürü ta ga Édra: —¡Ẽcü mea peyachibüe rü bínu ya maixcuracü peyaxagü! ¡Rü tümamaxã pengau ya texé ya tüxü̃́ nataxúxe i tümaarü õna nax wüxigu petaãẽgüxü̃ca̱x! Erü ñoma i ngunexü̃ rü woetama Cori ya Tupanaca̱x ítanaxǘxüchi. Rü ngẽmaca̱x tama name nax pengechaü̃güxü̃ erü ngẽma taãxẽ i tórü Cori ya Tupana tüxna ãxü̃ rü tórü poxü̃ruxü̃ nixĩ —ñanagürü.

Neemía 8:11

Rü yexgumarüxü̃ ta ga nüma ga Lebítanüxü̃ rü duü̃xü̃gümaxã nüxü̃ nixugüe rü ñanagürügü: —¡Marütama nax pexauxexü̃! Erü ñoma i ngunexü̃ rü woetama Cori ya Tupanaca̱x ítanaxǘxüchi —ñanagürü.

Neemía 8:13

Rü moxü̃ãcü pa̱xmama rü guxü̃ma ga ãẽ̱xgacügü ga natanüxü̃tücumümaxã icua̱xgüchigüxü̃, rü chacherdótegü, rü Lebítanüxü̃ rü norü ngúexẽẽruü̃gü, rü Édramaxã nangutaque̱xegü nax mea Cori ya Tupanaarü mugüpanewa nangúexü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:22

Rü yema ngunexü̃gu rü meama nachibüe rü naxaxegü rü poraãcü nataãẽgü nape̱xewa ga Cori ya Tupana. Rü ñu̱xũchi wenaxarü nüxü̃ naxunetagü ga Charomóü̃ ga Dabí nane nax ãẽ̱xgacü yixĩxü̃ca̱x. Rü Tupanape̱xewa chíxü̃maxã nanabaerugü nax nüma Iraéanecüã̱xgümaxã inacuáxü̃ca̱x. Rü yexgumarüxü̃ ta nüxü̃ naxunetagü ga Chadóx nax chacherdótegüarü ãẽ̱xgacü yixĩxü̃ca̱x.