Neemía 7:73 - Tupanaarü Ore

⁷³ Rü yema chacherdótegü, rü yema Lebítanüxü̃, rü yema ĩã̱xgüarü dauruü̃gü, rü yema wiyaetanüxü̃, rü yema duü̃xü̃gü ga guma ĩanecüã̱x, rü yema Tupanapata ga taxü̃newa puracüexü̃, rü guxü̃ma ga Iraétanüxü̃ rü norü ĩanewachigü ningugüetanü. Rü yexguma norü 7 ga tauemacüwa nanguxgu ga nax nawoeguxü̃ rü guxü̃ma ga yema Iraétanüxü̃ rü norü ĩanewachigü nayexmagü.

Neemía 7:73 Referans Kwoze

Édra 2:70

Rü yema chacherdótegü rü yema Lebítanüxü̃ rü ñuxre ga yema togü ga duü̃xü̃gü rü yexma Yerucharéü̃gu naxãchiü̃gü. Natürü yema wiyaetanüxü̃, rü yema Tupanapata ga taxü̃nearü ĩã̱xarü dauruü̃gü, rü yema Tupanapata ga taxü̃newa puracüexü̃, rü yema togü ga Iraétanüxü̃ rü wüxichigü norü ĩanewa ningugüetanü.

Norü taxre ga popera ga ãẽ̱xgacügüchiga 7:10

Rü inaxĩãchi rü yexguma ĩanewa nangugügu rü ĩanearü dauruü̃ca̱x nacagü rü ñanagürügü nüxü̃: —Ngẽma Chíriaarü churaragüpatawa taxĩ rü taxuxü̃ma rü bai i wüxi ngẽma ngẽxmaxü̃. Rü taxuxü̃ma i ngextá nidexa. Rü cowarugü rü búrugü i ngẽxma ngagüü̃xü̃ rü churaragüarü düxenügü ya mea itexechigünexicatama nangẽxma —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:2

Rü yema duü̃xü̃gü ga nüxíra woeguxü̃ nax wena norü naanegüwa rü ĩanegüwa nangugüxü̃ca̱x, rü yemagü nixĩ ga ñuxre ga Iraétanüxü̃ rü chacherdótegü, rü Lebítanüxü̃, rü yema Tupanapata ga taxü̃nearü puracüwa puracüexü̃.

Édra 3:1

Rü yexguma 7 ga tauemacüwa nanguxgu nax Babiróniaanewa ne naxĩxü̃ rü nüma ga Iraétanüxü̃gü ga norü ĩanewachigü ngugüxü̃ rü Yerucharéü̃wa naxĩ nax yéma yangutaque̱xegüxü̃ca̱x.

Neemía 7:72

Rü guxü̃ma ga yema togü ga duü̃xü̃gü rü inanaxãgü ga 160 quíru naguxü̃ ga úiru rü 1,100 quíru naguxü̃ ga diẽrumü, rü 67 ga chacherdótegüchirugü.

Neemía 11:3

Rü Yudáanewa yexmagüne ga ĩanegüwa nangugü ga yema Iraétanüxü̃, rü chacherdótegü, rü Lebítanüxü̃, rü duü̃xü̃gü ga Tupanapata ga taxü̃nearü puracütanüxü̃ rü ñu̱xũchi nataagü ga Charomóü̃arü puracütanüxü̃. Rü wüxichigü ga nümagü rü norü ĩaneca̱x rü norü naaneca̱x nawoegu. Rü ñaa nixĩ ga norü ãẽ̱xgacügü ga yema Iraétanüxü̃ ga Babiróniawa ne ĩxü̃ rü ĩane ga Yerucharéü̃gu yaxãpatagüxü̃.