Neemía 6:7 - Tupanaarü Ore

⁷ Rü cuma rü marü nüxü̃ cuxuneta i orearü uruü̃gü nax ngẽma naxunagügüxü̃ca̱x nax cumax nax ãẽ̱xgacü quixĩxü̃ i Yerucharéü̃wa, rü nüxü̃ yaxugüxü̃ca̱x nax marü nayimaxü̃ ya ãẽ̱xgacü i Yudáanewa. Rü ngẽma ore rü ngürüãchi tá nüxü̃ naxĩnü ya ãẽ̱xgacü ya Artayére, rü ngẽmaca̱x name i nua cuxũ rü ¡ngĩxã yigümaxã tidexagü! —ñanagürü ga yema popera.

Neemía 6:7 Referans Kwoze

Ngechuchuarü ngúexü̃gü ga yamugüxü̃arü puracüchiga 23:15

Rü name nixĩ i pema rü ngẽma togü i pexrüxü̃ ãẽ̱xgacügütücumüwa ügüxü̃, rü churaragüarü ãẽ̱xgacüna naxca̱x peyacagü nax wena moxü̃ pepe̱xewa nagagüãxü̃ca̱x i Pauru. ¡Rü namaxã nüxü̃ pixu nax penaxwa̱xexü̃ nax mea nüxü̃ pecuáxchaü̃xü̃ i nachiga! Rü toma rü tá marü ítamemare nax namagu tayamáxü̃ca̱x naxü̃pa nax ínanguxü̃ —ñanagürügü.

Nüxíraxü̃xü̃ ga popera ga ãẽ̱xgacügüchiga 1:34

Rü ngẽxguma chacherdóte ya Chadóx rü orearü uruxü̃ ya Natáü̃ nabaerugügu nax Iraéanecüã̱xgüarü ãẽ̱xgacü yixĩxü̃ca̱x ya Charomóü̃ ¡rü nagu picuegü i carnéruchatacu̱xre rü tagaãcü ñapegürügü: “¡Namaxü̃ ya ãẽ̱xgacü ya Charomóü̃!” ñapegürügü tá.

Nüxíraxü̃xü̃ ga popera ga ãẽ̱xgacügüchiga 1:25

Erü ñu̱xma rü ínapetae nax ãẽ̱xgacüxü̃ yangucuchixü̃ rü nanadai i wocagü rü wocaxacügü rü muxü̃ma i carnérugü rü ñu̱xũchi cunegüna naxu, Pa Ãẽ̱xgacüx, rü nüxna naxu i ngẽma churaragüerugü rü ñu̱xũchi Abiatá ya chacherdóte ixĩcü. Rü ñu̱xma i nümagü rü ngéma nangẽxmagü rü Adoníamaxã nachibüe rü naxaxegü, rü tagaãcü aita naxüe rü ñanagürügü: “¡Namaxü̃ ya ãẽ̱xgacü ya Adonía!” ñanagürügü.

Nüxíraxü̃xü̃ ga popera ga ãẽ̱xgacügüchiga 1:18

Natürü i ñu̱xma rü Adonía ãẽ̱xgacüxü̃ nügü ningucuchixẽxẽ rü cuma rü tama nüxü̃ cucua̱x i ngẽma.

Nüxíraxü̃xü̃ ga popera ga ãẽ̱xgacügüchiga 1:7

Rü nüma ga Adonía rü nanatüarü churaragüarü ãẽ̱xgacü ga Yoá ga Cheruiá nanemaxã nidexa rü chacherdóte ga Abiatámaxã rü ta. Rü nümagü rü nüxü̃ narüngü̃xẽẽgü nax ãẽ̱xgacüxü̃ yangucuchixü̃ca̱x.

Neemía 6:6

Rü yema popera rü ñaxü̃ nagu naxümatü: —Nua rü duü̃xü̃gütanüwa rü Yechéü̃xü̃tawa nüxü̃ taxĩnüe nax cuma rü ngẽma Yudíugümaxã nagu perüxĩnüexü̃ nax tama ãẽ̱xgacüga pexĩnüexü̃, rü ngẽmaca̱x yixĩxü̃ nax ípenamexẽẽxü̃ i ngẽma naxtapü̱x ya yima ĩane. Rü ngẽxgumarüxü̃ ta nüxü̃ chaxĩnüchiga nax cuma tá yixĩxü̃ i norü ãẽ̱xgacü quixĩxü̃.

Neemía 6:8

Rü yexguma ga chomax rü chanangãxü̃ rü ñachagürü: —Tama aixcüma nixĩ ga yema nüxü̃ cuxĩnüchigaxü̃ yerü yema rü cumatama nagu curüxĩnümarexü̃ nixĩ —ñachagürü.