Neemía 6:6 - Tupanaarü Ore

⁶ Rü yema popera rü ñaxü̃ nagu naxümatü: —Nua rü duü̃xü̃gütanüwa rü Yechéü̃xü̃tawa nüxü̃ taxĩnüe nax cuma rü ngẽma Yudíugümaxã nagu perüxĩnüexü̃ nax tama ãẽ̱xgacüga pexĩnüexü̃, rü ngẽmaca̱x yixĩxü̃ nax ípenamexẽẽxü̃ i ngẽma naxtapü̱x ya yima ĩane. Rü ngẽxgumarüxü̃ ta nüxü̃ chaxĩnüchiga nax cuma tá yixĩxü̃ i norü ãẽ̱xgacü quixĩxü̃.

Neemía 6:6 Referans Kwoze

Neemía 2:19

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü, rü Yechéü̃ ga Arábiaanecüã̱x ixĩxü̃ nüxü̃ cuáchigagu ga yema puracü rü toxü̃ nacugüe rü togu nidauxcüraxü̃gü. Rü toxna naca rü ñanagürügü toxü̃: —¿Ta̱xacü ípexüe? ¿Ẽ̱xna nagu perüxĩnüe nax tama ãẽ̱xgacüga pexĩnüexü̃? —ñanagürügü.

Nüxíraxü̃xü̃ ga popera ga Pedru ümatüxü̃ 3:16

Natürü name nixĩ i tama pegü picua̱xüü̃güãcüma penangãxü̃ rü tama pegügu perüxĩnüeãcüma nax ngẽma duü̃xü̃güarü yexera pixĩgüxü̃. Rü name nixĩ i mea pemaxẽ nax taxuca̱xma pexoegaãẽgüxü̃ca̱x. Rü ngẽxguma ngẽmaãcü pemaxẽgu rü tá naxãnẽxẽ i ngẽma duü̃xü̃gü i chixri pechiga idexagüxü̃ naxca̱x nax Cristuca̱x pemaxẽxü̃.

Romanos 3:8

Natürü ngẽma ñaxü̃gu nax naxĩnüexü̃ i duü̃xü̃gü rü poraãcü ínatüe. Erü ngẽxguma chi aixcüma yixĩxgu i ngẽma nagu naxĩnüexü̃ i duü̃xü̃gü, rü chi narümemae nixĩ nax yexeraãcü chixexü̃ naxügüxü̃ nax yexeraãcü mexü̃ nax ínguxuchixü̃ca̱x. Rü dücax, Pa Chauenexẽgüx, nangẽxma i chixexü̃ i duü̃xü̃gü i choxü̃ ügagümarexü̃ i nüxü̃ ixugüexü̃ nax ngẽma yixĩxü̃ i chorü ngu̱xẽẽtae. Natürü ngẽma duü̃xü̃gü i ngẽma ñagüxü̃ rü nagagu tátama napoxcue.

Édra 4:12

Rü cuxü̃ nüxü̃ tacua̱xẽxẽ, Pa Ãẽ̱xgacüx, rü ngẽma Yudíugü ga Iraétanüxü̃ ga Yerucharéü̃ca̱x woeguxü̃ ga Babiróniaanewa ne ĩxü̃, rü ñu̱xma rü wena nanamexẽẽgü ya yima norü ĩane i ngẽma duü̃xü̃gü i taxúega ĩnüexü̃ rü chixexü̃ ügüxü̃. Rü marü inanaxügüe nax namexẽẽgüãxü̃ i norü ĩanearü poxeguxü̃tápü̱x. Rü nananucu ga norü nutagü ya naxtapü̱xgü nawa ixügücü.

2 Corintios 6:8

Rü duü̃xü̃gü rü ñuxguacü toxü̃ nicua̱xüü̃gü, rü ñuxguacü rü chixexü̃ tomaxã nixugüe. Rü ñuxguacü rü mea tochiga nidexagü, rü ñuxguacü rü chixri tochiga nidexagü. Rü ñoma dorata̱xáxü̃ toxü̃ nawogü, woo aixcüma yixĩxgu i ngẽma ore i nüxü̃ tixugüxü̃,

Ore i mexü̃ ga Cuáü̃ ümatüxü̃ 19:13

Rü yexguma yemaxü̃ naxĩnügu ga Pirátu, rü churaragüxü̃ namu nax Ngechuchuxü̃ ínagaxüchigüxü̃. Rü nüma ga Pirátu rü norü toruxü̃wa narüto ga ngextá duü̃xü̃gü ga poxcuexü̃na naca̱xaxü̃. Rü yema nachica rü Yudíugügawa rü Gabatágu nixĩ ga naéga. Rü yema naéga rü “Nutagümaxã tüétüxü̃”, ñaxü̃chiga nixĩ.

Ore i mexü̃ ga Luca ümatüxü̃ 23:2

Rü yéma Pirátupe̱xewa inanaxügüe nax Ngechuchuxü̃ yaxugüexü̃. Rü ñanagürügü: —Ñaa yatü rü nüxü̃ itayangaugü nax nanuexẽẽãxü̃ i torü duü̃xü̃gü. Rü nüxü̃ nixu nax tama namexü̃ nax ãẽ̱xgacü ya Rómawa ngẽxmacüaxü̃́ tanaxütanüxü̃ i diẽru. Rü nügü nixu nax nüma yixĩxü̃ i torü ãẽ̱xgacü i Cristu —ñanagürügü.

Ore i mexü̃ ga Matéu ümatüxü̃ 5:11

¡Petaãẽgü ngẽxguma chaugagu duü̃xü̃gü chixexü̃ pemaxã ixugüegu, rü chixri pemaxã inacua̱xgügu, rü guxü̃raxü̃xü̃ i dora pechigaxü̃ yaxugüegu!

Yeremía 20:10

Rü nüxü̃ chaxĩnü nax duü̃xü̃gü rü cugüãcüma chauchiga yadexagüxü̃. Rü guxü̃wama choxü̃ naxãxũnegüxü̃ i duü̃xü̃gü rü ngẽmaca̱x chamuü̃. Rü nügümaxã ñanagürügü: “Ngĩxã ítanaxuaxü̃gü”, ñanagürügü. Rü woo i ngẽma chomücügü rü ínanangu̱xẽẽgü nax ngürüãchi ta̱xacürü chixexü̃ chaxüxü̃. Rü ñanagürügü: “Rü nügü tátama nixĩ i chixexü̃gu nanguxẽẽxü̃, rü ngẽxguma i yixema rü tá tayayauxgü rü yixema inaxwa̱xexü̃ tá namaxã taxü”, ñanagürügü.

Édra 4:15

Rü name i nüxü̃ quidaugü i ngẽma poperagü ga nüxíraxü̃güxü̃ ga ãẽ̱xgacügü namaxã nguxü̃güxü̃. Rü ngẽma poperagüwa rü tá namaxã icuyarüxũ i ngẽma duü̃xü̃güchiga. Rü ngẽxguma tá nixĩ i nüxü̃ cucuáxü̃, Pa Ãẽ̱xgacüx, nax ñaa duü̃xü̃gü rü daixü̃ nacuáxü̃, rü wüxi ga ãũcümaxü̃ nax yixĩxü̃ naxca̱x ga yema togü ga nachixü̃anegüarü ãẽ̱xgacügü. Yerü ü̃paacü ga ñaa duü̃xü̃gü rü yema ãẽ̱xgacügümaxã nanue rü guma norü ĩanegu namaxã nügü nadai rü yemaca̱x nixĩ ga nagu napogüexü̃ ga norü ĩane.

Neemía 6:5

Rü yexguma ga nüma ga Chambaráx rü norü 5 e̱xpü̱xcüna wüxi ga norü duü̃xü̃maxã cha̱u̱xca̱x yéma namuga, rü yematama ore ga noxri cha̱u̱xca̱x yéma namaxã namugaxü̃tama nixĩ ga nagu naxümatüxü̃ ga yema popera ga yéma chauxü̃tawa nangexü̃.

Neemía 6:7

Rü cuma rü marü nüxü̃ cuxuneta i orearü uruü̃gü nax ngẽma naxunagügüxü̃ca̱x nax cumax nax ãẽ̱xgacü quixĩxü̃ i Yerucharéü̃wa, rü nüxü̃ yaxugüxü̃ca̱x nax marü nayimaxü̃ ya ãẽ̱xgacü i Yudáanewa. Rü ngẽma ore rü ngürüãchi tá nüxü̃ naxĩnü ya ãẽ̱xgacü ya Artayére, rü ngẽmaca̱x name i nua cuxũ rü ¡ngĩxã yigümaxã tidexagü! —ñanagürü ga yema popera.