Neemía 6:16 - Tupanaarü Ore

¹⁶ Rü torü uanügü rü guxü̃ma ga yema togü ga nachixü̃anecüã̱x ga torü ngaicamana yexmagüxü̃ rü nüxü̃ nacuáchigagü ga marü nax yanguxü̃ ga guma ĩanearü poxeguxü̃tápü̱x. Rü yemaca̱x ga nümagü rü poraãcü namuü̃e rü nixãneãchitanü yerü nüxü̃ nicua̱xãchitanü ga yema puracü ga taxüxü̃ rü Tupanaarü ngü̃xẽẽmaxã nax yanguxü̃.

Neemía 6:16 Referans Kwoze

Yochué 5:1

Rü guxü̃ma ga norü ãẽ̱xgacügü ga Amoréugü ga natü ga Yudáü̃cutüarü éstewaama yexmagüxü̃, rü norü ãẽ̱xgacügü ga Cananéugü ga Már ga Mediteráneuarü ngaicamana yexmagüxü̃ rü nüxü̃ nacuáchigagü ga Cori ya Tupana rü nayapayetamaxẽẽãxü̃ ga natü ga Yudáü̃ nax yachoü̃xü̃ca̱x ga Iraétanüxü̃. Rü nümagü ga yema ãẽ̱xgacügü rü poraãcü namuü̃e ga yemaxü̃ nacuáchigagügu, rü yemaca̱x tama Iraétanüxü̃maxã nügü nadaixchaü̃.

Wiyaegü 126:2

Rü yexguma ga yixema rü tórü taãẽmaxã tacugüe rü aita taxüe. Rü yemaca̱x ga yema tama Tupanaaxü̃́ yaxõgüxü̃ rü ñanagürügü: —Nüma ya Cori ya Tupana rü taxü̃ i mexü̃ naxca̱x naxü i ngẽma norü duü̃xü̃gü —ñanagürügü.

Neemía 4:7

Natürü yexguma torü uanügü ga Chambaráx rü Tobía rü yema Arábiaanecüã̱x, rü Amóü̃tanüxü̃, rü Adúxcüã̱x nüxü̃ ĩnüegu nax mea iyaxũxü̃ ga yema puracü ga Yerucharéü̃arü poxeguxü̃tápü̱xwa rü yema íyangoxnagüxü̃wa rü marü nax nañaxtagüãxü̃, rü nümagü ga yema uanügü rü poraãcü nanue.

Neemía 4:1

Rü yexguma nüma ga Chambaráx nüxü̃ ĩnüchigagu ga nax namexẽẽgüãxü̃ ga guma ĩanearü poxeguxü̃, rü nanu rü norü numaxã toxü̃ nacugü.

Neemía 2:10

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü nüxü̃ cua̱xgügu nax íchanguxü̃, rü poraãcü nanue yerü nüxü̃ nacua̱xgü nax chautanüxü̃ ga Iraétanüxü̃arü ngü̃xẽẽwa chaxũxü̃.

Ngechuchuarü ngúexü̃gü ga yamugüxü̃arü puracüchiga 5:38

Rü ngẽmaca̱x i ñu̱xma rü pexü̃ chaxucu̱xẽ nax peyange̱xgüxü̃ i ñaa yatügü, rü tama penapoxcuexü̃. Erü ngẽxguma nagagutama yixĩxgu i ngẽma nüma naxügüxü̃, rü tá inayarüxo.

Iraétanüxü̃arü muxchiga 23:23

Rü taxucürüwa i yuüxü̃arü poramaxã tanachixexẽxẽ i ngẽma Acóbuarü duü̃xü̃gü, rü taxucürüwama ta̱xacürü chixexü̃maxã tanachixexẽxẽ i ngẽma Iraétanüxü̃. Rü ngẽmaca̱x i duü̃xü̃gü rü tá nüxü̃ nixugüe nax poraãcü Tupana nüxü̃ rüngü̃xẽẽxü̃ i ngẽma Iraétanüxü̃ i Acóbuarü duü̃xü̃gü ixĩgüxü̃, rü ñanagürügü tá: “Tupana rü taxü̃ i norü poramaxã ínananguxü̃xẽxẽ nawa ga yema taxü̃ ga norü guxchaxü̃ ga nüxü̃́ yexmagüxü̃”, ñanagürügü tá.

Ínachoxü̃xü̃chiga 14:25

Rü yema norü carugü ga cowaru itúgüxü̃ rü ínayichícugü, rü ngechicuãcü ñaxtüanegu nitúgümare. Rü yemaca̱x ñanagürügü: —¡Ngĩxã tibuxmü i nua! Erü nüma ya Cori ya Tupana rü ngẽma Iraétanüxü̃xü̃ ínapoxü̃, rü yixema rü tamaxã nanu —ñanagürügü.

Neemía 6:17

Rü yema ngunexü̃gügu rü ñuxre ga duü̃xü̃gü ga Yudáanewa tachigaxü̃ rü Tobíawaama naxügü, rü guxü̃guma norü poperagüwa nügümaxã nidexagü. Yerü nüma ga Tobía rü Ará nane ga Checaníaxã̱xte nixĩ. Rü ñu̱xũchi yema Tobía nane ga Yoanáü̃ rü Mechuráü̃acümaxã nixĩ ga naxãmaxü̃. Rü nüma ga Mechuráü̃ rü Berequía nane nixĩ.

Yeremía 33:9

Rü Yerucharéü̃ rü tá choxü̃ nataãxẽxẽxẽ rü tá choxü̃ natachigaxẽxẽ rü tá choxü̃ nicua̱xüxü̃ nape̱xewa i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü ngẽxguma ngẽma nachixü̃anegü nüxü̃ cuáchigagügu i guxü̃ma i ngẽma ngü̃xẽẽgü i Yerucharéü̃arü duü̃xü̃güca̱x íchanguxẽẽxü̃ rü ngẽma mexü̃gü i nüxna chaxãxü̃, rü ngẽma nachixü̃anegü rü norü muü̃maxã tá nidu̱xruxe’ ” —ñanagürü.

Yochué 2:9

—Choma nüxü̃ chacua̱x rü Cori ya Tupana pexna nanaxã i ñaa naane, rü ngẽmaca̱x i toma rü poraãcü tamuü̃e. Rü ñu̱xma rü guxü̃ma i duü̃xü̃gü i daa ĩanecüã̱x rü poraãcü pexü̃ namuü̃e.

Yochué 2:11

Rü yexguma yemaxü̃ tacua̱xgügu rü poraãcü tamuü̃e, rü taxúema tügü ítarüpora nax pemaxã tügü tadaixü̃ca̱x. Erü yimá Cori ya perü Tupana rü guxãétüwa nangẽxma i daxũguxü̃ i naanewa rü ñoma i naanewa.

Wiyaegü 129:5

Rü ngẽma Chióü̃arü uanügü rü chanaxwa̱xe nax yaxãneetanüãchixü̃ rü taxcha̱xwa yabuxmüxü̃.

Wiyaegü 147:2

Rü nüma ya Cori ya Tupana rü wena ínanadaxẽxẽ ya Yerucharéü̃ rü nananutaque̱xe i ngẽma Iraétanüxü̃ i to i nachixü̃anegügu woonexü̃.