Neemía 6:15 - Tupanaarü Ore

¹⁵ Rü meama Elúarü tauemacüarü 25 ga ngunexü̃gu nixĩ ga nagúxü̃ ga guma ĩanearü poxeguxü̃tápü̱x. Rü yema puracü rü meama 52 ga ngunexü̃ nagu tinge.

Neemía 6:15 Referans Kwoze

Danié 9:25

Rü name i nüxü̃ cucua̱x nax ta̱xacüchiga yixĩxü̃ i ngẽma tá cumaxã nüxü̃ chixuxü̃: Rü ngẽma ngunexü̃ i nagu naxunagüxü̃ nax wena namexẽẽgüãxü̃ca̱x ya Yerucharéü̃ rü ñu̱xmata ngẽma ngunexü̃ ya yima ãẽ̱xgacü ya mecü nagu ínguxü̃gu rü 7 i yüxü tá ningu i ngẽxguma. Rü ngẽma nax namexẽẽgüãxü̃ca̱x i Yerucharéü̃arü namagü rü norü poxeguxü̃tápü̱x rü 62 ya yüxü tá ningu. Natürü ngẽma ngunexü̃gügu rü tá taxü̃ i guxchaxü̃ nangẽxma.

Wiyaegü 1:3

Rü yíxema duü̃xẽ rü ñoma wüxi i nanetü i natücutü toxü̃ i guxü̃guma oxü̃ rü taguma rüñẽ̱xátüxü̃rüxü̃ tixĩ. Rü guxü̃ma i ta̱xacü i taxüxü̃wa rü mea tüxü̃́ ínanguxuchi.

Édra 6:15

Rü yexguma 6 ga taunecü ãẽ̱xgacü yixĩxgu ga Daríu ga Pérchiaarü naanewa, rü yexguma nixĩ ga nax yanguxü̃ ga guma Tupanapata ga taxü̃ne, meama Adáarü tauemacüarü tomaepü̱xarü ngunexü̃gu.

Neemía 7:1

Rü yexguma marü nagu̱xgu nax namexẽẽgüaxü̃ ga Yerucharéü̃arü poxeguxü̃tápü̱x rü nananucu ga norü ĩã̱xgü. Rü ñu̱xũchi nüxü̃ naxunetagü ga ĩã̱xarü dauruü̃gü rü wiyaetanüxü̃ rü Lebítanüxü̃.

Édra 6:14

Rü yemaacü ga nüma ga yema Yudíugü ga yema puracümaxã icua̱xgüxü̃ rü nayadaxẽẽgü ga nax napuracüexü̃. Rü Tupanaarü orearü uruü̃gü ga Aguéu rü Chacaría ga Idú nane rü Tupanaarü oremaxã poraãcü nanataãẽxẽxẽgü ga yema Tupanapatawa puracüexü̃. Rü yemaacü ga guma Tupanapataarü mexẽxẽ rü ningu yema Tupana nüxü̃ ixuxü̃rüxü̃ rü yema Chíru rü Daríu rü Artayére ga Pérchiaanearü ãẽ̱xgacügü unagügüxü̃rüxü̃.

Wiyaegü 147:2

Rü nüma ya Cori ya Tupana rü wena ínanadaxẽxẽ ya Yerucharéü̃ rü nananutaque̱xe i ngẽma Iraétanüxü̃ i to i nachixü̃anegügu woonexü̃.