Neemía 5:7 - Tupanaarü Ore

⁷ Rü yexguma marü meama nagu charüxĩnüguwena rü chayangagü ga yema ãẽ̱xgacügü rü yema duü̃xü̃gü ga idiẽruã̱xgüxü̃ naxca̱x ga yema chixexü̃ ga natanüxü̃maxã naxügüxü̃. Rü wüxi ga ngutaque̱xe namaxã chaxü ga yema duü̃xü̃gü nax nachiga chidexaxü̃ca̱x ga yema ngupetüxü̃.

Neemía 5:7 Referans Kwoze

Lebítanüxü̃arü puracüchiga 25:36

Rü ngẽxguma texé diẽruca̱x cuxna caxgu nax to i ngunexü̃gu cuxü̃́ ngĩxü̃ táeguxẽẽxü̃ca̱x, rü tama name i üétüãcü tüxü̃ cunaxütanüxẽxẽ i ngẽma diẽru. Rü ngẽma nax curü Tupanaxü̃ cumuü̃xü̃, rü name i cupatawa tüxü̃ cungexmaxẽxẽ ya cuenexẽ.

Ínachoxü̃xü̃chiga 22:25

Rü ngẽxguma chi wüxi i chorü duü̃xü̃ i cumücü i ngearü diẽruã́xü̃ cuxna caxgu nax paxaãchi nüxna ngĩxü̃ cuxãxü̃ca̱x i diẽru, rü taxũtá cunaxwa̱xe nax üétüãcü cuxü̃́ ngĩxü̃ natáeguẽẽxü̃. Rü tama name i nagu quixũ i nacüma i ngẽma diẽruã̱xgüxü̃ i üétüãcüma paxaãchi diẽru ngĩxü̃ ãgüxü̃.

Echequié 22:12

Rü curü duü̃xü̃gütanüwa nangẽxma i duü̃xü̃gü i diẽruca̱x máetagüxü̃. Rü cuwa nangẽxma i duü̃xü̃gü i taxü̃ i üétüca̱x tüxna cagüxü̃ ya yíxema diẽruca̱x nüxna cagüxe. Rü ngẽmaãcü taxü̃ i chixexü̃ naxügü erü tüxü̃́ nangĩ̱x ya yíxema namücügü rü ngẽmagagu choxü̃ inarüngüma. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Wiyaegü 15:5

rü tümaarü diẽru paxaãchi ngĩxü̃ ixãxẽ nax ngearü üétüãcüma tanatáeguxẽẽãxü̃ca̱x, rü tama diẽru yaxúxe ega texé naxütanügu nax napoxcuxü̃ca̱x i ngẽma taxuxü̃ma i chixexü̃ üxü̃. Rü yíxema ngẽmaãcü maxü̃́xẽ rü tagutáma ta̱xacürü chixexü̃gu tangu.

Lebítanüxü̃arü puracüchiga 19:15

Rü cumax, Pa Ãẽ̱xgacüx, ¡rü ngẽxguma poxcu cuxuegu̱xgu rü taxũtáma chixri cunaxü i ngẽma! ¡Rü taxũtáma naétüwa cuxü i ngẽma ngearü diẽruã́xü̃ ega aixcüma chixexü̃ naxü̱xgu! ¡Rü taxũtáma naga cuxĩnü i ngẽma diẽruã́xü̃! Rü cumax, Pa Ãẽ̱xgacüx, rü ngẽxguma poxcu cuxuegu rü name i ngẽma aixcüma guxchaxü̃ üxü̃maxã cunaxuegu i poxcu.

Popera ga Títoca̱x naxümatüxü̃ ga Pauru 2:15

Rü ngẽma ore tá nixĩ i Tupanaarü poramaxã duü̃xü̃güxü̃ namaxã cungúexẽẽxü̃ rü nüxü̃́ cunangúchaü̃xẽẽxü̃ rü namaxã cunaxucu̱xẽxü̃ nax Tupanaca̱x namaxẽxü̃ca̱x. Rü tama name nax texé cuxü̃ oxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:20

Natürü ngẽma yaxõgüxü̃arü ãẽ̱xgacügü i aixcüma pecadugu maxẽxü̃, rü name nixĩ i guxü̃ i yaxõgüxü̃pe̱xewa cunaxucu̱xẽ, nax guxü̃ma i ngẽma togü i yaxõgüxü̃arü ãẽ̱xgacügü rü ta namuü̃exü̃ca̱x nax naxügüãxü̃ i ta̱xacürü chixexü̃.

Gálatas 2:11

Natürü yixcüra ga yexguma Antioquíawa naxũxgu ga Pedru, rü noxtacüma nüxü̃ nüxü̃ chaxĩnüxẽxẽ, yerü tama aixcüma name ga yema naxüxü̃ namaxã ga yema yaxõgüxü̃ ga tama Yudíugü ixĩgüxü̃.

2 Corintios 5:16

Rü ngẽmaca̱x i toma rü tama ñoma i naanecüã̱x i duü̃xü̃gü nagu rüxĩnüexü̃ãcü nixĩ i nagu tarüxĩnüexü̃. Rü woo ga ü̃pa rü duü̃xü̃gü nagu rüxĩnüexü̃ãcü chixri Cristumaxã nagu tarüxĩnüe, natürü i ñu̱xma rü tama ngẽmaãcü namaxã nagu tarüxĩnüe.

Ore i mexü̃ ga Matéu ümatüxü̃ 18:17

Rü ngẽxguma tama nüxü̃́ inaxĩnügu i ngẽma to i taxre i duü̃xü̃gü, rü name nixĩ i guxü̃ i yaxõgüxü̃maxã nüxü̃ quixu nax ngẽma cuenexẽmaxã yadexagüxü̃ca̱x. Rü ngẽxguma tama nüxü̃́ inaxĩnügu i ngẽma yaxõgüxü̃arü ucu̱xẽ, rü name nixĩ i wüxi i duü̃xü̃ i tama yaxõxü̃gu rüe̱xna wüxi i duü̃xü̃ i Rómaarü ãẽ̱xgacüca̱x diẽru ngĩxü̃ yaxuxü̃gu namaxã curüxĩnü.

Echequié 45:9

Rü chomax ya Cori ya Tupana rü ñacharügü: —¡Pa Iraétanüxü̃arü Ãẽ̱xgacügüx, marütama nax namaxã penuexü̃ rü nüxü̃́ pengĩ́xü̃ i duü̃xü̃gü! ¡Rü aixcüma mea namaxã ipecuá i chorü duü̃xü̃gü! Rü choma ya Cori ya Tupana nixĩ i pemaxã nüxü̃ chixuxü̃ i ngẽma.

Ucu̱xẽgüchiga 27:5

Ega aixcüma nüxü̃ cungechaü̃gu i wüxi i duü̃xü̃, rü name nixĩ nax aixcüma cunaxucu̱xẽxü̃, rü tama nüxna cungeáxü̃.

Wiyaegü 27:8

Rü chauãẽwa rü chaugümaxã ñachagürü: —Cori ya Tupanaca̱x tá chadau —ñachagürü. Rü ngẽmaca̱x i chomax, Pa Corix, rü cuxca̱x chadau.

Wiyaegü 15:1

Pa Corix ¿texé tá tixĩ ya yíxema cupata ya üünenewa ngẽxmaxe? ¿Rü texé tá tixĩ ya yimá curü ma̱xpǘne ya üünenegu ãchiü̃xẽ?

Wiyaegü 4:4

¡Rü nüxü̃ pemuü̃e rü nüxü̃́ iperüxĩnüe! ¡Rü marütama nax chixexü̃ pexügüxü̃! Rü ngẽxguma ipeyacaxãchitanügu i perü pechicaxü̃wa, ¡rü peãxẽwa pegü pengugü nax ñuxãcü yixĩxü̃ i perü maxü̃ i Tupanape̱xewa!

Wiyaegü 109:11

¡Rü guxü̃ma i ngẽma norü ngẽmaxü̃gü, rü ngẽma diẽru naxü̃tawa nayaxuxü̃ noxtacüma yana! ¡Rü togümare i duü̃xü̃gü nüxü̃́ yana i ngẽma norü puracütanü!

Ínachoxü̃xü̃chiga 22:24

Rü tá poraãcü chanu rü taramaxã tá pexü̃ chadai. Rü ngẽxguma rü pexma̱xgü tá tixĩ ya yutegüxe rü ngẽma pexacügü tá nixĩ i ta̱xcuexü̃.

Wiyaegü 94:16

¿Rü texé tá choxü̃ ítapoxü̃ nüxna i ngẽma chixexü̃gu maxẽxü̃ rü ngẽma chixexü̃arü üruü̃gü?

Ucu̱xẽgüchiga 28:4

Ngẽma nüxna ixĩgachitanüxü̃ i Cori ya Tupanaarü mugü, rü nüxü̃ nicua̱xüü̃gü i ngẽma chixexü̃ ügüxü̃. Natürü ngẽma naga ĩnüexü̃ i Coriarü mugü, rü tama namaxã nataãẽgü i ngẽma chixexü̃ ügüxü̃.