Neemía 5:5 - Tupanaarü Ore

⁵ Rü ñanagürügü: —Toma rü natanüxü̃xüchi tixĩgü i ngẽma diẽruã̱xgüxü̃. Rü tonegü rü nanegümaxã nawüxigumare. Natürü i toma rü ngẽma diẽruã̱xgüxü̃na tanamugü i tonegü rü toxocügü nax toxna naxããxü̃ca̱x i diẽru nax tanaxütanüxü̃ca̱x i ngẽma diẽru ga ãẽ̱xgacü ngĩgu unetacü. Rü ngẽmaca̱x i ñuxre i tonegü rü toxocügü rü ngẽma diẽruã̱xgüxü̃arü puracütanüxü̃ nixĩgü rü tüma rü taxucürüwa wena toxca̱x tawoegu erü tangearü diẽruã̱xgü rü ngẽma torü naanegü rü torü úbanecügu rü togüme̱xẽwa nangẽxmagü —ñanagürügü.

Neemía 5:5 Referans Kwoze

Norü taxre ga popera ga ãẽ̱xgacügüchiga 4:1

Rü iyexma ga wüxi ga nge ga orearü uruxü̃ naxma̱x, rü ngĩma ga yema nge rü Erichéuxü̃tawa ixũ rü yéma nüxü̃ iyarüxu rü ngĩgürügü: —Chaute rü marü nayu rü cuma rü nüxü̃ cucua̱x ga nüma rü aixcüma Tupanaxü̃ nax nangechaü̃xü̃. Natürü i ñu̱xmax i ngẽma duü̃xü̃ ga diẽru naxü̃tawa ngĩxü̃ nayaxuxü̃ ga chaute, rü chauxü̃tawa naxũ nax nüxü̃́ chanaxütanüxü̃ca̱x. Rü ngẽmaca̱x tüxü̃ nigagüchaü̃ ya yíxema taxre ya chaune norü puracütanüxü̃ruxü̃ —ngĩgürügü.

Ichaía 58:7

Rü ngẽma chanaxwa̱xexü̃ nixĩ nax tüxü̃ pechibüexẽẽxü̃ ya yíxema taiyaexe, rü pepatawa tüxü̃ peyaxuxü̃ ya yíxema ngearü diẽruã̱xgüxe rü ngepatagüxe, rü tüxü̃ pixüxchiruxü̃ ya yíxema ngexchirugüxe, rü to̱xguã̱x tüxü̃ perüngü̃xẽẽgüxü̃.

Naanearü ügüchiga 37:27

Rü narümemae nixĩ nax Ismaétanüxü̃xü̃ namaxã itaxegüxü̃ rü tama nax yamáxü̃, erü taenexẽxü̃chi nixĩ —ñanagürü. Rü guxü̃ma ga yema togü ga naenexẽgü rü marü norü me nixĩ ga yema.

Ore i mexü̃ ga Matéu ümatüxü̃ 18:25

Natürü yema norü duü̃xü̃ rü nangearü diẽruã̱x, rü taxuacüma norü ãẽ̱xgacüaxü̃́ nanaxütanü. Rü yemaca̱x ga yema ãẽ̱xgacü rü norü churaragüxü̃ namu nax mugüruxü̃ namaxã nataxegüxü̃ca̱x ga yema yatü, wüxigu tümamaxã ga naxma̱x rü naxacügü rü norü yemaxü̃gü, nax yemaacü naxütanüãxü̃ca̱x ga norü ngetanü.

Naanearü ügüchiga 29:14

Rü Labáü̃ rü ñanagürü nüxü̃: —Aixcümaxü̃chi cuma rü chautanüxü̃xüchi quixĩ —ñanagürü. Rü wüxi ga tauemacü Labáü̃xü̃tawa nayexma ga Acóbu.

Ichaía 50:1

Nüma ya Tupana rü ñanagürü nüxü̃: —Pa Iraétanüxü̃x, ¡Taxṹ i nagu perüxĩnüexü̃ nax íchanatáxü̃ i perü mama i Iraéane ñoma wüxi ya yatü naxma̱xü̃ ítáxü̃rüxü̃! ¡Rü taxṹ i nagu perüxĩnüexü̃ nax pemaxã chataxexü̃ nax togüarü mugüruxü̃ pixĩgüxü̃ca̱x rü yemaacü chanaxütanüxü̃ca̱x ga wüxi ga chorü ngetanü! Rü pemaxã chataxe nagagu ga yema perü pecadugü yerü tama chauga pexĩnüechaü̃. Rü perü mama i Iraéane rü íchanata̱x yerü pema rü tama chauga pexĩnüe.

Ucu̱xẽgüchiga 22:7

Yíxema ingearü diẽruã́xẽtanüwa rü ngẽma diẽruã́xü̃ rü ãẽ̱xgacü nixĩ. Rü yíxema diẽruã́xü̃xü̃tawa diẽruca̱x íca̱xaxe, rü ngẽma diẽruã́xü̃me̱xẽwa tangexma.