Neemía 5:15 - Tupanaarü Ore

¹⁵ Natürü yema nüxíraxü̃xü̃ ga ãẽ̱xgacügü, rü poraãcü duü̃xü̃güaxü̃́ nanaguxchaxẽẽgü, yerü duü̃xẽgüna 40 tachinü ga diẽruca̱x ínacagü nax guxema diẽrumaxã norü õnaca̱x rü bínuca̱x nataxegüxü̃ca̱x. Rü yexgumarüxü̃ ta ga yema norü ngü̃xẽẽruü̃gü rü duü̃xü̃güaxü̃́ nanaguxchaxẽẽgü. Natürü i choma rü tama ngẽma chaxü erü Cori ya Tupanaxü̃ chamuü̃.

Neemía 5:15 Referans Kwoze

Neemía 5:9

Rü yexguma ga choma rü wena namaxã chidexa rü ñacharügü: —Rü ngẽma ñu̱xma ípexüexü̃ rü Cori ya Tupanape̱xewa rü tama wüxi i mexü̃ nixĩ. Rü name nixĩ i Cori ya Tupanaga pexĩnüe nax tama tagu yadauxcüraü̃güxü̃ca̱x i torü uanügü i tama Cori ya Tupanaaxü̃́ yaxõgüxü̃.

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

Ucu̱xẽgüchiga 16:6

Ngẽxguma texé aixcüma tümamücüxü̃ ngechaü̃gu, rü nüxü̃ tarüngüma i ngẽma guxchaxü̃ i tümamücü tümaca̱x ínguxẽẽxü̃. Rü ngẽxguma wüxíe aixcüma Cori ya Tupanaga ixĩnügu, rü nüxna tixũgachi i chixexü̃gü.

2 Corintios 11:9

Rü yexguma petanüwa chayexmagu rü aixcüma choxü̃́ itaxu ga diẽru, natürü taguma texéna ngĩxca̱x chaca. Rü taenexẽgü ga Machedóniaanewa ne ĩxü̃ rü choxna ngĩxü̃ naxãgü ga yema choxü̃́ taxu̱xcü. Rü yemaacü tama petanüwa ngĩxca̱x íchaca ga yexguma. Rü ñu̱xma rü ta tagutáma ta̱xacüca̱x pexna chaca.

Ore i mexü̃ ga Matéu ümatüxü̃ 5:47

Rü ngẽxguma chi peenexẽgüxü̃xicatama perümoxẽgu, rü guxü̃ i duü̃xü̃gürüü̃tama pixĩgü. Erü woo ngẽma duü̃xü̃gü i tama Tupanaxü̃ cua̱xgüxü̃, rü ngẽxgumarüü̃tama nanaxügü.

Yox 31:23

Rü choma rü nüxü̃ chamuü̃ ga yema Tupanaarü poxcu, yerü nüma rü guxü̃étüwa nangẽxma rü taxũchima yáxna namaxã chaxĩnü ga yema norü poxcu.

2 Corintios 12:13

Rü yexguma petanüwa chayexmagu rü pemaxã chamecüma, yema guxü̃ma ga togü ga yaxõgüxü̃maxã nax chamecümaxü̃rüü̃tama. Natürü wüxiwaxicatama nixĩ ga íchatüxü̃ yerü petanüwa rü tama ngĩxü̃ chayaxu ga diẽru yema togü ga yaxõgüxü̃tanüwa ngĩxü̃ chayaxuxü̃rüxü̃. Rü chanaxwa̱xe i choxü̃́ nüxü̃ perüngü̃ma i ngẽma.

Ucu̱xẽgüchiga 29:12

Ngẽma ãẽ̱xgacü i naga ĩnüxü̃ i ngẽma ore i doramare ixĩxü̃, rü chixexü̃wa nanagagü i guxü̃ma i norü ngü̃xẽẽruü̃gü.

Wiyaegü 147:11

Natürü ngẽma aixcüma namaxã nataãẽxü̃ nixĩ nax nüxü̃ ticua̱xüü̃güxü̃ ya yíxema nagu yaxõgüxe i norü ngechaü̃.

Wiyaegü 112:1

Name nixĩ i Cori ya Tupanaxü̃ ticua̱xüü̃gü. Rü nataãxẽ ya yimá yatü ya Cori ya Tupanaxü̃ ngechaü̃cü rü norü mugügu imaxü̃cü.

1 Chamué 8:15

Rü ngẽma 10 wetaxü̃ i perü triguwa rü perü úbawa, rü ngẽma ãẽ̱xgacü tá pexna nanayaxu i wüxiwetaxü̃, rü ñu̱xũchi ngẽma norü ngü̃xẽẽruü̃güna tá nanana.

Naanearü ügüchiga 42:18

Natürü yema tomaepü̱x ga ngunexü̃guwena rü ñanagürü nüxü̃: —Choma rü Tupanaxü̃ chamuü̃. ¡Rü Ñaa tá pexü! Rü ngẽxguma tá nixĩ i taxũtáma pexü̃ chadaixü̃.

Neemía 5:16

Rü choma rü chayanguxẽxẽ ga yema puracü nax chanamexẽẽxü̃ ga ĩanearü poxeguxü̃tápü̱x. Rü taxuxü̃ma ga naane chaugüxü̃́ chayaxu. Rü yema chorü ngü̃xẽẽruü̃gü rü ta napuracüe nawa ga yema puracü ga chaxüxü̃.

Yeremía 32:9

Rü yemaca̱x naxca̱x chataxe ga yema naane ga chauenexẽ ga Anaméx choxna ũãxü̃xü̃. Rü nüxna chanaxã ga 17 tachinü ga diẽru naxca̱x ga yema naane.

Auxexü̃chiga 5:8

Rü yema duü̃xü̃gü ga puracütanüxü̃mare ixĩgüxü̃ ga Babiróniaanewa rü ñu̱xma rü naxme̱xwa tangexmagü. Rü taxúema naxme̱xwa toxü̃ ítanguxü̃xẽxẽ.