Neemía 5:12 - Tupanaarü Ore

¹² Rü nümagü ga yema duü̃xü̃gü ga idiẽruã̱xgüxü̃ rü choxü̃ nangãxü̃gü rü ñanagürügü: —Nüxü̃́ tá tanawoeguxẽxẽ i guxü̃ma i norü naanegü rü norü úbanecügu rü norü oribunecügü rü napatagü, rü taxuxü̃táma i ta̱xacüca̱x tá nüxna taca. Rü tá tayanguxẽxẽ i guxü̃ma i ngẽma tomaxã nüxü̃ quixuxü̃ —ñanagürügü. Rü yexguma ga choma rü naxca̱x changema ga chacherdótegü rü yemagüpe̱xewa nüxü̃ nüxü̃ chixuxẽxẽ nax aixcüma tá yanguxẽxẽgüãxü̃ ga yema chomaxã inaxunetagüxü̃.

Neemía 5:12 Referans Kwoze

Édra 10:5

Rü yexguma nüma ga Édra rü inachi rü naxca̱x nangema ga guxü̃ma ga Iraétanüxü̃, rü yema chacherdótegüarü ãẽ̱xgacügü rü norü ngü̃xẽẽruü̃gü ga Lebítanüxü̃. Rü nüxna naca rü tá aixcüma yanguxẽẽgüã ga yema norü unetagü. Rü nümagü rü nanaxuegugü nax yanguxẽẽgüãxü̃ tá.

Ore i mexü̃ ga Luca ümatüxü̃ 19:8

Rü yexguma ga Chaquéu rü inachi rü ñanagürü Ngechuchuxü̃: —Dücax, Pa Corix, choma rü ngẽma ngearü diẽruã̱xgüxü̃na tá chanaxã i ngãxü̃gu i guxü̃ma i chorü ngẽmaxü̃gü. Rü ngẽxguma chi texé tüxü̃ chawomüxẽẽãcüma tüxü̃́ changíxgu, rü ãgümücüe̱xpü̱xcüna tá tüxü̃́ ngĩxü̃ chatáeguxẽxẽ i ngẽma tümaarü diẽru —ñanagürü.

Ore i mexü̃ ga Matéu ümatüxü̃ 26:63

Natürü ga Ngechuchu rü nangea̱xmare. Rü yemaca̱x ga chacherdótegüarü ãẽ̱xgacü ga Caipá rü ñanagürü nüxü̃: —Tupana ya Maxü̃cüégagu cuxü̃ chamu nax aixcüma tomaxã nüxü̃ quixuxü̃ nax texé quixĩxü̃. ¿Rü cuma ẽ̱xna i Cristu ya Tupana Nane quixĩxü̃? —ñanagürü.

Neemía 13:25

Rü chayangagü rü guxchaxü̃ namaxã chaxuegu. Rü nümaxü̃ ga yema duü̃xü̃gü rü nüxna chanacuaixca rü nayaegu chatugü. Rü Tupanape̱xewa nüxü̃ nüxü̃ chixuxẽxẽ nax taxũtáma naxacügü rü nanegü to i nachixü̃anecüã̱xgümaxã naxãtexü̃ rü yaxãmaxü̃, rü taxũtáma nayauxgüãxü̃ i to i nachixü̃anecüã̱xgü i ngexü̃gü nax nanema̱xü̃ rüe̱xna naxma̱xü̃tama yixĩgüxü̃ca̱x. Rü ñacharügü nüxü̃:

Neemía 10:31

Rü nüxü̃ tixu rü ngẽxguma ngẽma duü̃xü̃gü i tama Iraétanüxü̃ ixĩgüxü̃ ngü̃chigaarü ngunexü̃gu norü ngẽmaxü̃gümaxã núma yataxegügu rüe̱xna guxü̃raü̃xü̃ i trigute̱xemaxã nataxegügu, rü taxũtáma nüxü̃́ naxca̱x tataxegü rü bai i ngü̃chigaarü ngunexü̃gu rü bai i to i ngunexü̃ i nagu Tupanaca̱x ixaurexü̃gu. Rü nüxü̃ tixu rü ngẽxguma norü 7 ya taunecüwa nanguxgu rü taxũtáma tatoegü rü ngẽxma tá inayarüxo i guxü̃ma i ngetanügü.

Neemía 10:29

Rü guxãma ga toma rü mea tanayauxgü ga yema uneta rü nüxü̃ tixu nax aixcüma tá mea naga taxĩnüexü̃ i ngẽma Tupanaarü mugü rü ucu̱xẽgü ga nüma ya Tupana norü duü̃ ga Moichéna naxãxü̃.

Édra 10:12

Rü yexguma yemaxü̃ naxĩnüegu ga guxü̃ma ga yema duü̃xü̃gü rü tagaãcü nanangãxü̃gü rü ñanagürügü: —Ngẽmáacü tá tanaxü i ngẽma toxü̃ cumuxü̃.

Neemía 5:11

Rü ngẽmaca̱x pexna naxca̱x chaca nax ñu̱xmatama nüxü̃́ penawoeguxẽẽxü̃ i norü naanegü rü norü úbanecügu rü norü oribunecügü rü napatagü. Rü chanaxwa̱xe nax nüxü̃́ nüxü̃ perüngümaexü̃ i ngẽma pexü̃́ nangetanügüxü̃ i diẽru rü trigu rü bínu rü chíxü̃ —ñachagürü.

Neemía 10:30

Rü wüxigu nüxü̃ tixu rü taxũtáma tanaxwa̱xe nax toxocügü rü tonegü rü ngẽma duü̃xü̃gü i tama Iraétanüxü̃ ixĩgüxü̃maxã yaxãtexü̃ rüe̱xna yaxãmaxü̃.