Neemía 4:23 - Tupanaarü Ore

²³ Rü yemaca̱x ga choma rü yema chautanüxü̃ rü yema chorü ngü̃xẽẽruü̃gü, rü woo ga yema chorü dauruü̃gü rü tama ítacu̱xü̃ ga toxchiru ga yexguma tapeegu. Rü wüxíechigü ga toma rü ãxneãcütama tapee.

Neemía 4:23 Referans Kwoze

1 Corintios 15:10

Natürü ga Tupana rü chomaxã namecüma, rü ngẽmaca̱x i ñu̱xma rü choxü̃ pedau nax ta̱xacü chixĩxü̃ rü ñuxãcü nax chixĩxü̃. Rü yema chomaxã nax namecümaxü̃ rü tama natüca̱xma nixĩ. Yerü choma rü guxü̃ ga togü ga yamugüxü̃arü yexera chanaxü ga Tupanaarü puracü. Natürü tama chauechama chanaxü ga yema puracü, natürü Tupana ga chomaxã mecümacü rü chomaxã puracücü nixĩ ga naxücü ga yema puracü nax nüxü̃ chixuxü̃ca̱x ga norü ore.

Neemía 7:2

Rü nüxü̃ chaxuneta ga chauenexẽ ga Ananí nax Yerucharéü̃arü ãẽ̱xgacü yixĩxü̃ca̱x. Rü yexgumarüxü̃ ta nüxü̃ chaxuneta ga Ananía nax ãẽ̱xgacüpatamaxã inacuáxü̃ca̱x yerü nüma nixĩ ga wüxi ga yatü ga mea ta̱xacümaxã icuáxü̃ rü guxü̃ma ga duü̃xü̃güarü yexera Tupanaga naxĩnüxü̃.

Neemía 5:16

Rü choma rü chayanguxẽxẽ ga yema puracü nax chanamexẽẽxü̃ ga ĩanearü poxeguxü̃tápü̱x. Rü taxuxü̃ma ga naane chaugüxü̃́ chayaxu. Rü yema chorü ngü̃xẽẽruü̃gü rü ta napuracüe nawa ga yema puracü ga chaxüxü̃.

Ãẽ̱xgacügü ga guxchaxü̃güarü mexẽxẽruü̃gü 9:48

Rü nüma ga Abimeréx rü guxü̃ma ga norü duü̃xü̃gümaxã ma̱xpǘne ya Charmóü̃wa naxũ rü wüxi ga yuemamaxã naichacüxü nidae. Rü ñu̱xũchi nügüãtügu nayange. Rü guxü̃ma ga norü duü̃xü̃güxü̃ namu nax paxa naxügüã̱xü̃ca̱x ga yema nüma naxüxü̃.

Ãẽ̱xgacügü ga guxchaxü̃güarü mexẽxẽruü̃gü 5:11

¡Rü yea puchugüwa rü guxü̃ne ya ĩanewa, rü pepaxetagüãcü rü pewiyaegüãcü nüxü̃ pixu nax Cori ya Tupana rü naporamaexü̃, rü Iraétanüxü̃ rü norü uanügüxü̃ naporamaegüxü̃!

Neemía 4:22

Rü yexgumarüxü̃ ta ga yema duü̃xü̃gü ga ĩane ga Yerucharéü̃arü düxétügu ãpatagüxü̃ rü namaxã nüxü̃ chixu nax ngunecüxicatama napuracüexü̃, rü chütacü rü ĩanearü aixepegu napegüxü̃ nax yemaacü dauxü̃taeruü̃güxü̃ nangü̃xẽẽgüxü̃ca̱x.

Neemía 5:1

Rü yema ga ngunexü̃gügu ga duü̃xü̃gü rü ñu̱xũchi naxma̱xgü rü poraãcü yema togü ga natanüxü̃ ga Yudíugü ga diẽruã̱xgüxü̃chiga nidexagü.

Joel 2:8

Rü tama nügümaxã inarüxü, rü wüxichigü rü namaxü̃gutama nixũchigü. Rü woo duü̃xü̃gü yama̱xgügu natürü we̱xgu naxĩãma.