Neemía 4:21 - Tupanaarü Ore

²¹ Rü yemaacü ga yema ngãxü̃tücumü ga duü̃xü̃gü rü yexguma noxritama üa̱xcü ibáxichigu nanaxügüe nax nawa napuracüexü̃ ga yema ĩanearü poxeguxü̃tápü̱x rü ñu̱xmata wena yanaxücu ga üa̱xcü. Rü yema togü ga duü̃xü̃gü rü nadauxü̃taegü rü taguma ínanange̱xgü ga naxnegü.

Neemía 4:21 Referans Kwoze

Gálatas 6:9

Rü ngẽmaca̱x tama name nax nüxü̃ rüchauexü̃ nax mexü̃ ixüexü̃. Rü ngẽxguma tama nüxü̃ rüchauegu nax mexü̃ ixügüxü̃, rü ngẽxguma Tupanaxü̃tawa ingugügu rü mexü̃ tá tayaxu.

1 Corintios 15:58

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.

1 Corintios 15:10

Natürü ga Tupana rü chomaxã namecüma, rü ngẽmaca̱x i ñu̱xma rü choxü̃ pedau nax ta̱xacü chixĩxü̃ rü ñuxãcü nax chixĩxü̃. Rü yema chomaxã nax namecümaxü̃ rü tama natüca̱xma nixĩ. Yerü choma rü guxü̃ ga togü ga yamugüxü̃arü yexera chanaxü ga Tupanaarü puracü. Natürü tama chauechama chanaxü ga yema puracü, natürü Tupana ga chomaxã mecümacü rü chomaxã puracücü nixĩ ga naxücü ga yema puracü nax nüxü̃ chixuxü̃ca̱x ga norü ore.

Colosenses 1:29

Rü ngẽmaca̱x woo guxchaxü̃gü cha̱u̱xca̱x ínguxgu rü poraãcü chapuracüama namaxã i ngẽma pora i chowa ngẽxmaxü̃ i Cristu choxna ãxü̃.

Neemía 4:20

Rü ngẽmaca̱x ega ngẽxguma tá tórü uanügü nua ĩxgu rü nüxü̃ pexĩnüegu i cornétaga ¡rü paxa toxü̃tawa pebuxmü! Rü tórü Tupana tá nixĩ i nada̱i̱xü̃ i ngẽma tórü uanügü —ñachagürü.

Neemía 4:22

Rü yexgumarüxü̃ ta ga yema duü̃xü̃gü ga ĩane ga Yerucharéü̃arü düxétügu ãpatagüxü̃ rü namaxã nüxü̃ chixu nax ngunecüxicatama napuracüexü̃, rü chütacü rü ĩanearü aixepegu napegüxü̃ nax yemaacü dauxü̃taeruü̃güxü̃ nangü̃xẽẽgüxü̃ca̱x.