Neemía 4:14 - Tupanaarü Ore

¹⁴ Rü yexguma nüxü̃ chicua̱xãchigu ga nax namuü̃exü̃ ga duü̃xü̃gü, rü nüxna chaxu ga guxü̃ma ga ãẽ̱xgacügü rü duü̃xü̃gü nax chomaxã nangutaque̱xegüxü̃ca̱x, rü ñachagürü nüxü̃: —¡Taxṹ i pemuü̃exü̃! ¡Rü nüxna pecua̱xãchie rü nüma ya Tupana rü poraxüchicü rü üünecü nax yixĩxü̃! Rü ngẽmaca̱x name nixĩ nax ípemexü̃ nax perü uanümaxã pegü pedaixü̃ rü ípenapoxü̃xü̃ i pemücügü, rü petanüxü̃ rü pepatacüã̱xgü —ñachagürü nüxü̃.

Neemía 4:14 Referans Kwoze

2 Chamué 10:12

¡Taxṹ i cumuü̃xü̃ rü cugü naporaxẽxẽ! ¡Rü ngĩxã yigü namaxã tadai naxca̱x i tórü nachixü̃ane rü tóxrü Cori ya Tupanaarü ĩanegü! Rü nüma ya tórü Cori ya Tupana rü tá nanaxü i ngẽma nüma nüxü̃ nacuáxü̃ nax namemaexü̃ —ñanagürü.

Iraétanüxü̃arü muxchiga 14:9

Natürü i pemax rü tama name nax Cori ya Tupanamaxã penuexü̃. Rü tama name i nüxü̃ pemuü̃e i ngẽma nachixü̃anecüã̱x i duü̃xü̃gü. Erü nümagü rü tá ñoma paũ i ngṍxü̃rüxü̃ tá tüxü̃́ nixĩgü i taxca̱x erü nataxuma i texé nax nüxna dauxü̃. Natürü i yixema rü tüxü̃́ nangẽxma ya Cori ya Tupana ya tüxna daucü. ¡Rü taxṹ i pemuü̃exü̃! —ñanagürügü.

Popera ga Yudíugü ga yaxõgüxü̃ca̱x ümatüxü̃ 13:6

Rü ngẽmaca̱x tama taxãnee nax ñagüxü̃: “Nüma ya Cori nixĩ ya choxü̃ rüngü̃xẽẽcü. Rü ngẽmaca̱x taxuca̱xma chamuü̃. ¿Rü texé tá ta̱xacürü chixexü̃ cha̱u̱xca̱x ítanguxẽxẽ?” ñagüxü̃.

Ore i mexü̃ ga Matéu ümatüxü̃ 10:28

¡Rü taxṹ i nüxü̃ pemuü̃exü̃ i ngẽma duü̃xü̃gü i taxü̃nexü̃ imáxü̃! Erü taxucürüwa nayama̱x i taãxẽ. Natürü name nixĩ i nüxü̃ pemuü̃e ya yimá Tupana. Erü nüma nüxü̃́ nangẽxma i pora nax napoxcuãxü̃ca̱x i pexene rü peãxẽ rü ta nagu ya yimá üxü ya taguma ixoxü̃ne.

Wiyaegü 66:3

¡Rü Tupanamaxã nüxü̃ pixu rü ñapegügü: —Pa Tupanax, ngẽma cuxüxü̃ rü namexẽchi. Rü ngẽma cumaxã rüxuanügüxü̃ rü curü poragagu muü̃maxã cuxme̱xgu nügü nayixẽxẽ. Rü guxü̃wama i ñoma i naanewa rü duü̃xü̃gü cuxü̃ nicua̱xüü̃gü rü norü wiyaegümaxã cuxü̃ nataxẽẽgü —ñapegügü!

Wiyaegü 65:5

Pa Tupana Pa Torü Maxẽxẽẽruxü̃, cuma rü tomaxã quixaixcüma rü toxü̃ cungãxü̃ namaxã i ngẽma mexü̃gü i curü poramaxã cuxüxü̃. Rü woo ñaa naane iyacuáxü̃wa ngẽxmagüxü̃ i duü̃xü̃gü rü cuxü̃́ nayaxõgü. Rü woo már arü tocutü i yáxü̃guxü̃wa ngẽxmagüxü̃ i duü̃xü̃gü rü cuxü̃́ nayaxõgü.

Wiyaegü 20:7

Rü nümaxü̃ i uanügü rü norü carugümaxã nügü ínarüporae. Rü togü rü norü cowarugümaxã nügü ínarüporae. Natürü i yixema rü yimá tórü Cori ya Tupanamaxã yigü ítarüporae.

Neemía 1:5

Rü ñachagürü nüxü̃: —Pa Cori Pa Tupana ya Daxũcüã̱x, cuma rü Tupana ya Guxãétüwa Ngẽxmacü quixĩ, rü cuxãũcüma. Rü ngẽxguma texémaxã cuxunetagu rü aixcüma cuyanguxẽxẽ i ngẽma curü uneta i namaxã nüxü̃ quixuxü̃ i ngẽma duü̃xü̃gü i cuxü̃ ngechaü̃güxü̃ rü yanguxẽẽgüxü̃ i curü mugü.

Yochué 1:9

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

Wenaxarü naxümatü ga Tupanaarü mugü 10:17

Erü yimá perü Cori ya Tupana rü ngẽma duü̃xü̃gü namaxã tupanaã̱xgüxü̃étüwa nangẽxma, rü guxü̃ma i ãẽ̱xgacügüétüwa nangẽxma. Rü nüma nixĩ i poraxüchicü rü ãũcümacü rü guxü̃maxã icuácü. Rü naxca̱x rü guxãma i yixema rü tawüxigu, rü tama diẽru nayaxu ega texé tügü ütanüchaü̃gu.

Wenaxarü naxümatü ga Tupanaarü mugü 1:21

Rü nüma ya Cori ya tórü Tupana ixĩcü, rü marü pexna nanaxã i ñaa naane. ¡Rü ẽcü nawa pexĩ rü nagu pexãchiü̃gü ngẽma Cori ya perü o̱xigüarü Tupana nüxü̃ ixuxü̃rüxü̃! ¡Rü taxṹ i pemuü̃exü̃, rü bai tá iperümaãchitanüxü̃!” ñacharügü.

Wiyaegü 143:5

Rü nagu charüxĩnü ga yema mexü̃gü ga taxü̃ ga nũxcüma toxca̱x cuxüxü̃. Rü nüxna chacua̱xãchi nax poraãcü toxü̃ curüngü̃xẽẽxü̃.

Wiyaegü 66:5

¡Rü nua pexĩ nax nüxü̃ pedaugüxü̃ca̱x i ngẽma taxü̃ i mexü̃gü i duü̃xü̃güca̱x naxüxü̃ ya Tupana!

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Wiyaegü 27:1

Nüma ya Cori ya Tupana rü chorü omü rü chorü maxẽxẽruxü̃ nixĩ. ¿Rü texéxü̃ tá nixĩ i chamuü̃xü̃? Rü nüma ya Cori nixĩ i ínapoxü̃ãxü̃ i chorü maxü̃. ¿Rü texéxü̃ tá nixĩ i chamuü̃xü̃?

Yox 37:22

Rü ngẽxguma ínanguxgu ya Tupana norü pora i ãũcümaxü̃maxã rü nórtewaama nango̱x i dexemaxü̃ i dauxü̃wa.

Ngu̱xẽẽtaeruü̃arü ore 12:1

Rü ñu̱xma nax cungextü̱xüxü̃, rü ¡nüxna nacua̱xãchi ya yimá Tupana ya cuxü̃ ngo̱xẽẽcü ñoma rü ta taxũta ínangugü i ngunexü̃gü i guxchaxü̃gü namaxã napaxü̃! Erü tá cuxca̱x ínangugü i ngunexü̃gü i nagu ñacuxü̃: —Rü taxuwama choxü̃́ name nax chamaxü̃xü̃ —ñacuxü̃.

Ínachoxü̃xü̃chiga 14:14

Rü pema rü taxuca̱xma pexoegaãẽgü. Erü nüma ya Cori ya Tupana rü tá pexü̃ ínapoxü̃ —ñanagürü.

Ínachoxü̃xü̃chiga 14:25

Rü yema norü carugü ga cowaru itúgüxü̃ rü ínayichícugü, rü ngechicuãcü ñaxtüanegu nitúgümare. Rü yemaca̱x ñanagürügü: —¡Ngĩxã tibuxmü i nua! Erü nüma ya Cori ya Tupana rü ngẽma Iraétanüxü̃xü̃ ínapoxü̃, rü yixema rü tamaxã nanu —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 3:27

Rü yexguma Iraégüarü naanewa nanguxgu, rü Efraíü̃arü máxpü̱xanexü̃wa cornétagu nayarücue nax yemaacü Iraétanüxü̃ca̱x naca̱xaxü̃. Rü guxü̃ma ga nüma ga yema duü̃xü̃gü rü ma̱xpǘnegüwa narüchoü̃ namaxã ga Aóx ga nape̱xegu ixũxü̃.

Danié 11:32

Rü nüma i ngẽma ãẽ̱xgacü rü tá ãmaregü nüxna naxãgü i ngẽma Tupanana ixĩgachixü̃. Natürü ngẽma Iraétanüxü̃ i aixcüma Tupanaga ĩnüexü̃ rü taxũtáma ngẽma ãẽ̱xgacüga naxĩnüe.

Chacaría 14:3

Natürü ngẽmawena i nüma ya Cori ya Tupana rü tá ngẽma nachixü̃anegümaxã nügü nadai ñoma churaragü norü uanügümaxã nügü daixgurüxü̃.