Neemía 3:23 - Tupanaarü Ore

²³ Rü nawena ga norü üye ga chacherdótegü naxügüxü̃ rü Bẽyamíü̃ rü Achúx nixĩ ga namexẽẽgüxü̃ ga yema naxtapü̱xarü üye ga napatagüarü to̱xma̱xtawa üxü̃. Rü nawena rü Acharía ga Maachía nane ga Ananía nataxa nixĩ ga namexẽẽxü̃ ga yema naxtapü̱xarü üye ga napataxü̃tawa yexmaxü̃.

Neemía 3:23 Referans Kwoze

Neemía 10:2

rü Cheraía, rü Acharía, rü Yeremía,

Neemía 8:7

Rü Lebítanüxü̃ ga Yochué, rü Baní, rü Cherebía, rü Yamíü̃, rü Acúx, rü Chaxtái, rü Odía, rü Maachía, rü Queritá, rü Acharía, rü Yochabá, rü Anáü̃ rü Peraía nixĩ ga duü̃xü̃gümaxã meama nango̱xẽẽgüxü̃ nax ta̱xacüchiga yixĩxü̃ ga yema mugü. Rü yexguma ga nüma ga duü̃xü̃gü rü tama nixĩgachitanü nawa ga yema nachica ga nagu nachigüxü̃.

Neemía 8:4

Rü nüma ga chacherdóte ga Édra rü nachinagü nagu ga wüxi ga chinagüruxü̃ ga mürapewanaxca̱x ga woetama yemaruxü̃ yexma üxü̃. Rü norü tügünecüwaguama nachigü ga Matatía, rü Chéma, rü Anía, rü Uría, rü Irichía rü Maachía. Rü norü to̱xwecüwaguama nachigü ga Pedaía, rü Michaé, rü Maquía, rü Achúü̃, rü Achadána, rü Chacaría rü Mechuráü̃.

Neemía 3:10

Rü yema norü to ga naxtapü̱xarü üye rü Yedaía ga Arumáx nane nixĩ ga namexẽẽxü̃ yerü napataarü to̱xma̱xtawa nayexma. Rü yema norü to ga naxtapü̱xarü üye rü Atú ga Achaxnía nane nixĩ ga namexẽẽxü̃.

Neemía 3:22

Rü yema norü to ga naxtapü̱xarü üye rü yema chacherdótegü ga Yudáü̃arü doxonexü̃wa maxẽxü̃ nixĩ ga namexẽẽgüxü̃.

Neemía 3:24

Rü yema norü to ga naxtapü̱xarü üye rü Binuí ga Enadáx nane nixĩ ga namexẽẽxü̃. Rü Acharíapataarü to̱xma̱xtawa inanaxügü rü ñu̱xmata naxtapü̱x ínapoxü̃wa nangu.