Neemía 3:21 - Tupanaarü Ore

²¹ Rü yema norü to ga naxtapü̱xarü üye rü Meremóx ga Uría nane ga Cóx nataxa nixĩ ga namexẽẽxü̃. Rü Eriachíarü ĩã̱xarü to̱xma̱xtawa inaxügü ga nax namexẽẽãxü̃ ñu̱xmata guma chacherdótepata iyacuáxü̃wa nangu.

Neemía 3:21 Referans Kwoze

Neemía 7:63

Rü yema chacherdótegü ga woeguxü̃tanüwa rü nayexma ga Obaíataagü, rü Cóxtaagü, rü Bachiláitaagü. Rü nüma ga Bachilái rü Garaáxcüã̱x ga Bachiláixacümaxã naxãxma̱x rü yemaca̱x na̱xtüégagu nügü naxüéga.

Édra 2:61

Rü yema chacherdótegü ga woeguxü̃ rü Obaíataagü, rü Cóxtaagü, rü ñu̱xũchi Bachiláitaagü nixĩgü. Rü nüma ga Bachilái rü Garaáxcüã̱x ga Bachiláixacümaxã naxãxma̱x rü yemaca̱x na̱xtüégagu nügü naxüéga. Rü nümagü ga yema chacherdótegü rü yema natanüxü̃panegu naxca̱x nadaugü ga naéga, natürü nataxuma ga naéga ga yema natanüxü̃panewa rü tama nüxü̃ nacua̱xgü rü aixcüma Iraétanüxü̃ yaxĩgü. Rü yemaca̱x taxuacüma chacherdótexü̃ nixĩgü ga nümagü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:8

Rü Cóx rü Anúxnatü rü Chobebánatü nixĩ. Rü nüma ga Cóx rü norü o̱xi nixĩ ga yema Aarétanüxü̃. Rü nüma ga Aaré rü Arúü̃ nane nixĩ.

Édra 8:33

Rü yexguma norü ãgümücü ga ngunexü̃wa nanguxgu nixĩ ga Tupanapata ga taxü̃ne ga Yerucharéü̃wa yexmanewa itanayáxü̃ rü chacherdóte ga Meremóx ga Uría nanena tananaxü̃ ga yema diẽrumü rü úiru rü yemaxü̃gü. Rü yéma nayexmagü ta ga chacherdóte ga Meremóxmücügü ga Ereachá ga Fineéx nane, rü yema taxre ga Lebítanüxü̃ ga Yochabá ga Yochué nane rü Noadía ga Binuí nane.

Neemía 3:20

Rü Barúx ga Chabái nane rü yema naxtapü̱x ínapoõchixü̃wa inaxügü nax namexẽẽãxü̃ rü ñu̱xmata chacherdótearü ãẽ̱xgacü ga Eriachíarü ĩã̱xarü to̱xma̱xtawa nangu.

Neemía 3:22

Rü yema norü to ga naxtapü̱xarü üye rü yema chacherdótegü ga Yudáü̃arü doxonexü̃wa maxẽxü̃ nixĩ ga namexẽẽgüxü̃.

Neemía 3:1

Rü nüma ga chacherdóte ga Eriachí rü ñu̱xũchi yema namücügü ga chacherdótegü nixĩ ga namexẽẽgüxü̃ ga yema ĩã̱x ga Carnérugügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü. Rü ñu̱xũchi yema 100arü Daxũtaechicawa inanaxügüe nax namexẽẽgüaxü̃́ ga yema naxtapü̱x rü ñu̱xmata yema Ananéarü Daxũtaechicagu yacuáx.

Neemía 3:4

Rü yema norü to ga naxtapü̱xarü üye rü Meremóx ga Uría nane ga Cóx nataxa nixĩ ga namexẽẽxü̃. Rü yema norü to ga naxtapü̱xarü üye rü Mechuráü̃ ga Berequía nane ga Mechechabé nataxa nixĩ ga namexẽẽxü̃. Rü yema norü to ga naxtapü̱xarü üye rü Chadóx ga Baaná nane nixĩ ga namexẽẽxü̃.