Neemía 3:20 - Tupanaarü Ore

²⁰ Rü Barúx ga Chabái nane rü yema naxtapü̱x ínapoõchixü̃wa inaxügü nax namexẽẽãxü̃ rü ñu̱xmata chacherdótearü ãẽ̱xgacü ga Eriachíarü ĩã̱xarü to̱xma̱xtawa nangu.

Neemía 3:20 Referans Kwoze

Neemía 3:1

Rü nüma ga chacherdóte ga Eriachí rü ñu̱xũchi yema namücügü ga chacherdótegü nixĩ ga namexẽẽgüxü̃ ga yema ĩã̱x ga Carnérugügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü. Rü ñu̱xũchi yema 100arü Daxũtaechicawa inanaxügüe nax namexẽẽgüaxü̃́ ga yema naxtapü̱x rü ñu̱xmata yema Ananéarü Daxũtaechicagu yacuáx.

Romanos 12:11

Rü tama name i pexo. Natürü name nixĩ i perü ngúchaü̃maxã penaxü i Cori ya Tupanaarü puracü.

Ngu̱xẽẽtaeruü̃arü ore 9:10

Rü guxü̃ma i ngẽma puracü i nüxü̃ cucuáxü̃ nax cunaxüxü̃, ¡rü mea naxü! Erü ngẽxguma cuyu̱xgu rü tauquewa cungexmagu, rü taxuxü̃ma cuxü rü taxuguma curüxĩnü erü ngéma rü nataxuma i ta̱xacürü cua̱x.

Neemía 13:28

Rü chacherdótegüarü ãẽ̱xgacü ga Eriachí nane ga Yoiadá rü ngĩmaxã naxãma ga Chambaráx ga Oróü̃tanüxü̃ naxacü. Rü Yoiadáxü̃ íchata̱xüchi ga Yerucharéü̃wa rü yáxü̃wama chanamu. Rü yemawena rü Tupanamaxã chidexa, rü ñacharügü nüxü̃:

Neemía 13:4

Rü naxü̃pa nax yema ngupetüxü̃, rü chacherdóte ga Eriachí nixĩ ga namaxã icuácü ga Tupanapata ga taxü̃nearü yemaxü̃güpataü̃gü. Natürü nüma ga Eriachí rü Tobíatanüxü̃ nixĩ.

Neemía 3:21

Rü yema norü to ga naxtapü̱xarü üye rü Meremóx ga Uría nane ga Cóx nataxa nixĩ ga namexẽẽxü̃. Rü Eriachíarü ĩã̱xarü to̱xma̱xtawa inaxügü ga nax namexẽẽãxü̃ ñu̱xmata guma chacherdótepata iyacuáxü̃wa nangu.

Édra 10:28

Rü Bebáitaagüwa rü Yoanáü̃, rü Ananía, rü Chabái, rü Atái nixĩgü.

Neemía 10:6

rü Danié, rü Guinetóü̃, rü Barúx,