Neemía 3:15 - Tupanaarü Ore

¹⁵ Rü Charúü̃ ga Coroché nane ga Mispáanemaxã icuáxü̃ nixĩ ga yamexẽẽxü̃ ga yema ĩã̱x ga Dexáarü Chuxchuxü̃gu ãégaxü̃. Rü nanaxüpataétü ga yema ĩã̱x rü ñu̱xũchi nananucu ga norü ĩã̱xgü namaxã ga norü wãtaruü̃gü rü norü tairuü̃gü. Rü ñu̱xũchi nanamexẽxẽ ta ga yema Chiloéarü Dexápataxü̃arü naxtapü̱x ga Ãẽ̱xgacüarü Putüranecüwaama daxü̃ rü ñu̱xmata guma toxṍõnegü ga Dabíarü Ĩanewa rüdaenewa nangu.

Neemía 3:15 Referans Kwoze

Ore i mexü̃ ga Cuáü̃ ümatüxü̃ 9:7

Rü yexguma gumá ngexetücüxü̃ ñanagürü: —¡Chiloéarü puchuwa naxũ rü ngéma dexámaxã cugü yayauxetü! —ñanagürü. (Rü ngẽma naéga i Chiloé rü “Tüxü̃ muxü̃”, ñaxü̃chiga nixĩ.) Rü yéma naxũ ga gumá ngexetücü rü dexámaxã nügü naya̱u̱xetü. Rü yexguma nataeguxgu rü marü nidauuchixetü.

Ichaía 8:6

—Choma rü ngẽma dexá i meamare puchu i Chiloéwa ne yáxü̃rüxü̃ nüxü̃ charüngü̃xẽẽchaü̃ i ngẽma Yudáanecüã̱xgü, natürü choxü̃ naxoe erü ãẽ̱xgacügü ga Rechíü̃xü̃ rü Remaría nane ga Pécaxü̃ namuü̃e.

Neemía 12:37

Rü yexguma yema ĩã̱x ga Puchugu ãégaxü̃wa nangugügu rü yema naxtaxpü̱xétügu nixĩxü̃tanü. Rü yexguma guma Yerucharéü̃arü üye ga Dabíarü Ĩanegu ãégaxü̃wa nangugügu, rü yema naxtaxpü̱xétüarü toxṍõnewa naxĩgü. Rü ãẽ̱xgacü ga Dabípatawa nachopetü rü ñu̱xmata nawa nangugü ga yema ĩã̱x ga Dexágu ãégaxü̃ ga ĩanearü éstewaama yexmaxü̃.

Ore i mexü̃ ga Luca ümatüxü̃ 13:4

¿Rü ẽ̱xna pema nagu perüxĩnüegu rü guxü̃ ga Yerucharéü̃cüã̱xarü yexera nipecaduã̱xgü ga yema 18 ga yatügü ga yuexü̃ ga yexguma Chiloéwa yexmaxü̃ ga dauxü̃taechica namaxã iwa̱xgu?

Neemía 2:14

Rü ñu̱xũchi ichixũchigü ñu̱xmata Dexá i Chuchuxü̃gu ãégaxü̃ ga ĩã̱xwa changu ga ãẽ̱xgacüarü puchu íyexmaxü̃wa. Natürü ga chorü búru rü taxuacüma naétüwa naxüpetü ga yema naxtapü̱xarü puexü̃.

Yeremía 40:6

Rü nüma ga Yeremía rü Aicáü̃ nane ga Guedaríamaxã Mispáwa naxũ. Rü yéma naxü̃tawa nayexma natanüwa ga yema duü̃xü̃gü ga yema nachixü̃anewa yaxǘgüxü̃.

Neemía 3:14

Rü Maquía ga Recáx nane nixĩ ga Bex-aqueréü̃arü ĩanemaxã icuáxü̃. Rü nüma nixĩ ga wena namexẽẽãxü̃ ga yema ĩã̱x ga Guxchiregu ãégaxü̃. Rü nananucu ga norü ĩã̱xgü namaxã ga norü wãtaruü̃gü rü norü tairuü̃gü.

Neemía 3:12

Rü yema norü to ga naxtapü̱xarü üye rü Charúü̃ ga Aroé nane nixĩ ga namexẽẽxü̃. Rü nüma ga Charúü̃ nixĩ ga yema to ga ngãxü̃ ga Yerucharéü̃arü ĩanemaxã inacuáxü̃. Rü naxacügü iyixĩ ga nüxü̃ rüngü̃xẽẽgücü.

Neemía 3:9

Rü yema norü to ga naxtapü̱xarü üye rü Refaía ga Úru nane nixĩ ga namexẽẽxü̃. Rü nüma ga Refaía nixĩ ga ĩane ga Yerucharéü̃arü ngãxü̃maxã inacuáxü̃.

Neemía 3:7

Rü yema norü to ga naxtapü̱xarü üye rü Meratía ga Gabaóü̃cüã̱x, rü Yadóü̃ ga Merunúcüã̱x nixĩ ga namexẽẽgüxü̃ tümamaxã ga guxema duü̃xẽgü ga Gabaóü̃cüã̱xgü rü Mispácüã̱xgü ga ãẽ̱xgacü ga Eufrátearü oéstewa yexmaxü̃me̱xẽwa yexmagüxe.

Norü taxre ga to ga popera ga ãẽ̱xgacügüchiga ümatüxü̃ 32:30

Rü nüma ga Echequía rü nanapoxta ga yema ngate ga dexá nawa iya̱xpetüxü̃ ga natü ga Guióü̃wa ne daxü̃. Rü guma Dabíarü Ĩanearü oéstewaama nayacapetü nax yémaama nayáxü̃ca̱x ga yema dexá. Rü guxü̃ma ga yema naxüxü̃ ga Echequía rü mea nüxü̃́ ínanguxuchi.

Norü taxre ga popera ga ãẽ̱xgacügüchiga 25:4

Rü düxwa ga yema Cadéugü ga Babiróniaanecüã̱x rü nayacapetügü ga guma ĩanearü poxeguxü̃tápü̱x nax yéma nachocuxü̃ca̱x. Rü woo nax ínachomaeguãchiãxü̃ ga yema Cadéugü ga churaragü, natürü nüma ga ãẽ̱xgacü ga Chedequía rü ñu̱xũchi yema norü churaragü rü chütacü nibuxmüama. Rü yema taxre ga poxeguxü̃tápü̱x íyexmaxü̃wa yexmaxü̃ ga ĩã̱xwa ínachoxü̃ ga ãẽ̱xgacüarü putüranecüwaama. Rü yema Yudáü̃arü ngatewa daxü̃ ga namagu nibuxmü.

Ãẽ̱xgacügü ga guxchaxü̃güarü mexẽxẽruü̃gü 20:3

Rü yema Bẽyamíü̃tanüxü̃ rü nüxü̃ nacuáchigagü ga yema togü ga natanüxü̃ ga Iraétanüxü̃ rü Mispágu nax nangutaque̱xegüxü̃. Rü yexguma ga yema Iraétanüxü̃ rü yema Lebítanüxü̃na nacagüe nax ñuxãcü yixĩxü̃ ga nangupetüxü̃ ga yema máeta.

Ãẽ̱xgacügü ga guxchaxü̃güarü mexẽxẽruü̃gü 20:1

Rü guxü̃ma ga yema Iraétanüxü̃ ga duü̃xü̃gü ga Dáü̃arü naanewa inaxügü rü ñu̱xmata Bechébawa nangu, rü naétü ga Garaáxanecüã̱xgü rü nügü nanutaque̱xe rü wüxigutama narüxĩnüe, rü Mispágu nangutaque̱xegü nape̱xegu ga Cori ya Tupana.

Neemía 2:17

Rü yemaca̱x chanangutaque̱xexẽxẽ ga yema duü̃xü̃gü rü ñachagürü nüxü̃: —Pema meama nüxü̃ pecua̱x nax wüxi i guxchaxü̃wa ingẽxmagüxü̃, rü daa ĩane ya Yerucharéü̃ rü nachixe, rü naxtapü̱xarü ĩã̱xgü rü ínagu. ¡Rü ngĩxã wüxigu tanamexẽxẽ ya daa ĩanearü poxeguxü̃ nax ngẽmaãcü marü tama wüxi i cugüruxü̃ ixĩgüxü̃ca̱x! —ñachagürü.

Neemía 3:19

Rü Éche ga Yochué nane nanamexẽxẽ ga yema to ga naxtapü̱xarü üye ga naxnegüpataxü̃arü nama ídaãchixü̃arü to̱xma̱xtawa ixügüxü̃ rü ñu̱xmata yema naxtapü̱x ínapoõchixü̃wa nangu.

Ngu̱xẽẽtaeruü̃arü ore 2:6

Rü chanaxü ya puchugü nax gumaarü dexámaxã yamegüxü̃ca̱x ga yema nanetügü ga ichatogüxü̃.

2 Chamué 5:9

Rü yemawena ga Dabí rü guma ma̱xpǘne ga Chióü̃wa ngẽxmane ga ĩanegu nanaxü ga napata nax yéma norü churaragümaxã nayexmaxü̃ca̱x. Rü guma ĩane rü Dabíarü Ĩanegu nanaxüéga. Rü nanaxütapü̱xgü ga guxü̃wama. Rü yema toxṍõneacü ínamexẽẽgüãxü̃wa inaxügü ga naxtapü̱x, rü ĩanewaama nanadaxẽxẽ rü ñu̱xmata ãẽ̱xgacüpatawa nangu.