Neemía 3:14 - Tupanaarü Ore

¹⁴ Rü Maquía ga Recáx nane nixĩ ga Bex-aqueréü̃arü ĩanemaxã icuáxü̃. Rü nüma nixĩ ga wena namexẽẽãxü̃ ga yema ĩã̱x ga Guxchiregu ãégaxü̃. Rü nananucu ga norü ĩã̱xgü namaxã ga norü wãtaruü̃gü rü norü tairuü̃gü.

Neemía 3:14 Referans Kwoze

Yeremía 6:1

¡Pa Duü̃xü̃gü i Bẽyamíü̃anecüã̱gü, ẽcü paxa ípechoxü̃ nawa ya yima ĩane ya Yerucharéü̃ rü pibuxmü! ¡Rü pema i Tecóawa ngẽxmagüxe rü cornéta picuegü nax naxuãẽgüxü̃ca̱x i duü̃xü̃gü! ¡Rü Bex-aqueréü̃wa rü wüxi i ta̱xacüwa penangĩxichi nax wüxi i cua̱xruxü̃ i caixemaxü̃ pu̱xnagüxü̃ca̱x! Erü wüxi i taxü̃ i ãũcümaxü̃ rü nórtewaama ne naxũ.

Neemía 2:13

Rü yematama chütaxü̃gu rü Ngategu ãégaxü̃ ga ĩã̱xwa íchaxũxũ rü Dragóü̃arü Puchuwaama chaxũ ñu̱xmata Guxchirearü ĩã̱xwa changu. Rü meama chanangugü ga yema naxtapü̱x ga guma Yerucharéü̃arü poxeguxü̃ ga nagu napogüexü̃ rü norü ĩã̱xgü ga ínaguxü̃.

Neemía 3:9

Rü yema norü to ga naxtapü̱xarü üye rü Refaía ga Úru nane nixĩ ga namexẽẽxü̃. Rü nüma ga Refaía nixĩ ga ĩane ga Yerucharéü̃arü ngãxü̃maxã inacuáxü̃.

Neemía 12:31

Yemawena rü yema Yudátanüxü̃arü ãẽ̱xgacügüxü̃ chamu nax yema naxtaxpü̱xétügu naxĩgüxü̃ca̱x. Rü ñu̱xũchi taxretücumügu ichayanu ga wiyaetanüxü̃. Rü yema norü wüxitücumü rü yema naxtapü̱xétü ga tügünewaama yexmaxü̃wa naxĩ ga Guxchirearü ĩã̱xwaama.

2 Chamué 4:2

Rü nüma ga Ibóchex rü nüxü̃́ nayexma ga taxre ga yatü ga churaragü ga poraexü̃maxã icua̱xgüxü̃. Rü wüxi rü Baaná nixĩ ga naéga rü yema to rü Recáx nixĩ ga naéga. Rü nümagü rü Rimóü̃ ga Beerúxcüã̱x nanegü nixĩgü. Rü yemaca̱x Bẽyamíü̃tanüxü̃ nixĩgü, yerü guma ĩane ga Beerúx rü Bẽyamíü̃tanüxü̃na naxüchire̱x. Rü yema Beerúxcüã̱x rü Bẽyamíü̃tanüxü̃ nixĩgü woo nüxna naxĩgü ga guma ĩane nax Guitaíü̃wa naxĩxü̃. Rü ñu̱xma rü ta rü ngéma namaxẽ ñoma duü̃xü̃gü i tóxnamana ne ĩxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:40

rü Chimá rü Micaé nane nixĩ, rü Micaé rü Baacheía nane nixĩ, rü Baacheía rü Maquía nane nixĩ,

Norü taxre ga popera ga ãẽ̱xgacügüchiga 10:15

Rü yexguma nüma ga Yeú rü inixũchigü. Rü namagu nüxü̃ nangau ga Yonadá ga Recáx nane ga Yeúxü̃ íyadauxü̃. Rü Yeú rü nüxü̃ narümoxẽ rü ñanagürü: —¿Namexü̃ i ngẽma chomaxã nagu curüxĩnüxü̃ i ngẽma choma cumaxã mexü̃gu charüxĩnüxü̃rüxü̃? —ñanagürü. Rü nüma ga Yonadá rü nanangãxü̃ rü ñanagürü: —Ngẽmáacüx, mexü̃gu cumaxã charüxĩnü —ñanagürü. Rü yexguma nüma ga Yeú rü ñanagürü: —Ega ngẽxguma ngẽmaãcü yixĩxgu rü choxna naxãxme̱x —ñanagürü ga Yeú. Rü yexguma ga Yonadá rü nüxna naxãxme̱x rü nüma ga Yeú rü norü carugu Yonadáxü̃ naxĩnagüxẽxẽ.