Neemía 2:20 - Tupanaarü Ore

²⁰ Natürü ga choma rü chanangãxü̃ga rü ñacharügü: —Nüma ya daxũcüã̱x ya Tupana rü tá toxü̃ narüngü̃xẽxẽ. Toma i norü duü̃xü̃gü rü itanaxügü nax tanamexẽẽxü̃ ya daa ĩanearü poxeguxü̃. Natürü i pemax rü nataxuma i ta̱xacü i pexna üxü̃ nawa i ñaa puracü —ñachagürü nüxü̃.

Neemía 2:20 Referans Kwoze

Ngechuchuarü ngúexü̃gü ga yamugüxü̃arü puracüchiga 8:21

Cumax rü taxucürüwama cunayaxu i ngẽma pora, erü curü maxü̃ rü tama name i Tupanape̱xewa.

Édra 4:3

Natürü nüma ga Chorobabé rü Yochué rü yema togü ga ãẽ̱xgacügü ga iyaxü̃, rü nanangãxü̃gü rü ñanagürügü: —Taxucürüwama pemaxã wüxigu tanaxü ya daa torü Tupanapata ya taxü̃ne. Rü marü toxicatatama tanaxü ya napata ya taxü̃ne ya Cori ya torü Tupana, yerü yemaacü nixĩ ga tomaxã nüxü̃ yaxuxü̃ ga Chíru ya Pérchiaanearü ãẽ̱xgacü —ñanagürügü.

Neemía 2:4

Rü nüma ga ãẽ̱xgacü rü choxna naca rü ñanagürü: —¿Ta̱xacüwa i cuxü̃ charüngü̃xẽxẽxü̃? —ñanagürü. Rü yexguma ga choma rü Tupaname̱xẽgu chaugü chaxǘ.

Ngechuchuarü ngúexü̃gü ga yamugüxü̃arü puracüchiga 10:31

Rü ñanagürü choxü̃: “Pa Cornériux, Tupana marü nüxü̃ naxĩnü i curü yumüxẽ rü cumaxã nataãxẽ naxca̱x nax nüxü̃ curüngü̃xẽẽxü̃ i ngẽma duü̃xü̃gü i ngearü diẽruã̱xgüxü̃.

Wiyaegü 35:27

Natürü yíxema naxwa̱xegüxe nax chorü uanügüxü̃ charüporamaegüxü̃, rü name nixĩ i taãẽãcü guxü̃guma tagaãcü ñatarügügü: —Nüma ya Cori ya Tupana rü namecümaxüchi. Rü namaxã nataãxẽ i ngẽxguma norü duü̃xü̃ mexü̃ nüxü̃ ngupetügu —ñatarügügü.

Ngu̱xẽẽtaeruü̃arü ore 7:18

Rü name nax naga cuxĩnüxü̃ i ngẽma ucu̱xẽ nax tama cuchixecümaxü̃ rü tama wüxi i naechitamare maxü̃xü̃ quixĩxü̃. Rü yíxema aixcüma Tupanaxü̃ ngechaü̃xe rü mea tá tüxü̃́ ínanguxuchi i guxü̃ma i ta̱xacü i taxüxü̃.

Wiyaegü 51:18

Pa Cori Pa Tupanax ¡cuxü̃́ nangechaxü̃tümüxü̃ ya yima cupata ya Chióü̃wa ngẽxmane erü nüxü̃ cungechaü̃! ¡Rü curü duü̃xü̃güxü̃ rüngü̃xẽxẽ nax wena inachixẽẽxü̃ca̱x ya Yerucharéü̃arü poxeguxü̃!

Wiyaegü 20:5

Rü toma rü tá tanaxüchiga, Pa Ãẽ̱xgacüx, i ngẽxguma curü uanügüxü̃ curüporamaegu. Rü Tupanaégagu tá tórü woneragümaxã taxunagügü. ¡Rü Tupana yanguxẽxẽ i guxü̃ma i ngẽma nüxna naxca̱x cuca̱a̱xü̃!

Ngechuchuarü ngúexü̃gü ga yamugüxü̃arü puracüchiga 10:4

Rü nüma ga Cornériu rü meama nüxü̃ nadawenü, rü poraãcü namuü̃ãcüma nüxna naca, rü ñanagürü: —¿Ta̱xacü cunaxwa̱xe, Pa Corix? —ñanagürü. Rü nanangãxü̃ ga yema orearü ngeruxü̃ ga daxũcüã̱x, rü ñanagürü: —Curü yumüxẽgü rü Tupana marü cuxü̃́ nüxü̃ naxĩnü, rü cumaxã nataãxẽ nax nüxü̃ curüngü̃xẽẽxü̃ i duü̃xü̃gü i ngearü diẽruã̱xgüxü̃.

Chacaría 6:14

Rü ngẽmawena rü chanaxwa̱xe nax Tupanapata ya taxü̃negu cunaxǘxü̃ i ngẽma nga̱xcueruxü̃. Rü ngẽmawa rü guxü̃gutáma nüxna nacua̱xãchie i Yedái rü Tobía rü Yedaía rü ñu̱xũchi Yochía i Chofonía nane.

Wiyaegü 122:6

¡Rü guxü̃nema ya perü maxü̃nemaxã Tupanana peca nax Yerucharéü̃wa nangẽxmaxü̃ca̱x i taãxẽ! Rü namaxã nüxü̃ pixu ya yima ĩane rü ñaperügü: —Tanaxwa̱xe i cuwa mea namaxẽ i ngẽma cuxü̃ ngechaü̃güxü̃ —ñapegürü.

Ester 4:11

—Guxü̃ma i duü̃xü̃gü rü nüxü̃ nacua̱x rü ngẽxguma texé ãẽ̱xgacüxü̃tawa ũmaregu rü tama nüma tümaca̱x nangemaãcüma rü tayu ega nüma ya ãẽ̱xgacü rü tama norü úirumena̱xã nawe̱xnagügu. Rü chomax rü marü 30 i ngunexü̃ taguma cha̱u̱xca̱x nangema ya ãẽ̱xgacü —ngĩgürügü.

Norü taxre ga to ga popera ga ãẽ̱xgacügüchiga ümatüxü̃ 26:5

Rü yexguma namaxü̃gu ga Chacaría ga Tupanaarü orearü uruxü̃ rü nüma ga Uchía rü mea Tupanaga naxĩnü, yerü ga Chacaría rü nanangu̱xẽxẽ nax Tupanaxü̃ nangechaü̃xü̃ca̱x. Rü yexguma Tupanaga naxĩnügu ga nüma ga Uchía, rü nüma ga Tupana rü poraãcü nüxü̃ narüngü̃xẽxẽ.

Iraétanüxü̃arü muxchiga 10:10

Rü name i peyacue ya yima cornétagü nagu i ngẽma ngunexü̃gü i petaãẽgüxü̃ rü penaxüchigagüxü̃ ya ngexwaca ixücucü ya tauemacü. Rü ngẽxgumarüxü̃ tá ta peyacue i ngẽxguma choxna penaxãxgu i perü ãmaregü i ngüxmüxẽẽruü̃gü i cha̱u̱xca̱x piguxü̃. Rü ngẽmaãcü i choma rü tá pexna chacua̱xãchi. Rü Choma nixĩ i Cori ya perü Tupana chixĩxü̃ —ñanagürü.

Ínachoxü̃xü̃chiga 28:29

Rü ngẽxguma chopatagu naxücugu i Aróü̃ rü tá nayanga̱xcuchi i ngẽma türemüxü̃ i nawa nangẽxmagüxü̃ ya yima taxre ya nutagü ya nawa nüxü̃ pecuácü i ngẽma choma chanaxwa̱xexü̃, rü ngẽmaãcü tá naremügu chope̱xewa nanange i naégagü i ngẽma 12 i Iraé nanegü nax ngẽmaãcü guxü̃gutáma choma i Cori nüxna chacua̱xãchixü̃ca̱x.

Lebítanüxü̃arü puracüchiga 24:7

¡Rü wüxitücumüchigü i paũcüwagu nagü i pumarate̱xe i nüxica ixĩxü̃! Rü ngẽma pumarate̱xe tá nixĩ i wüxi i ãmare i cha̱u̱xca̱x piguxü̃ nax pexna chacua̱xãchixü̃ca̱x.

Lebítanüxü̃arü puracüchiga 2:2

Rü ngẽmawena rü Aróü̃ nanegü i chacherdótegüxü̃tawa tá tanange. Rü wüxi i ngẽma Aróü̃ nane rü tá wüxi i naxme̱xãcu nayaxu i trigute̱xe i chíxü̃ã́xü̃ rü pumate̱xeã́xü̃. Rü ngẽma ãmarearü guruü̃wa tá nayagu nax ngẽmawa choxna tacua̱xãchixü̃ca̱x. Rü ngẽma naema i ngẽma ãmare, rü choma ya Cori ya Tupana rü tá namaxã chataãxẽ.

Neemía 1:4

Rü yexguma yemaxü̃ chaxĩnügu rü poraãcü choxü̃́ nangu̱x rü chaxaxu. Rü ñuxre ga ngunexü̃ rü chaxaure rü Cori ya Tupanamaxã chidexa.

Wiyaegü 102:17

Rü nüma ya Cori ya Tupana rü tá nüxü̃ naxĩnü i norü yumüxẽ i ngẽma ngéma wogümarexü̃, rü taxũtáma nüxü̃ naxo i ngẽma naxca̱x ínacagüxü̃.