Neemía 2:19 - Tupanaarü Ore

¹⁹ Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü, rü Yechéü̃ ga Arábiaanecüã̱x ixĩxü̃ nüxü̃ cuáchigagu ga yema puracü rü toxü̃ nacugüe rü togu nidauxcüraxü̃gü. Rü toxna naca rü ñanagürügü toxü̃: —¿Ta̱xacü ípexüe? ¿Ẽ̱xna nagu perüxĩnüe nax tama ãẽ̱xgacüga pexĩnüexü̃? —ñanagürügü.

Neemía 2:19 Referans Kwoze

Neemía 6:6

Rü yema popera rü ñaxü̃ nagu naxümatü: —Nua rü duü̃xü̃gütanüwa rü Yechéü̃xü̃tawa nüxü̃ taxĩnüe nax cuma rü ngẽma Yudíugümaxã nagu perüxĩnüexü̃ nax tama ãẽ̱xgacüga pexĩnüexü̃, rü ngẽmaca̱x yixĩxü̃ nax ípenamexẽẽxü̃ i ngẽma naxtapü̱x ya yima ĩane. Rü ngẽxgumarüxü̃ ta nüxü̃ chaxĩnüchiga nax cuma tá yixĩxü̃ i norü ãẽ̱xgacü quixĩxü̃.

Ore i mexü̃ ga Márcu ümatüxü̃ 5:40

Rü nüxü̃ nacugüeama ga duü̃xü̃gü. Natürü nüma ga Ngechuchu rü ĩã̱xtüwa nanamugü ga guxü̃ma. Rü ngĩnatümaxã rü ngĩémaxã, rü yema íyaxümücügüxü̃maxã nixücu ga ínayexmaxü̃wa ga yema bucü.

Popera ga Yudíugü ga yaxõgüxü̃ca̱x ümatüxü̃ 11:36

Rü nayexma ta ga ñuxre ga togü ga yaxõgüxü̃ ga norü uanügü nüxü̃ cugüexü̃, rü yacua̱i̱xgüxü̃, rü cadénamaxã yana̱i̱xgüxü̃, rü poxcupataü̃gu nawocuxü̃.

Ngechuchuarü ngúexü̃gü ga yamugüxü̃arü puracüchiga 24:5

Rü marü nüxü̃ tadau nax ñaa yatü rü wüxi i da̱xaweanerüxü̃ nax yixĩxü̃. Erü guxü̃ i naanewa norü ngu̱xẽẽtaemaxã nügü nayatoyexẽxẽ i Yudíugü. Rü nüma rü naeru nixĩ i ngẽma duü̃xü̃gü i nüxü̃́ yaxõgüxü̃ i Ngechuchu i Nacharétucüã̱x.

Ore i mexü̃ ga Cuáü̃ ümatüxü̃ 19:12

Rü yemawena rü Pirátu nagu narüxĩnü ga ñuxãcü Ngechuchuxü̃ nax ínanguxuchixẽẽxégaxü̃. Natürü yema Yudíugü rü poraãcü aita naxüe, rü ñanagürügü: —Ngẽxguma tá ícunanguxuchixẽẽ̱xgu rü tama curü ãẽ̱xgacü ya Chécharuxü̃ cungechaü̃. Erü ngexerüxe ya ãẽ̱xgacüxü̃ tügü ingucuchixẽẽ́xẽ, rü Rómacüã̱x ya ãẽ̱xgacü ya Chécharuarü uanü tixĩ —ñanagürügü.

Ore i mexü̃ ga Luca ümatüxü̃ 23:2

Rü yéma Pirátupe̱xewa inanaxügüe nax Ngechuchuxü̃ yaxugüexü̃. Rü ñanagürügü: —Ñaa yatü rü nüxü̃ itayangaugü nax nanuexẽẽãxü̃ i torü duü̃xü̃gü. Rü nüxü̃ nixu nax tama namexü̃ nax ãẽ̱xgacü ya Rómawa ngẽxmacüaxü̃́ tanaxütanüxü̃ i diẽru. Rü nügü nixu nax nüma yixĩxü̃ i torü ãẽ̱xgacü i Cristu —ñanagürügü.

Yeremía 20:8

Rü guxü̃guma i ngẽxguma chidexagu rü chanaxunagü i poxcuchiga rü daichiga. Rü ngẽmaca̱x i daa ĩanecüã̱x rü guxü̃guma chixexü̃ chomaxã nixugüe rü choxü̃ nacugüe, erü nüxü̃ chixu i curü ore.

Wiyaegü 80:6

Rü ngẽma nachixü̃anegü i torü ngaicamagüxü̃arü dauxcüraxü̃ruxü̃ toxü̃ quixĩxẽxẽ, rü ngẽma torü uanügü rü toxü̃ nacugüe.

Wiyaegü 79:4

Rü ngẽma nachixü̃anegü i torü ngaicamana ngẽxmagüxü̃ rü togu nidauxcüraxü̃gü rü toxü̃ nacugüe.

Yox 30:1

Natürü i ñu̱xmax, rü choxü̃ nacugüe i ngẽma ngextü̱xüxü̃gü ga ü̃pa guxema nanatügü rü taxũchima tüxna chanaxã ga puracü woo nax namaxã itacua̱xgüxü̃ca̱x ga chorü airugü ga chorü carnérugüarü dauruü̃gü.

Neemía 6:9

Rü yemaacü toxü̃ naxãxũnegü, yerü toxü̃ namuü̃exẽẽchaü̃ nax nüxü̃ tarüchauexü̃ca̱x nax tapuracüexü̃. Natürü ga choma rü yexeraãcü chanaxüama ga yema puracü.

Neemía 4:1

Rü yexguma nüma ga Chambaráx nüxü̃ ĩnüchigagu ga nax namexẽẽgüãxü̃ ga guma ĩanearü poxeguxü̃, rü nanu rü norü numaxã toxü̃ nacugü.

Neemía 2:10

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü nüxü̃ cua̱xgügu nax íchanguxü̃, rü poraãcü nanue yerü nüxü̃ nacua̱xgü nax chautanüxü̃ ga Iraétanüxü̃arü ngü̃xẽẽwa chaxũxü̃.

Ore i mexü̃ ga Matéu ümatüxü̃ 9:24

Rü Ngechuchu ñanagürü nüxü̃ ga yema duü̃xü̃gü: —¡Ípechoxü̃ i nua! Erü ngẽma bucü rü tama iyu. Rü ipemare —ñanagürü. Natürü nümagü ga duü̃xü̃gü rü Ngechuchuxü̃ nacugüeama.

Neemía 13:28

Rü chacherdótegüarü ãẽ̱xgacü ga Eriachí nane ga Yoiadá rü ngĩmaxã naxãma ga Chambaráx ga Oróü̃tanüxü̃ naxacü. Rü Yoiadáxü̃ íchata̱xüchi ga Yerucharéü̃wa rü yáxü̃wama chanamu. Rü yemawena rü Tupanamaxã chidexa, rü ñacharügü nüxü̃:

Wiyaegü 123:4

Rü ngẽma diẽruã̱xgüxü̃ rü toxü̃ nacugüe rü ngẽma nügü icua̱xüü̃güxü̃ rü toxchi naxaie. Rü ngẽmaca̱x poraãcüxüchima ngúxü̃ tingegü.

Yeremía 41:10

Rü naétü, rü nüma ga Ismaé rü ínanayauxü̃ ga ãẽ̱xgacüxacügü rü yema togü ga duü̃xü̃gü ga Mispáwa yaxügüxü̃ ga Guedaríame̱xẽwa yexmagüxü̃. Yerü Nabucharadáü̃ ga Babiróniaanearü churaragüarü ãẽ̱xgacü rü Guedaríame̱xẽwa nanayexmagüxẽxẽ ga yema duü̃xü̃gü. Rü nüma ga Ismaé ínanayauxü̃ ga guxü̃ma ga yema duü̃xü̃gü rü ñu̱xũchi namaxã inaxũãchi nax Amóü̃anewaama namaxã naxũxü̃ca̱x.

Wiyaegü 80:7

Pa Torü Tupanax ¡toxü̃ rüngü̃xẽxẽ nax noxrirüxü̃tama wüxi i nachixü̃ane i poraxü̃ tixĩgüxü̃ca̱x! Rü tanaxwa̱xe i toxü̃ cungechaü̃ nax ngẽmaãcü naxme̱xwa ítanguxü̃xü̃ca̱x i torü uanügü.

Ichaía 36:5

¿Rü nagu curüxĩnügu rü ngẽma curü dexagü rü chorü churaragüarü poramaxã nawüxiguxü̃? ¿Rü texéaxü̃́ nixĩ i cuyaxõxü̃ rü ngẽmaca̱x chomaxã cunuxü̃?