Neemía 2:15 - Tupanaarü Ore

¹⁵ Rü yexguma rü taxũtáma ningune. Rü yema ngatexü̃wa dauxü̃ chaxĩ rü yéma chayangugü ga yema naxtapü̱x. Rü yemaacü nüxü̃ íchayaxüegu ga guma ĩanetapü̱x, rü wenaxarü Ngategu ãégaxü̃ ga ĩã̱xwa chixücu.

Neemía 2:15 Referans Kwoze

2 Chamué 15:23

Guxü̃ma ga duü̃xü̃gü rü poraãcü naxauxe. Rü nichoü̃ ga yema natüxacü ga Chedróü̃, rü yemawena rü nixüe ga nüma ga ãẽ̱xgacü. Rü guxü̃ma ga duü̃xü̃gü rü nape̱xegu naxĩ nagu ga yema nama ga chianexü̃wa nadaxü̃.

Ore i mexü̃ ga Cuáü̃ ümatüxü̃ 18:1

Rü yema ñaxguwena ga Ngechuchu rü norü ngúexü̃gümaxã inaxũãchi, nax Chedróü̃arü doxonexü̃arü tocutüwa naxũxü̃ca̱x. Rü yéma nayexma ga wüxi ga nanetünecü. Rü yemawa naxũ ga Ngechuchu norü ngúexü̃gümaxã.

Norü taxre ga to ga popera ga ãẽ̱xgacügüchiga ümatüxü̃ 26:9

Rü Yerucharéü̃arü poxeguxü̃étüwa ínanaxüxü̃ ga daxũtaechicaxü̃gü. Rü wüxi nixĩ ga yema ĩã̱x ga nacüwawa yexmaxü̃étügu naxüxü̃. Rü to nixĩ ga yema ĩã̱x ga doxonexü̃waama üxü̃étügu naxüxü̃. Rü yexgumarüxü̃ ta yema naxtapü̱x ínapoxü̃étüxü̃gu nanaxü ga to. Rü yemaacü meama nüxna nadaugü ga guma ĩane ga Yerucharéü̃.

Neemía 2:16

Rü guma ĩanearü ãẽ̱xgacügü rü tama nüxü̃ nacua̱x ga ngextá nax chaxũxü̃ rü ta̱xacüca̱x yéma chaxũxü̃. Yerü taxũta yema chacherdótegümaxã, rü ĩanearü ãẽ̱xgacügümaxã, rü puracütanüxü̃maxã, rü yema togü ga Yudíugümaxã nüxü̃ chixu nax ta̱xacüca̱x Yerucharéü̃wa changuxü̃.

Neemía 3:13

Rü yema norü ĩã̱x ga Ngategu ãégaxü̃ rü Anúü̃ rü ñu̱xũchi yema Chanóacüã̱xgü nixĩ ga namexẽẽgüxü̃. Rü wena nanamexẽẽgü rü nananucu ga norü ĩã̱xgü namaxã ga norü wãtaruü̃gü rü norü tairuü̃gü. Rü 450 metru nagúxü̃ namexẽẽgü ga yema naxtapü̱x rü ñu̱xmata nawa nangu ga yema ĩã̱x ga Guxchiregu ãégaxü̃.