Neemía 13:8 - Tupanaarü Ore

⁸ Rü yema rü poraãcü choxü̃ nanuxẽxẽ. Rü yemaca̱x yema ucapuwa íchanawoxü̃ ga naxma̱xwe̱xegü rü togüama ga yemaxü̃gü ga Tobía yexma nucuxü̃.

Neemía 13:8 Referans Kwoze

Wiyaegü 69:9

Rü choma rü poraãcü chayanuxũ ya cupata. Rü chauxchama chanangenagü i norü guxchigagü i ngẽma cumaxã rüxuanügüxü̃.

Édra 10:1

Rü yexguma Édra ñaxtüanegu nayangücuchigu norü to̱xma̱xtawa ga guma Tupanapata ga taxü̃ne, rü yéma naxauxãcüma nayumüxẽ, rü Tupanamaxã nüxü̃ nixu ga duü̃xü̃güarü chixexü̃gü. Rü yexgumayane yéma nangugü ga muxü̃ma ga Iraétanüxü̃ ga yatügü, rü ngexü̃gü, rü buxü̃gü, rü Édraxü̃tagu nangutaque̱xe rü wüxigu poraãcü naxauxe.

Neemía 13:9

Rü yemawena rü chanamu nax Tupanape̱xewa namaxcugüãxü̃ca̱x ga yema ucapu, rü ñu̱xũchi wenaxarü yexma nachicagu nanuãxü̃ca̱x ga Tupanapata ga taxü̃nearü nawechigü ga üünexü̃, rü yema ãmaregü ga trigute̱xegü rü pumarate̱xegü.

Neemía 5:6

Rü yexguma nüxü̃ chaxĩnügu ga yema duü̃xü̃gü naxca̱x idexagüxü̃, rü nagu charüxĩnü rü poraãcüxüchima chanu.