Neemía 13:7 - Tupanaarü Ore

⁷ Rü Yerucharéü̃ca̱x chataegu. Rü yexguma nixĩ ga nüxü̃ chacuáxü̃ ga yema chixexü̃ ga Eriachí ixüxü̃ nax Tobíaxü̃ mexü̃wa nayexmaxẽẽxü̃ rü nüxna naxããxü̃ ga wüxi ga ucapu ga Tupanapata ya taxü̃nearü ngẽmaxü̃güpataxü̃wa.

Neemía 13:7 Referans Kwoze

Neemía 13:5

Rü Tobíaxü̃ nagu napexẽxẽ ga yema ucapu ga taxü̃ ga noxri nagu nanuxü̃ ga ãmaregü, rü pumarate̱xegü, rü nawechigü, rü trigugü, rü bínugü, rü chíxü̃gü ga Lebítanüxü̃na, rü wiyaetanüxü̃na, rü ĩã̱xarü dauruü̃güna üxü̃. Rü naétü yexma nanu ga yema duü̃xü̃gü ixãgüxü̃ ga õnagü ga chacherdótegüca̱x ixĩxü̃.

1 Corintios 1:11

Pa Chauenexẽgüx, pemaxã nüxü̃ chixu i ngẽma ore, yerü Croétanüxü̃tanüwa nüxü̃ chacuáchiga nax pegümaxã penuexü̃ rü tama aixcüma wüxigu perüxĩnüexü̃.

Auxexü̃chiga 1:10

Rü nüma ga yema uanügü rü nügüaxü̃́ nanade ga guxü̃ma ga yema yemaxü̃gü ga Yerucharéü̃wa yexmagüxü̃. Rü yema Yerucharéü̃cüã̱xgü rü nüxü̃ nadaugü, Pa Tupanax, nax cupatagu nachocuxü̃ ga yema togü ga nachixü̃anecüã̱xgü i tama yaxõgüxü̃, woo cuma nüxü̃ quixu nax tama namexü̃ nax ngexerüxemare nagu ücuxü̃ ya yima cupata.

Neemía 13:1

Rü yema ga ngunexü̃gügu rü duü̃xü̃güpe̱xewa nüxü̃ nadaumatü ga yema mugüpane ga Moiché ümatüxü̃. Rü yema mugüpanewa nüxü̃ inayangau ga ore ga ñaxü̃: —Ngẽma Amóü̃tanüxü̃ rü Moátanüxü̃ rü tama name nax Tupanaarü duü̃xü̃gütanüwa nangẽxmagüxü̃ —ñaxü̃.

Édra 9:1

Rü yemawena ga yema Iraétanüxü̃arü ãẽ̱xgacügü ga marü nüxíra Yerucharéü̃wa ngugüxü̃ rü cha̱u̱xca̱x naxĩ rü chomaxã nüxü̃ nayarüxugüe rü ñanagürügü: —Muxü̃ma i ngẽma tatanüxü̃ i Iraétanüxü̃ ga nüxíra tomaxã woeguxü̃, rü woo chacherdótegü rü Lebítanüxü̃ rü tama nügüxü̃́ nüxü̃ naxoo̱xgü i nacümagü i chixexü̃gü i nagu naxĩxü̃ i ngẽma togü i duü̃xü̃gü i nua tórü naanegu yaxãchiü̃güxü̃. Rü ngẽma tatanüxü̃ rü woo poraãcü Tupanape̱xewa nachixe nax ngẽma togücümagu naxĩxü̃, natürü nagu naxĩãma i nacümagü i ngẽma Canaáü̃tanüxü̃ rü Itítanüxü̃, rü Ferechéutanüxü̃, rü Yebuchéutanüxü̃, rü Amóü̃tanüxü̃, rü Moátanüxü̃, rü Equítuanecüã̱xgü, rü Amoréutanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:24

Rü Erioenái nanegü rü 7 nixĩgü rü Odabía, rü Eriachí, rü Peraía, rü Acúx, rü Yoanáü̃, rü Deraía rü Ananí.