Neemía 13:5 - Tupanaarü Ore

⁵ Rü Tobíaxü̃ nagu napexẽxẽ ga yema ucapu ga taxü̃ ga noxri nagu nanuxü̃ ga ãmaregü, rü pumarate̱xegü, rü nawechigü, rü trigugü, rü bínugü, rü chíxü̃gü ga Lebítanüxü̃na, rü wiyaetanüxü̃na, rü ĩã̱xarü dauruü̃güna üxü̃. Rü naétü yexma nanu ga yema duü̃xü̃gü ixãgüxü̃ ga õnagü ga chacherdótegüca̱x ixĩxü̃.

Neemía 13:5 Referans Kwoze

Neemía 12:44

Rü yema ngunexü̃gu rü nüxü̃ taxuneta ga yatügü nax namaxã inacua̱xgüxü̃ca̱x ga guma ĩpatagü ga nagu nanuxü̃ne ga Tupanaarü yemaxü̃gü ga ãmaregü, rü nüxíraxü̃xü̃ ga nanetüarü ogü, rü yema duü̃xü̃güarü naanegüarü owa nüxna üxü̃ ga chacherdótegü rü Lebítanüxü̃ ngẽma Tupanaarü mugü nüxü̃ ixuxü̃rüxü̃. Yerü yema Yudátanüxü̃ rü namaxã nataãẽgü ga yema puracü ga chacherdótegü rü Lebítanüxü̃ ügüxü̃.

Neemía 10:38

Rü ngẽxguma Lebítanüxü̃ toxü̃tawa yayauxgügu i ngẽma 10 i nüxna üxü̃ i tonetüarü owa, rü ngẽxguma rü tá ínayaxümücü i wüxi i chacherdóte i Aróü̃tanüxü̃. Rü ngẽxguma marü nüxna tanaxãxgu rü nüma i Lebítanüxü̃ rü nanaxwa̱xe nax ngẽma 10 tanüwa Tupanapata ya taxü̃nearü ngẽmaxü̃güpataü̃gu namaxã nanguxü̃xü̃ i wüxi.

Norü taxre ga to ga popera ga ãẽ̱xgacügüchiga ümatüxü̃ 34:11

Rü yema diẽru rü nüxna ngĩxü̃ naxãgü ga yema corapinagü ga yema puracümaxã icua̱xgüxü̃ nax ngĩmaxã naxca̱x nataxegüxü̃ca̱x ga nutagü ga imexẽẽcüwagücü rü naixmena̱xãgü ga omütaruxü̃ naxca̱x ga guma Tupanapataarü ĩpatagü ga togü ga Yudáanearü ãẽ̱xgacügü chixri nüxna daugüne.

Neemía 10:37

Rü togümaxã itaxunetagü nax Tupanapata ga taxü̃nearü yemaxü̃pataü̃wa tananaxü̃ca̱x i ngẽma nüxíraxü̃xü̃ i torü trigute̱xe rü nüxíraxü̃xü̃ i tonetüarü o, rü yima nüxíraü̃cü ya torü bínu rü nüxíraxü̃xü̃ i torü chíxü̃ nax chacherdótegüna tanaxãxü̃ca̱x. Rü yexgumarüxü̃ ta togümaxã itaxunetagü rü ngẽma 10 i tonetügüarü owa rü wüxi tá nixĩ i Lebítanüxü̃na taxãgüxü̃ erü ngẽma nixĩ i toonegüwa nüxna üxü̃ nax nayauxgüãxü̃ca̱x.

Neemía 13:7

Rü Yerucharéü̃ca̱x chataegu. Rü yexguma nixĩ ga nüxü̃ chacuáxü̃ ga yema chixexü̃ ga Eriachí ixüxü̃ nax Tobíaxü̃ mexü̃wa nayexmaxẽẽxü̃ rü nüxna naxããxü̃ ga wüxi ga ucapu ga Tupanapata ya taxü̃nearü ngẽmaxü̃güpataxü̃wa.

Echequié 40:38

Rü yema nórtewa yexmaxü̃ ga ücuchicaarü ngu̱xẽẽchicacüwawa nayexma ga wüxi ga to ga ucapu. Rü yema ucapuwa nixĩ ga yayauxgüãxü̃ ga yema naxü̃nagü ga nadaigüxü̃ ga Tupanaca̱x ínagugüchaü̃xü̃.

Norü taxre ga to ga popera ga ãẽ̱xgacügüchiga ümatüxü̃ 31:11

Rü yemaca̱x ga Echequía rü norü duü̃xü̃güxü̃ namu nax Cori ya Tupanapata ga taxü̃negu naxügüã̱xü̃ca̱x ga ucapugü nax nagu nanuãxü̃ca̱x ga yema nawemügü. Rü yexguma marü yanguxgu ga yema ucapugü, rü yexma nananucugü ga yema nanutaque̱xegüxü̃ ga ãmaregü ga õnagü rü yemaxü̃gü ga Cori ya Tupanana naxãgüxü̃. Rü Lebítanüxü̃ ga Conaníaxü̃ naxunetagü nax yemamaxã inacuáxü̃ca̱x. Rü ñu̱xũchi nüxü̃ naxuneta ga naenexẽ ga Chimí nax norü ngü̃xẽẽruxü̃ yixĩxü̃ca̱x.