Neemía 13:25 - Tupanaarü Ore

²⁵ Rü chayangagü rü guxchaxü̃ namaxã chaxuegu. Rü nümaxü̃ ga yema duü̃xü̃gü rü nüxna chanacuaixca rü nayaegu chatugü. Rü Tupanape̱xewa nüxü̃ nüxü̃ chixuxẽxẽ nax taxũtáma naxacügü rü nanegü to i nachixü̃anecüã̱xgümaxã naxãtexü̃ rü yaxãmaxü̃, rü taxũtáma nayauxgüãxü̃ i to i nachixü̃anecüã̱xgü i ngexü̃gü nax nanema̱xü̃ rüe̱xna naxma̱xü̃tama yixĩgüxü̃ca̱x. Rü ñacharügü nüxü̃:

Neemía 13:25 Referans Kwoze

Neemía 13:17

Rü yemaca̱x chayangagü ga yema Yudátanüxü̃arü ãẽ̱xgacügü, rü ñachagürü: —Chixexü̃ nixĩ i pexüxü̃, erü tama penaxaure i ngü̃chigaarü ngunexü̃.

Édra 10:5

Rü yexguma nüma ga Édra rü inachi rü naxca̱x nangema ga guxü̃ma ga Iraétanüxü̃, rü yema chacherdótegüarü ãẽ̱xgacügü rü norü ngü̃xẽẽruü̃gü ga Lebítanüxü̃. Rü nüxna naca rü tá aixcüma yanguxẽẽgüã ga yema norü unetagü. Rü nümagü rü nanaxuegugü nax yanguxẽẽgüãxü̃ tá.

Wenaxarü naxümatü ga Tupanaarü mugü 7:3

Rü ngẽxgumarüxü̃ tá ta ¡rü taxũtáma namaxã pixãxma̱xgü i ngẽma norü ngexü̃gü, rü bai tá i penegü rü naxacügümaxã peyaxüxma̱xgüxü̃ rü pexacügü rü nanegümaxã peyaxütegüxü̃!

Neemía 13:11

Rü yemaca̱x chayangagü ga ãẽ̱xgacügü yerü guma Tupanapata ga taxü̃ne rü yéma nata̱xmare. Rü yemawena rü chanangutaque̱xexẽxẽ ga yema chacherdótegü rü Lebítanüxü̃, rü wenaxarü norü puracügu chayamuchigü nax naxügüã̱xü̃ca̱x.

Ichaía 50:6

Rü chauca̱xwe̱x nüxna chaxã nax choxü̃ nacua̱i̱xgüxü̃ca̱x. Rü yexguma choxü̃ natuxchinagugügu rü tama nüxna chayanuxü̃. Rü tama chidaugachi ga yexguma chauchametüwa nacua̱i̱xgügu rü chixexü̃ chomaxã yaxugügügu.

Ucu̱xẽgüchiga 28:4

Ngẽma nüxna ixĩgachitanüxü̃ i Cori ya Tupanaarü mugü, rü nüxü̃ nicua̱xüü̃gü i ngẽma chixexü̃ ügüxü̃. Natürü ngẽma naga ĩnüexü̃ i Coriarü mugü, rü tama namaxã nataãẽgü i ngẽma chixexü̃ ügüxü̃.

Wiyaegü 15:4

rü tama nanaãẽraxü̃xe i ngẽma chixexü̃ üxü̃, rü nüxü̃ ngechaü̃xe i ngẽma duü̃xü̃ i Tupanaxü̃ ngechaü̃xü̃, rü naxüamáxe i ngẽma nagu taxunetaxü̃ woo tüxü̃́ naguxchagu nax tayanguxẽẽxü̃,

Neemía 5:13

Rü yexguma ga choma rü chaugü chapaãchiru rü ñacharügü: —Rü ñu̱xma nax chauxchiru chapaãxü̃rüxü̃ãcü tá nixĩ ya Cori ya Tupana i tümapatawa, rü tümaanewa rü tümaarü úbanecüwa tá tüxü̃ ínata̱xüchixü̃ ya yíxema tama ñaa mu inguxexẽ́xẽ ya duü̃xẽ. Rü ngẽmaãcü tá tüxna nanayaxu i guxü̃ma i tümaarü ngẽmaxü̃gü i ñu̱xma tüxü̃́ ngẽxmaxü̃ —ñacharügü. Rü guxü̃ma ga yema muxũchixü̃ ga duü̃xü̃gü rü tagaãcü ñanagürügü: —Ngẽmaãcü yixĩ —ñanagürügü. Rü yemawena ga yema duü̃xü̃gü rü Cori ya Tupanaxü̃ nicua̱xüü̃gü, rü aixcümama nayanguxẽẽgü ga yema norü uneta ga nüxü̃ yaxugüxü̃.

Édra 7:26

Rü ngexerüxüxemare ya tama naga ĩnüxe i ngẽma curü Tupanaarü mugü rü chorü mugü ¡rü noxtacüma tüxü̃ pima̱x rüe̱xna tüxü̃ ípeta̱xüchi i perü naanewa, rüe̱xna tüxna penapuxü̃ i tümaarü ngẽmaxü̃gü, rüe̱xna tüxü̃ pepoxcu! —ñanagürü ga ãẽ̱xgacü ga Artayére norü poperawa.

Wenaxarü naxümatü ga Tupanaarü mugü 6:13

¡Rü nüxü̃ picua̱xüxü̃ ya Cori ya perü Tupana, rü yimágaxicatama pexĩnüe! Rü ngẽxguma wüxi i uneta pexü̱xgu ¡rü Cori ya Tupanaégaguxicatama penaxü̱x!

Ínachoxü̃xü̃chiga 34:16

Rü ngẽxgumarüxü̃ ta i ngẽxguma ngẽma penegü rü naxacügümaxã yaxãxma̱xgu rü ngẽma naxma̱xgü norü ngúchaü̃ inaxügügu nape̱xewa i norü tupanagü rü tá nanamu i penegü nax nümagü rü ta naxrüxü̃ naxügüã̱xü̃ca̱x nax ngẽmaãcü norü tupanaxü̃ yacua̱xüü̃güxü̃.

Yochué 23:12

Rü choma rü chanaxwa̱xe i nüxü̃ nax pecuáxü̃ rü ngẽxguma tá Tupanana pixĩgachigu rü ñaa duü̃xü̃gü i petanüwa ngẽxmagüxü̃maxã pexãmücügu, rü namaxã pixãxma̱xgügu, rü pixãtegügu, rü nüma ya Cori ya perü Tupana rü taxũtáma pexü̃ narüngü̃xẽxẽ nax ípenawoxü̃xü̃ca̱x i ngẽma duü̃xü̃gü i petanüwa ngẽxmagüxü̃. Rü nüma ya Tupana rü perü guxchaxü̃ruxü̃ tá nayaxĩgüxẽxẽ i ngẽma duü̃xü̃gü nax ngẽmaãcü naxme̱xgu peyi̱xixü̃ca̱x. Rü ngẽmaãcü ñoma texé pexca̱xwena nacua̱i̱xcaxü̃rüxü̃ tá nixĩ ñu̱xmatáta taxúetama petanüwa íyaxü nawa i ñaa mexü̃ i naane ya tórü Cori ya Tupana pexna ãxü̃.

Norü taxre ga popera ga ãẽ̱xgacügüchiga 2:24

Rü yexguma nüma ga Erichéu rü nügü ínidau, rü Tupanaégagu guxchaxü̃ namaxã naxuegu. Rü yexgumatama yema naixnecüwa inayayi ga taxre ga osu. Rü yema osugü rü yema ngextü̱xüxü̃gütanüwa nanadai ga 42.

Wiyaegü 119:53

Rü ngẽma duü̃xü̃gü i chixri maxẽxü̃ rü nüxü̃ oexü̃ i curü ngu̱xẽẽtae, rü choma rü poraãcü namaxã chanu.

Neemía 5:6

Rü yexguma nüxü̃ chaxĩnügu ga yema duü̃xü̃gü naxca̱x idexagüxü̃, rü nagu charüxĩnü rü poraãcüxüchima chanu.