Neemía 13:23 - Tupanaarü Ore

^23-24 Rü yema ga ngunexü̃gügu rü nüxü̃ chadau nax ñuxre ga Yudátanüxü̃ rü ngexü̃gü ga Adúxtanüxü̃maxã rü Amóü̃tanüxü̃maxã rü Moátanüxü̃maxã yaxãxma̱xgüxü̃. Rü ngãxü̃ ga naxacügü rü Adúxtanüxü̃gawa nidexagü rü togüama ga nachixü̃anegügawa nidexagü, rü tama Yudátanüxü̃gaxü̃ nicua̱x.

Neemía 13:23 Referans Kwoze

Neemía 10:30

Rü wüxigu nüxü̃ tixu rü taxũtáma tanaxwa̱xe nax toxocügü rü tonegü rü ngẽma duü̃xü̃gü i tama Iraétanüxü̃ ixĩgüxü̃maxã yaxãtexü̃ rüe̱xna yaxãmaxü̃.

Édra 10:10

Rü yexguma ga nüma ga chacherdóte ga Édra rü inachi rü ñanagürü: —Pema rü poraãcü chixexü̃ pexü erü namaxã pixãxma̱xgü i ngẽma ngexü̃gü i to i nachixü̃anecüã̱x ixĩgüxü̃. Rü ngẽmaãcü penayexeraxẽxẽ i Iraétanüxü̃arü chixexü̃gü.

2 Corintios 6:14

¡Rü taũtáma namaxã pexãmücü i ngẽma duü̃xü̃gü i tama yaxõgüxü̃! Erü ngẽxguma chi namaxã pexãmücügu rü taxũtáma mea wüxigu perüxĩnüe. ¿Rü ñuxãcü nawüxiguxü̃ i ngẽma mexü̃ namaxã i ngẽma chixexü̃? ¿Rü ñuxãcü nawüxiguxü̃ i ngóonexü̃ namaxã i ẽanexü̃?

Neemía 13:1

Rü yema ga ngunexü̃gügu rü duü̃xü̃güpe̱xewa nüxü̃ nadaumatü ga yema mugüpane ga Moiché ümatüxü̃. Rü yema mugüpanewa nüxü̃ inayangau ga ore ga ñaxü̃: —Ngẽma Amóü̃tanüxü̃ rü Moátanüxü̃ rü tama name nax Tupanaarü duü̃xü̃gütanüwa nangẽxmagüxü̃ —ñaxü̃.

Édra 10:44

Rü guxü̃ma ga yema Iraétanüxü̃ nixĩ ga to ga nachixü̃anecüã̱x ga ngexü̃gümaxã ixãxma̱xgüxü̃, natürü tümanatügüca̱x tüxü̃ nawoeguxẽxẽ tümaxacügümaxã.

Neemía 4:7

Natürü yexguma torü uanügü ga Chambaráx rü Tobía rü yema Arábiaanecüã̱x, rü Amóü̃tanüxü̃, rü Adúxcüã̱x nüxü̃ ĩnüegu nax mea iyaxũxü̃ ga yema puracü ga Yerucharéü̃arü poxeguxü̃tápü̱xwa rü yema íyangoxnagüxü̃wa rü marü nax nañaxtagüãxü̃, rü nümagü ga yema uanügü rü poraãcü nanue.

1 Chamué 5:1

Rü yexguma marü yapugüãgu ga yema baú ga Tupanaarü mugüchixü̃, rü nüma ga Firitéugü rü ĩane ga Ebéü̃-échewa nanayauxgü rü norü ĩane ga Adúxwa nanangegü.

Ínachoxü̃xü̃chiga 34:11

Rü ngẽxguma tá naga pexĩnüegu i ngẽma ñu̱xma pexü̃ chamuxü̃, rü tá pepe̱xewa íchanawoxü̃ i ngẽma Amoréutanüxü̃ rü Canaáü̃tanüxü̃, rü Itítanüxü̃, rü Ferechéutanüxü̃, rü Ebéutanüxü̃, rü Yebuchéutanüxü̃ nax norü naanegü pexna chaxãxü̃ca̱x.

Wenaxarü naxümatü ga Tupanaarü mugü 7:1

Rü ñanagürü ga Moiché: —Nüma ya Cori ya perü Tupana rü tá nagu penachocuxẽxẽ i ngẽma naane i tá pexrü ixĩxü̃. Rü pepe̱xewa tá ínanawoxü̃ i ngẽma 7 i natücumügü i pexü̃ rümumaegüxü̃ rü pexü̃ rüporamaegüxü̃ i Itítanüxü̃, rü Guerguechéutanüxü̃, rü Amoréutanüxü̃, rü Canaáü̃tanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Nüxíraxü̃xü̃ ga popera ga ãẽ̱xgacügüchiga 11:1

Rü nüma ga Charomóü̃ rü Equítuanecüã̱xarü ãẽ̱xgacü ga Faraóü̃acümaxã naxãxma̱x. Rü yexgumarüxü̃ ta namaxã naxãxma̱x ga muxü̃ma ga ngexü̃gü ga togü ga nachixü̃anecüã̱x ixĩgüxü̃ ga: Moátanüxü̃, rü Amóü̃tanüxü̃ rü Edóü̃tanüxü̃, rü Chidóü̃tanüxü̃ rü Itítanüxü̃ ga Cori ya Tupana Iraéanecüã̱xgüna chu̱xuxü̃ ga namaxã nax yaxãmaxü̃ yerü ngürüãchi yema Iraéanecüã̱xgü rü tá yema ngexü̃güarü tupanagüwe narüxĩ. Natürü nüma ga Charomóü̃ rü yema ngexü̃güxü̃ nangẽ̱xẽ, rü yemaca̱x namaxã naxãxma̱x.

Neemía 13:27

Rü ngẽmaca̱x i pema rü taxũtáma nagu perüxĩnüe nax ngẽmaãcü poraãcü tórü Tupanamaxã pecadu pexüxü̃ rü to i nachixü̃anecüã̱xgü i ngexü̃gümaxã pexãxma̱xgüxü̃ —ñachagürü.

Rux 1:4

Rü yixcüamaxü̃rachigü rü nümagü ga yema taxre ga ngextü̱xücü rü Moáanecüã̱x ga ngexü̃gümaxã nixãxma̱x. Rü wüxi rü Órfa nixĩ ga ngĩéga, rü yema nai rü Rux nixĩ ga ngĩéga. Natürü yexguma 10 ga taunecü ngupetü̱xguwena, rü nayue ta ga Maróü̃ rü Querióü̃. Rü ngĩma ga Noemí rü ngĩxica yéma ita̱x, yerü marü nataxuma ga gumá ngĩnegü rü ngĩte.

Neemía 10:31

Rü nüxü̃ tixu rü ngẽxguma ngẽma duü̃xü̃gü i tama Iraétanüxü̃ ixĩgüxü̃ ngü̃chigaarü ngunexü̃gu norü ngẽmaxü̃gümaxã núma yataxegügu rüe̱xna guxü̃raü̃xü̃ i trigute̱xemaxã nataxegügu, rü taxũtáma nüxü̃́ naxca̱x tataxegü rü bai i ngü̃chigaarü ngunexü̃gu rü bai i to i ngunexü̃ i nagu Tupanaca̱x ixaurexü̃gu. Rü nüxü̃ tixu rü ngẽxguma norü 7 ya taunecüwa nanguxgu rü taxũtáma tatoegü rü ngẽxma tá inayarüxo i guxü̃ma i ngetanügü.