Neemía 13:14 - Tupanaarü Ore

¹⁴ ¡Pa Chorü Tupanax, nüxna nacua̱xãchi i guxü̃ma i ngẽma chaxüxü̃! Rü tama name i nüxü̃ curüngü̃ma i guxü̃ma i ngẽma mexü̃ i cupata ya taxü̃neca̱x rü curü cua̱xüxü̃ca̱x chaxüxü̃.

Neemía 13:14 Referans Kwoze

Popera ga Yudíugü ga yaxõgüxü̃ca̱x ümatüxü̃ 6:10

Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Neemía 13:31

Rü yema üxüarü yauxruü̃gü rü mea ichayanu, nax yemaacü nüxü̃ nacua̱xgüxü̃ca̱x nax ñuxgu tá nawa yanguchigüxü̃ i üxüarü yaxu. Rü mea ichananu nax ñuxgu tá duü̃xü̃gü inaxãgüxü̃ i nüxíraxü̃xü̃ i nanetüarü o. Rü yemawena rü Tupanaxü̃ ñachagürü: —¡Choxna nacua̱xãchi, Pa Corix, rü choxü̃ rüngü̃xẽxẽ! —ñachagürü.

Neemía 13:22

Rü yemawena rü chanamu ga Lebítanüxü̃ nax Tupanaca̱x nügü yamexẽẽgüxü̃ca̱x rü nüxna nax nadaugüxü̃ca̱x ga ĩanearü ĩã̱xgü nax tama nachocuxü̃ca̱x ga yema taxetanüxü̃, rü duü̃xü̃gü naxauregüãxü̃ca̱x ga ngü̃xchigaarü ngunexü̃. ¡Pa Chorü Tupana, choxna nacua̱xãchi naxca̱x i ngẽma chaxüxü̃, rü cuxü̃́ chaxauxãchitümüxü̃! Erü cuma rü cumecümaxü̃chi.

Édra 7:20

Rü ngẽxguma iyataxuxgu i diẽru naxca̱x ya yima Tupanapata ya taxü̃ne rüe̱xna ta̱xacü i to i puracü i Tupanaca̱x pexüxchaü̃xü̃, rü marü name i chorü diẽruarü dauruxü̃xü̃tawa naxca̱x ícuca.

Neemía 5:19

¡Pa Chorü Cori ya Tupanax, nüxna nacua̱xãchi i ngẽma guxü̃ma i mexü̃ i ñaa duü̃xü̃güca̱x chaxüxü̃ rü choxna naxã i curü ngü̃xẽxẽ!

Norü taxre ga to ga popera ga ãẽ̱xgacügüchiga ümatüxü̃ 24:16

Rü Dabíarü Ĩanearü tauquegu nanata̱xgü ga ãẽ̱xgacügü nagu ta̱xgüxü̃gu, yerü nüma ga Yoiadá rü Iraétanüxü̃pe̱xewa rü Cori ya Tupanape̱xewa rü ñu̱xũchi Tupanapata ga taxü̃newa mexü̃ naxü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:3

Rü naétüwa i ngẽma ngẽmaxü̃gü i marü chanutaque̱xexü̃ naxca̱x ya yima Tupanapata ya taxü̃ne rü nüxna chanaxã i ngẽma choxrüxüchi ixĩxü̃ i úirugü rü diẽrumü, erü poraãcü chanaxwa̱xe nax naxüxü̃ ya napata ya taxü̃ne ya chorü Tupana.

Édra 7:27

Rü yexguma ga Édra rü nayumüxẽ rü ñanagürü: —Pa Torü O̱xigüarü Tupanax, rü cuma rü cumecümaxü̃chi. Rü ngẽmaca̱x ãẽ̱xgacüãẽwa ícunanguxẽxẽ nax yima cupata ya taxü̃ne ya Yerucharéü̃wa ngẽxmane wena namexẽẽgüãxü̃ca̱x i curü duü̃xü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:5

Rü yíxema nüxü̃ rüporamaegüxe i chixexü̃, rü tá cómüxü̃maxã tixãxchiru. Rü taxũtáma nawa tüxü̃ íchapiéga i ngẽma chorü popera i nagu chayawǘgüxü̃ i ngẽma duü̃xü̃gü i nüxü̃́ ngẽxmaxü̃ i maxü̃ i taguma gúxü̃. Rü Chaunatüpe̱xewa rü guxü̃ma i norü orearü ngeruü̃gü i daxũcüã̱xgüpe̱xewa tá tüxü̃ chixu nax chorü duü̃xü̃gü tixĩgüxü̃’.

Édra 7:24

Rü ngẽxgumarüxü̃ ta chanaxunagü i ñaa mu: “Rü ngẽma chacherdótegü, rü Lebítanüxü̃, rü wiyaetanüxü̃, rü ĩã̱xarü dauruü̃gü rü guxü̃ma i ngẽma togü i Tupanapata ya taxü̃newa puracüexü̃, rü tama chanaxwa̱xe nax ãẽ̱xgacüaxü̃́ nax naxütanügüãxü̃”.

Norü taxre ga popera ga ãẽ̱xgacügüchiga 20:3

—Pa Corix, Pa Tupanax, cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü ñu̱xũchi poraãcü naxaxu.

Ichaía 38:3

—Pa Corix, Pa Tupanax, rü cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü poraãcü naxaxu.