Neemía 12:47 - Tupanaarü Ore

⁴⁷ Rü yexguma Chorobabé rü Neemía maxẽgu rü guxü̃ma ga Iraétanüxü̃ rü wüxichigü ga ngunexü̃gu inanaxãgü ga õna nüxna ga yema wiyaetanüxü̃ rü ĩã̱xarü dauruü̃gü. Rü yexgumarüxü̃ ta Lebítanüxü̃na nanaxãgü ga yema nüxna üxü̃. Rü nüma ga Lebítanüxü̃ rü Aróü̃taagü ga chacherdótegüna nanaxãgü ga yema nüxna üxü̃.

Neemía 12:47 Referans Kwoze

Gálatas 6:6

Rü yíxema nayaxúxe i ngu̱xẽẽtae i Tupanaarü orewa rü name nixĩ nax tümaarü ngu̱xẽẽruü̃maxã tangauxü̃ i tümaarü ngẽmaxü̃gü.

Neemía 12:26

Rü guxü̃ma ga yemagü rü namaxẽ ga yexguma ãẽ̱xgacü yixĩxgu ga Yoaquíü̃ ga Yochué nane ga Yochadáx nataxa. Rü yexguma Neemía ãẽ̱xgacü ixĩxgu rü chacherdóte ga Édra poperaarü ümatüruxü̃ ixĩxgu nixĩ ga namaxẽxü̃ ga yema õnachicagüarü dauruü̃gü.

Neemía 12:12

Rü yexguma Yoaquíü̃ chacherdótegüarü ãẽ̱xgacü yaxĩxgu, rü ñaagü nixĩ ga yema chacherdótegü ga natanüxü̃maxã icuáxchigüxü̃: Rü yema Cheraíatanüxü̃maxã icuáxü̃ rü Meraía nixĩ, rü yema Yeremíatanüxü̃maxã icuáxü̃ rü Ananía nixĩ,

Neemía 12:1

Rü ñaagü nixĩ ga yema chacherdótegü rü Lebítanüxü̃ ga Chorobabé ga Charatié nanemaxã rü Yochuémaxã woeguxü̃. Rü ñaagü nixĩ ga yema chacherdótegü: Cheraía, rü Yeremía, rü Édra,

Neemía 11:23

Yerü nüma ga Pérchiaarü ãẽ̱xgacü rü inanaxü ga mugü nax ñuxãcü tá yema wiyaetanüxü̃ rü wiyaemaxã inacua̱xgüxü̃ ga wüxichigü ga ngunexü̃gu.

Norü taxre ga popera ga ãẽ̱xgacügüchiga 7:10

Rü inaxĩãchi rü yexguma ĩanewa nangugügu rü ĩanearü dauruü̃ca̱x nacagü rü ñanagürügü nüxü̃: —Ngẽma Chíriaarü churaragüpatawa taxĩ rü taxuxü̃ma rü bai i wüxi ngẽma ngẽxmaxü̃. Rü taxuxü̃ma i ngextá nidexa. Rü cowarugü rü búrugü i ngẽxma ngagüü̃xü̃ rü churaragüarü düxenügü ya mea itexechigünexicatama nangẽxma —ñanagürügü.

Norü taxre ga popera ga ãẽ̱xgacügüchiga 25:30

Rü ñu̱xũchi yexguma namaxyane ga Yoaquíü̃ rü wüxichigü ga ngunexü̃gu rü Babiróniaanearü ãẽ̱xgacü nüxü̃́ nanaxütanü.

Wenaxarü naxümatü ga Tupanaarü mugü 18:8

Rü nüma rü ngẽma togü i namücügü yaxuxü̃e̱xpü̱x i õna tá nanayaxu. Rü naétü tá nanayaxu i ngẽma nanatü nüxna ãxü̃.