Neemía 12:43 - Tupanaarü Ore

⁴³ Rü yema ngunexü̃gu rü muxü̃ma ga ãmare Tupanaca̱x ínagugü. Rü poraãcü nataãẽgü ga duü̃xü̃gü yerü Tupana nixĩ ga nataãẽxẽẽgüxü̃. Rü ngexü̃gü rü buxü̃gü rü ta poraãcü nataãẽgü. Rü yema taãxẽ ga Yerucharéü̃wa naxügüxü̃ rü yáxü̃guma nüxü̃ taxĩnü.

Neemía 12:43 Referans Kwoze

Édra 3:13

Rü yemaacü taxúema nüxü̃ tacua̱x rü nataãẽgü rüe̱xna nangechaü̃gü yerü yema auxexü̃ rü yema taãẽgüxü̃ rü wüxigu aita naxüe rü yáxü̃guma nüxü̃ naxĩnüe.

Wiyaegü 92:4

Pa Corix, cuma rü ngẽma cha̱u̱xca̱x cuxüxü̃maxã choxü̃ cutaãẽxẽxẽ. Rü ngẽma mexü̃ i cuxüxü̃ rü taãxẽ choxna naxã.

Yeremía 31:13

Rü ngẽma pacügü rü tá taãẽãcüma íiyayüxe, rü ngẽxgumarüxü̃ ta i ngẽma ngextü̱xücügü rü yaxguã̱xgü. Rü choma rü tá chanataãẽxẽxẽ. Rü ngẽma norü ngechaü̃ rü tá taãẽxü̃ chananguxuchixẽxẽ. Rü tá nüxna chanaxã i wüxi i taãxẽ i ngẽma nüxü̃́ ngúxü̃arü yexera ixĩxü̃.

Popera ga Chantiágu ümatüxü̃ 5:13

Rü ngẽxguma wüxíe i petanüwa naxĩ̱xãchiãẽgu, rü name nixĩ nax tayumüxẽxü̃. Rü ngẽxguma wüxíe taãxẽgu, rü name nixĩ nax tümaarü wiyaemaxã Tupanaxü̃ ticua̱xüxü̃xü̃.

Efesios 5:19

Rü name nixĩ i Tupanaarü orechigagu rü norü wiyaegügu pegümaxã pidexagü rü pegümaxã nüxü̃ pixu. Rü name nixĩ i naguxü̃raü̃xü̃ i norü wiyaegügu pewiyaegü, nax ngẽmaãcü guxü̃ne ya perü maxü̃nemaxã tórü Corixü̃ picua̱xüü̃güxü̃ca̱x.

Ore i mexü̃ ga Cuáü̃ ümatüxü̃ 16:22

Rü ngẽxgumarüxü̃ tá pexü̃ nangupetü i pemax, erü ñu̱xma rü penaxĩ̱xãchiãẽgü. Natürü wena táxarü chataegu nax pexü̃ íchayadauxü̃ca̱x. Rü ngẽxguma rü tá pexü̃́ nangẽxma i wüxi i taãxẽ i taxucürüwama texé pexna yaxuxü̃.

Ore i mexü̃ ga Matéu ümatüxü̃ 21:15

Natürü ga chacherdótegüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃, rü nüxü̃ nadaugü ga yema mexü̃gü ga Tupanaarü poramaxã naxüxü̃ ga Ngechuchu. Rü buxü̃güxü̃ naxĩnüe nax Tupanapata ga taxü̃newa ñagüxü̃: —¡Namaxü̃ ya daa Ngechuchu ya Dabítaxa! —ñagüxü̃. Rü yemaca̱x ga yema chacherdótegüarü ãẽ̱xgacügü rü ngúexẽẽruü̃gü rü nanue.

Ore i mexü̃ ga Matéu ümatüxü̃ 21:9

Rü yema duü̃xü̃gü ga nape̱xegu ĩxü̃, rü yema wixweama ãgüxü̃, rü tagaãcü ñanagürügü: —¡Namaxü̃ ya daa Dabítaxa! ¡Rü namecümaxüchi ya daa Tupanaégagu núma ũcü! ¡Rü pema rü ta, Pa Dauxü̃cüã̱x, rü nüxü̃ picua̱xüü̃gü ya Tupana! —ñanagürügü.

Yeremía 33:11

Rü tá nüxü̃ pexĩnüe nax taãẽãcüma aita naxüexü̃ i duü̃xü̃gü rü tá nüxü̃ pexĩnüe nax taãẽãcüma nügümaxã yadexagüxü̃ i ngẽma ãxma̱xgüchaü̃xü̃ rü ãtegüchaü̃xü̃. Rü duü̃xü̃gü rü ñanagürügü tá: “¡Moxẽ nüxna pexã ya yima Cori ya Tupana ya Guxãétüwa Ngẽxmacü, erü nüma rü namecüma rü norü ngechaü̃ rü tagutáma nagu̱x!” ñanagürügü tá. Rü pema rü chopatawa tá penana i perü ãmaregü i namaxã moxẽ choxna pexãgüxü̃. Rü choma rü tá nüxü̃ charüngü̃xẽxẽxü̃ i ñaa naanearü duü̃xü̃gü nax noxrirüxü̃ nataãẽgüxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 61:3

Rü ngẽma Chióü̃cüã̱xgü i ngúxü̃ ingegüxü̃, rü Tupana choxü̃ namu nax chanataãẽxẽẽgüxü̃ca̱x nax tama yexü̃cürü ngechaü̃ãcü tanimacaétüwa natogüeechaxü̃ca̱x. Erü nüma ya Tupana rü nanaxwa̱xe nax taãẽxü̃ nanguxuchixü̃ i norü ngechaü̃gü rü taãẽruxü̃ i wiyaegüxü̃ nanguxuchixü̃ i norü ĩ̱xãchiãẽgü. Rü ngẽxguma i duü̃xü̃gü rü tá pexü̃ ñanagürügü: —Tupana rü ñoma poraxü̃ i naigü i roblegü i nüma inatogüxü̃rüxü̃ pewa nanango̱xẽxẽ i norü pora —ñanagürügü tá pexü̃.

Wiyaegü 28:7

Rü nüma ya Cori ya Tupana rü chorü poxü̃ruxü̃ ya poraxüchicü nixĩ. Rü nüxü̃́ nixĩ ga chayaxõxü̃, rü nüma nixĩ ga choxü̃ nangü̃xẽẽxü̃. Rü poraãcü chataãxẽ i ñu̱xmax. Rü Cori ya Tupanaca̱x tá chawiyae rü tá moxẽ nüxna chaxã.

Wiyaegü 27:6

Rü ngéma rü taxuxü̃táma i chorü uanü choxna nangu. Rü ngẽxguma rü tá choxü̃́ natauxcha nax Cori ya Tupanaca̱x chayaguxü̃ i ãmaregü i napatawa. Rü taãẽãcüma tá naxca̱x chawiyae rü nüxü̃ chicua̱xüxü̃.

Yox 34:29

Rü ngẽxguma chi Tupana rüchianegu ¿rü texé tá nüxü̃ tixu nax chixexü̃ taxüxü̃? Rü ngẽxguma duü̃xü̃gücha̱xwa nügü yacu̱xgu ¿rü texé tá nüxü̃ tadauama? Rü nüma nixĩ i nüxna nadauxü̃ ya ĩanegü rü duü̃xü̃gü nax tama namaxã inacua̱xgüxü̃ca̱x i ngẽma ãẽ̱xgacügü i chixexü̃ i duü̃xü̃güxü̃ womüxẽẽxü̃.

Norü taxre ga to ga popera ga ãẽ̱xgacügüchiga ümatüxü̃ 20:27

Rü yemawena nüma ga ãẽ̱xgacü ga Yochapáx rü guxü̃ma ga Yudáanecüã̱xgü rü Yerucharéü̃cüã̱xgü rü taãẽãcü Yerucharéü̃ca̱x nawoegu. Rü nümagü rü nataãẽgü, yerü Cori ya Tupana rü norü uanügüme̱xẽwa ínanapoxü̃.

Norü taxre ga to ga popera ga ãẽ̱xgacügüchiga ümatüxü̃ 20:13

Rü yexguma rü guxü̃ma ga Yudáanecüã̱xgü ga yatüxü̃gü rü ngexü̃gü rü buxü̃gü rü Tupanapatape̱xegu nachigü.

Norü taxre ga to ga popera ga ãẽ̱xgacügüchiga ümatüxü̃ 7:10

Rü gumá taunecüarü 7 ga tauemacüarü 23 gu nixĩ ga ãẽ̱xgacü ga duü̃xü̃güxü̃ namoxẽxü̃ nax napataca̱x nawoeguxü̃ca̱x. Rü yemaacü taãẽãcü nawoegu. Rü Tupanaxü̃ nicua̱xüü̃gü naxca̱x ga yema mexü̃gü ga Dabíca̱x, rü Charomóü̃ca̱x rü yema norü duü̃xü̃gü ga Iraétanüxü̃ca̱x naxüxü̃.

1 Chamué 4:5

Rü yexguma yema Iraéanearü churaragü ípegüxü̃wa nanguxgu ga yema baú ga Tupanaarü mugüchixü̃, rü nüma ga Iraétanüxü̃ rü taãẽmaxã poraãcü aita naxüe ñu̱xmata waixü̃mügu yaxũgagü.

Iraétanüxü̃arü muxchiga 10:10

Rü name i peyacue ya yima cornétagü nagu i ngẽma ngunexü̃gü i petaãẽgüxü̃ rü penaxüchigagüxü̃ ya ngexwaca ixücucü ya tauemacü. Rü ngẽxgumarüxü̃ tá ta peyacue i ngẽxguma choxna penaxãxgu i perü ãmaregü i ngüxmüxẽẽruü̃gü i cha̱u̱xca̱x piguxü̃. Rü ngẽmaãcü i choma rü tá pexna chacua̱xãchi. Rü Choma nixĩ i Cori ya perü Tupana chixĩxü̃ —ñanagürü.

Wiyaegü 9:2

Pa Cori ya Tupana ya Guxãétüwa Ngẽxmacüx, rü chorü taãẽmaxã tá poraãcü cuxü̃ chicua̱xüxü̃. Rü chorü wiyaemaxã tá cuxü̃ chatachigaxẽxẽ.

Neemía 12:27

Rü yexguma nawa nanguxgu ga yema ngunexü̃ ga Yerucharéü̃arü poxeguxü̃ nagu yaxãxü̃chigüxü̃, rü guxü̃nema ga guma ĩanegü ga Lebítanüxü̃ nawa maxẽnegu Lebítanüxü̃ca̱x nayadaugü. Rü ñu̱xũchi Yerucharéü̃wa nanagagü nax yemaacü taãẽãcü Tupanaxü̃ yacua̱xüü̃güxü̃ca̱x wiyaegümaxã rü norü platíyugümaxã rü árpagümaxã rü árpaxacügümaxã nax naxüchigagüãxü̃ca̱x ga yema Yerucharéü̃arü poxeguruü̃arü ãxü̃chichiga.