Neemía 12:39 - Tupanaarü Ore

³⁹ Rü nüxü̃ tachopetü ga yema ĩã̱x ga Efraíü̃gu ãégaxü̃ rü yema ĩã̱x ga Yechanágu ãégaxü̃ rü yema ĩã̱x ga Choxnigügu ãégaxü̃ rü yema daxũtaechica ga Ananégu ãégaxü̃ rü yema daxũtaechica ga 100gu ãégaxü̃ rü ñu̱xmata nawa tangugü ga yema ĩã̱x ga Carnérugügu ãégaxü̃. Rü nawa tayachaxãchitanü ga yema ĩã̱x ga Dauxü̃taeruü̃gu ãégaxü̃.

Neemía 12:39 Referans Kwoze

Neemía 3:1

Rü nüma ga chacherdóte ga Eriachí rü ñu̱xũchi yema namücügü ga chacherdótegü nixĩ ga namexẽẽgüxü̃ ga yema ĩã̱x ga Carnérugügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü. Rü ñu̱xũchi yema 100arü Daxũtaechicawa inanaxügüe nax namexẽẽgüaxü̃́ ga yema naxtapü̱x rü ñu̱xmata yema Ananéarü Daxũtaechicagu yacuáx.

Neemía 8:16

Rü duü̃xü̃gü rü norü naiátüwa naxĩ rü namaxã ínangugü nax yemaacü wüxichigü ga duü̃xü̃ noxrütama düxenü ne naxüxü̃ca̱x. Rü nümaxü̃ ga duü̃xü̃gü rü napataétügu nanaxügü ga norü düxenü, rü togü rü napataa̱xtügu nanaxügü, rü togü rü Tupanapata ga taxü̃nea̱xtügu nanaxügü, rü togü rü ĩã̱x ga Dexágu ãégaxü̃pe̱xegu nanaxügü, rü togü ga duü̃xü̃gü rü ĩã̱x ga Efraíü̃gu ãégaxü̃pe̱xegu nanaxügü ga norü düxenügü.

Neemía 3:6

Rü Yoadá ga Pachéa nane, rü Mechuráü̃ ga Bechodía nane nixĩ ga namexẽẽgüxü̃ ga yema ĩã̱x ga Yechanágu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü namaxã ga norü wãtaruü̃gü rü norü tairuü̃gü.

Neemía 3:3

Rü yema Chenaátanüxü̃ nixĩ ga namexẽẽgüxü̃ ga yema ĩã̱x ga Choxnigügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü namaxã ga norü wãtaruü̃gü rü norü tairuü̃gü.

Neemía 3:25

Rü nawena rü Pará ga Uchái nane nixĩ ga namexẽẽxü̃ ga yema naxtapü̱xarü üye ga ínapoxü̃wa yexmaxü̃, norü to̱xma̱xtawa ga yema dauxü̃taechica ga máchanexü̃ ga ãẽ̱xgacüpatawa rütoxü̃ ga poxcupataxü̃a̱xtüwa. Rü yemawena rü Pedaía ga Paró nane nixĩ ga namexẽẽxü̃ ga yema naxtapü̱xarü üye ga yéama daxü̃.

Norü taxre ga popera ga ãẽ̱xgacügüchiga 14:13

Rü Yoá ga Iraéanearü ãẽ̱xgacü rü ĩane ga Bex-chemégu Amachía ga Yudáanearü ãẽ̱xgacüxü̃ niyaxu. Rü nüma ga Amachía rü to ga Yoá nane nixĩ rü Ocochía nixĩ ga norü o̱xi. Rü yemawena rü Yerucharéü̃wa naxũ ga gumá Iraéanearü ãẽ̱xgacü, rü nagu napogü ga 180 metru ga norü poxeguxü̃tápü̱x nax yéma yaxücuxü̃ca̱x. Rü ĩã̱x ga Efraíü̃wa inanaxügü rü ñu̱xmata naxtapü̱x íyapoxü̃arü ĩã̱xwa nangu nax nagu napogüxü̃.

Ore i mexü̃ ga Cuáü̃ ümatüxü̃ 5:2

Rü guma ĩanearü poxeguxü̃arü ĩã̱x ga Carnéruarü Choxü̃chicagu ãégaxü̃arü ngaicamana nayexma ga wüxi ga puchu ga Yudíugügawa Bechatágu ãégacü. Rü gumá puchuanacüwa nayexma ga wüxime̱e̱xpü̱x ga norü ücuchicagü ga ãxpataü̃étügüxü̃.

Chofonía 1:10

Rü nüma ya Cori ya Tupana rü ñanagürü ta: —Ngẽma ngunexü̃gu rü tá nüxü̃ taxĩnüe i duü̃xü̃gü i aita üexü̃ nax ngü̃xẽẽca̱x ínacagüxü̃ i Choxnigüarü ĩã̱xwa. Rü yima Ngexwacaxü̃ ya Ĩanewa ngẽxmagüxü̃ i duü̃xü̃gü rü tá ta aita naxüe. Rü ngẽxgumarüxü̃ tá ta nüxü̃ taxĩnüe nax tagaãcü nawĩẽmügüxü̃ ya yima ma̱xpǘnegü.

Yeremía 32:2

Rü yexguma ta nixĩ ga Babiróniaanearü ãẽ̱xgacüarü churaragü ga Yerucharéü̃ca̱x íyaxüãchixü̃. Rü nüma ga orearü uruxü̃ ga Yeremía rü napoxcu nagu ga yema poxcuchica ga Yudáanearü ãẽ̱xgacüpataarü dauxü̃taechicaxã̱xtüwa yexmaxü̃.

Yeremía 31:38

Rü nüma ya Cori ya Tupana rü ñanagürü: —Tá ínangu i wüxi i ngunexü̃ i nagu tá wena namexẽxẽxü̃ ya chorü ĩane ya Yerucharéü̃. Rü Ananéarü Dauxü̃taechicawa tá inaxügü rü ñu̱xmata ngẽma Ĩã̱x i Ínapoõchixü̃wa ngẽxmaxü̃wa nangu nax namexẽẽxü̃.

Neemía 12:40

Rü yemawena ga yema taxretücumü ga wiyaetanüxü̃ rü nachicawa naxĩchigü ga Tupanapata ga taxü̃newa. Rü choma namaxã ga yema norü ngãxü̃tücumü ga ãẽ̱xgacügü ga choxü̃ ümücügüxü̃ rü tochicawa taxĩ ga Tupanapata ga taxü̃newa.