Neemía 11:32 - Tupanaarü Ore

³² rü Anatógu, rü Nóxgu, rü Ananíagu,

Neemía 11:32 Referans Kwoze

Ichaía 10:30

¡Rü wáita pexüe, Pa Bax-garíü̃cüã̱x! ¡Rü pemax, Pa Laichácüã̱x rü nüxü̃ pexĩnüe nax wáita naxüexü̃! ¡Rü pemax, Pa Anatócüã̱x rü penangãxü̃ga!

1 Chamué 21:1

Rü nüma ga Dabí rü ĩane ya Nóxwa naxũ nax chacherdóte ya Aimérexü̃ íyadauxü̃ca̱x. Rü yexguma Dabíxü̃ nada̱u̱xgu ga Aimérex rü naba̱i̱xãchiãxẽ rü Dabína naca rü ñanagürü: —¿Tü̱xcüü̃ cuxicatama nua cuxũ rü taxuxü̃ma cuxü̃ ínixümücü? —ñanagürü.

Yeremía 1:1

Ñaa nixĩ ga Yeremíaarü ore. Rü nüma ga Yeremía rü chacherdóte ga Irichía nane nixĩ, rü ĩane ga Anatógu naxãchiü̃ ga Bẽyamíü̃tanüxü̃arü naanewa.

Ichaía 10:32

Rü ñu̱xma i ngẽma uanügü rü ĩane ya Nóxwa nayachaxãchitanü, rü wüxi i cua̱xruxü̃ nügüna naxãgü nax Yerucharéü̃arü ma̱xpǘne ya Chióü̃ca̱x íyaxüãchixü̃ nax tüxü̃ nada̱i̱xü̃ca̱x.

Neemía 7:27

Rü ĩane ga Anatócüã̱xgü rü 128 nixĩ.

1 Chamué 22:19

Rü yemawena rü chacherdótegüarü ĩane ga Nóxwa naxũ ga Chaú. Rü taramaxã nanadai ga duü̃xü̃gü ga iyatüxü̃, rü ngexegü, rü buxü̃gü. Rü woo õxchanagü ya ngexwaca íxraexe tüxü̃ nadai. Rü yexgumarüxü̃ ta nanadai ga guxü̃ma ga tümaarü wocagü, rü búrugü, rü carnérugü.

Neemía 11:31

Rü yema Bẽyamíü̃tanüxü̃ rü daa ĩanegügu naxãchiü̃gü: ĩanegü ga Guébagu, rü Mixmágu, rü Aíagu, rü Betégu rü norü ĩanexacügügu,

Neemía 11:33

rü Achóxgu, rü Ramágu, rü Guitaíü̃gu,

1 Chamué 21:2

Rü nüma ga Dabí rü nanangãxü̃ rü Aimérexü̃ ñanagürü: —Ãẽ̱xgacü rü nua choxü̃ namu nax chayanguxẽẽxü̃ca̱x i ngẽma nüma choxü̃ namuxü̃. Natürü tama nanaxwa̱xe nax texé nüxü̃ cuáxü̃ nax ta̱xacüca̱x nua choxü̃ namuxü̃ rü ta̱xacü yixĩxü̃ i norü ore i nua namuxü̃. Rü ngẽmaca̱x i ngẽma chorü duü̃xü̃gü rü tama chowe narüxĩ. Rü to i nachicagu namaxã chaxuneta nax ngẽxma nüxü̃ chayangauxü̃ca̱x.