Neemía 11:24 - Tupanaarü Ore

²⁴ Rü Pérchiaarü ãẽ̱xgacü rü Petaíaxü̃ naxuneta nax nape̱xewa yema Iraétanüxü̃maxã icuáxü̃ca̱x nax namexẽẽãxü̃ca̱x ga norü guxchaxü̃gü. Rü Petaía nanatü rü Mechechabé nixĩ, rü Mechechabéarü o̱xi rü Chéra nixĩ, rü Chéra rü Yudá nane nixĩ.

Neemía 11:24 Referans Kwoze

Naanearü ügüchiga 38:30

Rü nawena naxíra ga gumá naenexẽ ga tünüta ga dauxü̃nemaxã ina̱i̱xpü̱xmẽxẽcü, rü Chéragu inaxüéga.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:17

Rü Benaía ga Yoiadá nane nixĩ ga namaxã icuáxü̃ ga yema churaragü ga Queretéugü rü Peretéugü ga Dabína daugüxü̃. Rü Dabí nanegü nixĩ ga norü ngü̃xẽẽruxü̃gü ixĩgüxü̃.

Ore i mexü̃ ga Matéu ümatüxü̃ 1:3

Rü Yudá rü Fárenatü rü Chéranatü nixĩ. Rü Tamára iyixĩ ga naé ga yema taxre. Rü Fáre rü Eróü̃natü nixĩ. Rü Eróü̃ rü Aráü̃natü nixĩ.

Neemía 10:21

rü Mechechabé, rü Chadóx, rü Yadúa,

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:28

Rü yema Lebítanüxü̃ rü nanaxü ga yema Tupanapata ga taxü̃nearü puracügü ga Aróü̃tanüxü̃ ga chacherdótegü nagu namugüxü̃. Rü nüxna nadaugü ga naã̱xtügü ga Tupanapata ga taxü̃ne rü norü ucapugü. Rü nayayauxgü ga Tupanapata ga taxü̃nearü yemaxü̃gü ga ixüünexü̃. Rü yexgumarüxü̃ ta nanaxügü ga guxü̃ma ga toomachigü ga puracü ga Tupanapata ga taxü̃newa naxügüxü̃.

Neemía 3:4

Rü yema norü to ga naxtapü̱xarü üye rü Meremóx ga Uría nane ga Cóx nataxa nixĩ ga namexẽẽxü̃. Rü yema norü to ga naxtapü̱xarü üye rü Mechuráü̃ ga Berequía nane ga Mechechabé nataxa nixĩ ga namexẽẽxü̃. Rü yema norü to ga naxtapü̱xarü üye rü Chadóx ga Baaná nane nixĩ ga namexẽẽxü̃.

Naanearü ügüchiga 46:12

Rü Yudá nanegü nixĩ ga Éx, rü Onáü̃, rü Cherá, rü Fáre rü Chéra. (Éx, rü Onáü̃ rü Canaáü̃anegutama nayue). Rü Fáre nanegü nixĩ ga Eróü̃, rü Amúx.