Neemía 11:22 - Tupanaarü Ore

²² Rü yema Lebítanüxü̃maxã icuáxü̃ ga Yerucharéü̃wa rü Uchí nixĩ. Rü Uchí nanatü nixĩ ga Baní, rü Baní nanatü nixĩ ga Achabía, rü Achabía nanatü nixĩ ga Matanía, rü Matanía nanatü nixĩ ga Micaía ga Achátaxa ixĩcü. Rü nümagü ga yema Lebítanüxü̃ nixĩ ga yema wiyaegümaxã inacua̱xgüxü̃ ga Tupanapata ga taxü̃newa.

Neemía 11:22 Referans Kwoze

Neemía 12:35

Rü yema chacherdótegü ga cornétagu yacuegüãcüma naxümücügüxü̃ ga yema wiyaegüxü̃ rü wüxi rü Chacaría ga Yonatáü̃ nane nixĩ. Rü yema Chacaríaarü o̱xigü nixĩ ga Chemaía, rü Matanía, rü Micaía, rü Chacúx, rü Acháx. Rü Chacaríamücügü nixĩ ga natanüxü̃ ga Chemaía, rü Acharé, rü Mirarái, rü Guirarái, rü Maái, rü Natanaé, rü Yudá, rü Ananí. Rü Chacaría rü namücügü nanapaxgü ga yema paxetaruü̃gü ga gumá Tupanaarü duü̃ ga Dabí íxüxüxü̃. Rü nüma ga poperaarü ümatüruxü̃ ga Édra nixĩ ga nape̱xegu ixũcü.

Neemía 11:14

Rü yema Amacháitanüxü̃ ga yatügü ga daixü̃ icuáxü̃ rü guxü̃wama 128 nixĩ ga norü mu. Rü yema namaxã icuáxü̃ nixĩ ga Chadié ga Guedoríü̃ nane.

Neemía 11:11

Rü to nixĩ ga Cheraía. Rü Cheraía nanatü nixĩ ga Irichía, rü Irichía nanatü nixĩ ga Mechuráü̃, rü Mechuráü̃ nanatü nixĩ ga Chadóx, rü Chadóx nanatü nixĩ ga Meraióx, rü Meraióx nanatü nixĩ ga Aitúx. Rü nüma ga Cheraía nixĩ ga ãẽ̱xgacü ga Tupanapata ga taxü̃nemaxã inacuáxü̃.

Neemía 11:9

Rü yema Bẽyamíü̃tanüxü̃arü ãẽ̱xgacü nixĩ ga Yoé. Rü Yoé nanatü nixĩ ga Chicrí. Rü Yoéarü ñatüwaama ücü ga ãẽ̱xgacü ga duü̃xü̃gümaxã icuácü nixĩ ga Yudá. Rü Yudá nanatü nixĩ ga Chenúa.

Neemía 10:13

rü Odía, rü Baní, rü Benínu.

Neemía 10:11

rü Micaía, rü Reóx, rü Achabía,

Neemía 8:7

Rü Lebítanüxü̃ ga Yochué, rü Baní, rü Cherebía, rü Yamíü̃, rü Acúx, rü Chaxtái, rü Odía, rü Maachía, rü Queritá, rü Acharía, rü Yochabá, rü Anáü̃ rü Peraía nixĩ ga duü̃xü̃gümaxã meama nango̱xẽẽgüxü̃ nax ta̱xacüchiga yixĩxü̃ ga yema mugü. Rü yexguma ga nüma ga duü̃xü̃gü rü tama nixĩgachitanü nawa ga yema nachica ga nagu nachigüxü̃.

Neemía 3:17

Rü yema norü to ga naxtapü̱xarü üye rü Lebítanüxü̃ nixĩ ga namexẽẽgüxü̃. Rü Reúü̃ ga Baní nane nixĩ ga namaxã icuáxü̃. Rü Achabía ga ngãxü̃ ga Queiráarü naanemaxã icuáxü̃ nixĩ ga norü naaneégagu namexẽẽxü̃ ga yema üye ga yexma idaxü̃.

Édra 8:19

Rü yexgumarüxü̃ ta Tupana yéma nanamugü ga Achabía namaxã ga namücü ga Ichaía ga Merarí nane ixĩcü. Rü namaxã ínangugü ga nanegü rü naenexẽgü ga meama 20 ga duü̃xü̃gü ixĩgüxü̃.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

Neemía 13:13

Rü yemawena nüxü̃ chaxuneta ga chacherdóte ga Cheremía rü ümatüruxü̃ ga Chadóx rü wüxi ga Lebítanüxü̃ ga Pedaíagu ãégaxü̃ nax guma Tupanapataarü ngẽmaxü̃güpataxü̃maxã inacua̱xgüxü̃ca̱x. Rü yexgumarüxü̃ ta nüxü̃ chaxuneta ga Anáü̃ ga Chacúx nane ga Matanía nataxa nax norü ngü̃xẽẽruü̃gü yixĩxü̃ca̱x. Yerü nümagü rü mexü̃ ga duü̃xü̃gü nixĩgü rü nüxü̃́ chayaxõ nax mea tá natanüxü̃xü̃ yanuaxü̃ ga yema nüxna üxü̃.

Neemía 12:46

Yerü nũxcüma ga yexguma Dabí rü Achá maxẽgu, rü nayexma ga ãẽ̱xgacügü ga wiyaetanüxü̃maxã icua̱xgüxü̃. Rü yemagü nixĩ ga wiyaegüãcüma Tupanaxü̃ icua̱xüü̃güxü̃ rü moxẽ nüxna ãgüxü̃xü̃.

2 Chamué 9:12

Rü nüma ga Mepi-bóchex rü nüxü̃́ nayexma ga wüxi ga nane ga buxü̃ ga Micaíagu ãégaxü̃. Rü guxü̃ma ga Chibáarü duü̃xü̃gü rü Mepi-bóchexü̃ narüngü̃xẽẽgü.