Neemía 11:19 - Tupanaarü Ore

¹⁹ Rü yema ĩanearü ĩã̱xgüarü dauruü̃gü ga Yerucharéü̃wa yexmagüxü̃ nixĩ ga Acúx rü Tamóü̃ rü naétü ga natanüxü̃ ga yema ĩã̱xarü dauruü̃gü. Rü guxü̃wama rü 172 nixĩ ga norü mu.

Neemía 11:19 Referans Kwoze

Wiyaegü 84:10

Rü ngẽma 1,000 i ngunexü̃ i nagu ngextámare changexmaxü̃arü yexera rü narümemae nixĩ nax wüxitama i ngunexü̃ cupataã̱xtüwa changexmaxü̃. Rü narümemae nax cupataarü ĩã̱xarü dauruü̃mare chixĩxü̃, Pa Tupanax, rü tama chixexü̃ ínaxügüxü̃wa nax changexmaxü̃.

Neemía 12:25

Rü yema ĩã̱xgü ga nawa yachocuxü̃arü ngaicamana nayexma ga õnachicagü. Rü norü dauruü̃gü nixĩ ga Matanía rü Babuquía rü Adía rü Mechuráü̃ rü Tamóü̃ rü Acúx.

Neemía 7:45

Rü yema ĩã̱xgüarü dauruü̃gü rü 138 nixĩ. Rü nümagü rü Charúü̃taagü, rü Atétaagü, rü Tamóü̃taagü, rü Acúxtaagü, rü Atitátaagü, rü Chobaítaagü nixĩgü.

Norü taxre ga popera ga ãẽ̱xgacügüchiga 7:10

Rü inaxĩãchi rü yexguma ĩanewa nangugügu rü ĩanearü dauruü̃ca̱x nacagü rü ñanagürügü nüxü̃: —Ngẽma Chíriaarü churaragüpatawa taxĩ rü taxuxü̃ma rü bai i wüxi ngẽma ngẽxmaxü̃. Rü taxuxü̃ma i ngextá nidexa. Rü cowarugü rü búrugü i ngẽxma ngagüü̃xü̃ rü churaragüarü düxenügü ya mea itexechigünexicatama nangẽxma —ñanagürügü.

Neemía 11:18

Rü guxü̃wama rü yema Lebítanüxü̃ ga ĩane ga üünene ga Yerucharéü̃gu ãpatagüxü̃ rü 284 nixĩ ga norü mu.

Neemía 11:20

Rü yema togü ga Iraétanüxü̃, rü togü ga chacherdótegü rü Lebítanüxü̃ rü náigü ga Yudáanearü ĩanegügu nügü ninu. Rü wüxichigü rü noxrütama naane rü napata nüxü̃́ niyexmachigü.