Neemía 10:37 - Tupanaarü Ore

³⁷ Rü togümaxã itaxunetagü nax Tupanapata ga taxü̃nearü yemaxü̃pataü̃wa tananaxü̃ca̱x i ngẽma nüxíraxü̃xü̃ i torü trigute̱xe rü nüxíraxü̃xü̃ i tonetüarü o, rü yima nüxíraü̃cü ya torü bínu rü nüxíraxü̃xü̃ i torü chíxü̃ nax chacherdótegüna tanaxãxü̃ca̱x. Rü yexgumarüxü̃ ta togümaxã itaxunetagü rü ngẽma 10 i tonetügüarü owa rü wüxi tá nixĩ i Lebítanüxü̃na taxãgüxü̃ erü ngẽma nixĩ i toonegüwa nüxna üxü̃ nax nayauxgüãxü̃ca̱x.

Neemía 10:37 Referans Kwoze

Lebítanüxü̃arü puracüchiga 23:17

Rü pepatawa tá ne penange i taxre i paũ i ngẽma rümemaexü̃ i trigute̱xewa üxü̃ i pu̱xẽẽruü̃ã́xü̃. Rü 4 quíru naguxü̃ tá nixĩ i wüxichigü i ngẽma paũ, rü chope̱xewa tá peyachü̱xacüüxẽxẽ. Rü ngẽma rü wüxi i ãmare i nüxíra pebuxuxü̃ i perü tríguarü owa üxü̃ tá nixĩ.

Iraétanüxü̃arü muxchiga 18:21

Rü ngẽma diésmu i choxna naxãgüxü̃ i Iraétanüxü̃ norü nanetügüarü owa, rü choma rü tá Lebítanüxü̃na chanaxã nax ngẽmamaxã nüxü̃́ naxãtanüxü̃ca̱x i norü puracü i chopatawa naxügüxü̃.

Neemía 13:9

Rü yemawena rü chanamu nax Tupanape̱xewa namaxcugüãxü̃ca̱x ga yema ucapu, rü ñu̱xũchi wenaxarü yexma nachicagu nanuãxü̃ca̱x ga Tupanapata ga taxü̃nearü nawechigü ga üünexü̃, rü yema ãmaregü ga trigute̱xegü rü pumarate̱xegü.

Neemía 13:5

Rü Tobíaxü̃ nagu napexẽxẽ ga yema ucapu ga taxü̃ ga noxri nagu nanuxü̃ ga ãmaregü, rü pumarate̱xegü, rü nawechigü, rü trigugü, rü bínugü, rü chíxü̃gü ga Lebítanüxü̃na, rü wiyaetanüxü̃na, rü ĩã̱xarü dauruü̃güna üxü̃. Rü naétü yexma nanu ga yema duü̃xü̃gü ixãgüxü̃ ga õnagü ga chacherdótegüca̱x ixĩxü̃.

Wenaxarü naxümatü ga Tupanaarü mugü 18:4

Rü ngẽxgumarüxü̃ ta ngẽma chacherdótegüna tá naxǘ i ngẽma nüxíraxü̃güxü̃ i norü o i duü̃xü̃güarü trigu, rü nüxíraxü̃xü̃ i bínugü rü chíxü̃gü. Rü ngẽxgumarüxü̃ ta nüxna naxǘ i ngẽma nüxíra iyoxü̃ i carnéruta̱xa.

Maraquía 3:10

¡Rü chopata ya taxü̃nearü diẽruchixü̃gu peyaxǘ i ngẽma diẽru i choxrü ixĩxü̃! Rü ngẽmaãcü tá nangema i õna i chopatawa. ¡Rü dücax, choxü̃ pexü̱x! Rü ngẽmaãcü tá nüxü̃ pedau nax dauxü̃guxü̃ i naanearü beü̃tána chiwãxnaxü̃ rü peaneétügu chanapuxẽẽxü̃ ya pucü.

Maraquía 3:8

Rü ñu̱xma i choma rü pexna chaca: “¿Ẽ̱xna namexü̃ yixĩxü̃ i wüxi i duü̃xü̃ rü choxü̃́ nangĩ́xü̃? Rü dücax i pemax, rü aixcüma nixĩ i choxü̃́ pengĩ́exü̃. Rü ngẽxguma rü ta rü ípecagüamaxü̃ rü ñapegügüxü̃: ‘¿Rü ta̱xacüwa i cuxü̃́ tangĩ́exü̃?’ ñapegügüxü̃. Rü dücax, rü choxü̃́ pengĩ́e nawa i ngẽma diésmugü rü ãmaregü i choxrü ixĩxü̃.

Norü taxre ga to ga popera ga ãẽ̱xgacügüchiga ümatüxü̃ 31:6

Rü yexgumarüxü̃ ta ga yema Iraéanecüã̱xgü rü yema naigü ga Yudáanearü ĩanegüwa maxẽxü̃ rü Yerucharéü̃wa nanagagü ga norü diésmu ga norü wocagü rü carnérugü ga Tupanana ügüxü̃. Rü ñu̱xũchi yéma nanana ga norü diésmu ga norü yemaxü̃güwa ga Cori ya norü Tupanana ügüxü̃. Rü guxü̃ma ga yema rü wüxigu nananutaque̱xegü.

Romanos 11:16

Rü ngẽxguma naxüünegu i ngẽma nüxíraxü̃ i paũ i paũcharawa üxü̃ rü Tupanana ixãxü̃, rü ñu̱xũchi guxü̃ma i ngẽma paũchara rü naxüüne. Rü wüxi i nanetü rü ngẽxguma naxüünegu i naxchuma̱xãgü, rü nachacüügü rü ta rü nixüüne.

Wenaxarü naxümatü ga Tupanaarü mugü 14:22

Rü wüxichigü ya taunecügu ¡rü taxũtáma nüxü̃ perüngümae nax penetüarü otanüwa ípenaxüxüchixü̃ i ngẽma diésmu i Tupanana üxü̃!

Neemía 13:10

Rü nüxü̃ chacuáchiga ta nax tama Lebítanüxü̃na naxãgüãxü̃ ga nawemügü ga naxca̱x ixĩgüxü̃. Rü yemaca̱x ga Lebítanüxü̃ rü wiyaetanüxü̃ ga ngutaque̱xemaxã icua̱xgüxü̃ rü düxwa naxĩgü, rü naaneca̱x nawoegu.

Neemía 13:12

Rü guxü̃ma ga yema Yudátanüxü̃ rü Tupanapataarü ngẽmaxü̃güpataxü̃wa nanana ga yema trigute̱xe, rü bínu, rü chíxü̃ ga Lebítanüxü̃na üxü̃.

Iraétanüxü̃arü muxchiga 18:15

Rü ngẽma Iraétanüxü̃ nanegü i nüxíra buexü̃ rü ñu̱xũchi naxü̃nagü i yatüxü̃ i nüxíra buexü̃ i choxna namugüxü̃ rü cuxrügü tá nixĩgü. Natürü nanegüchicüxü rü ñu̱xũchi ngẽma naxü̃nagü i tama ngõ̱xwa mexü̃chicüxü rü ngẽma Iraétanüxü̃ tá diẽru cuxna naxã.

Iraétanüxü̃arü muxchiga 18:18

Rü ngẽxguma chorü ngüxmüxẽẽruü̃ca̱x penadaixgu i naxü̃nagü rü yima tügüneperema rü naremümachi rü cuxna naxǘ. Rü ngẽxgumarüxü̃ ta cuxna naxǘ i namachi i ngẽma naxü̃na i nüxíra buxü̃ i cha̱u̱xca̱x pedaixü̃.