Neemía 10:35 - Tupanaarü Ore

^35-36 Rü togümaxã itaxunetagü nax wüxichigü ga taunecügu Tupanapata ga taxü̃newa tananaxü̃ ga nüxíraxü̃xü̃ ga tonetüarü o. Rü yexgumarüxü̃ ta togümaxã itaxunetagü nax Tupanapata ga taxü̃newa rü yema chacherdótegü ga yéma puracüexü̃pe̱xewa tanagaxü̃ ga nüxíraü̃cü ya tonegü, rü nüxíraxü̃xü̃ i torü wocaxacügü, rü nüxíraxü̃xü̃ i carnéruxacügü yema mugüpanewa naxümatüxü̃ãcü.

Neemía 10:35 Referans Kwoze

Ínachoxü̃xü̃chiga 23:19

Rü ngẽma nüxíraxü̃xü̃ i norü o i ngẽma cunetügüwa quibuxgüxü̃, rü name nixĩ i Tupanapatawa cunana i ngẽma rümemaegüxü̃. ¡Rü taxũtáma naégünenixü̃wa cunamuxra i ngẽma chíbuxacügü!

Iraétanüxü̃arü muxchiga 18:12

Rü ngẽxgumarüxü̃ ta cuxna chanaxã i ngẽma nanetügüarü o i nüxíraxü̃güxü̃ i wüxichigü ya taunecügu choxna naxãgüxü̃ i Iraétanüxü̃. Rü ngẽxgumarüxü̃ ta cuxna chanaxã i ngẽma chíxü̃ i rümemaexü̃ rü yimá bínu ya rümemaecü rü ñu̱xũchi ngẽma trigu i rümemaexü̃.

Ínachoxü̃xü̃chiga 34:26

Rü ngẽma nüxíraxü̃xü̃ i norü o i ngẽma penetügüwa pibuxgüxü̃, rü name nixĩ i chopatawa penana i ngẽma rümemaegüxü̃. ¡Rü taxũtáma naégünenixü̃wa penamuxra i ngẽma cabraxacügü! —ñanagürü ga Tupana.

Iraétanüxü̃arü muxchiga 18:2

Natürü ngẽma togü i Lebítanüxü̃ i cutanüxü̃ ixĩgüxü̃ rü cunaxwa̱xe nax cuxü̃ rü cunegüxü̃ nangü̃xẽẽgüxü̃ nawa i Tupanapataarü puracü.

Echequié 44:30

Rü ngẽma chacherdótegüarü tá nixĩ i ngẽma rümemaexü̃ i nüxíraxü̃güxü̃ i nanetüarü o rü ñu̱xũchi guxü̃ma i ngẽma ãmaregü i duü̃xü̃gü choxna ãgüxü̃. Rü ngẽxguma perü triguchara pexü̱xgu, rü ngẽma rümemaexü̃ tá nixĩ i chacherdótegüna pexãxü̃. Rü ngẽxguma ngẽmaãcü penaxü̱xgu rü chorü ngü̃xẽxẽ rü guxü̃gutáma pepatawa nangẽxma.

Lebítanüxü̃arü puracüchiga 6:6

Rü ngẽma tümaxü̃na i cha̱u̱xca̱x timáxü̃ rü name i wüxi i carnéru i taxuwama chixexü̃ nax yixĩxü̃. Rü cumax, Pa Moichéx, rü cuma tá nixĩ i cunangugütanüxü̃ nax ñuxregu naxãtanüxü̃ i ngẽma carnéru rü aixcüma ngẽma carnéru i tümaxü̃natanüwa tayaxuxü̃ rü marü namaxã yangutanü i tümaarü pecadu. Rü ñu̱xũchi chacherdótexü̃tawa tá tanaga nax ngẽxma tayamáxü̃ca̱x tümaarü pecadutanü.

Neemía 13:31

Rü yema üxüarü yauxruü̃gü rü mea ichayanu, nax yemaacü nüxü̃ nacua̱xgüxü̃ca̱x nax ñuxgu tá nawa yanguchigüxü̃ i üxüarü yaxu. Rü mea ichananu nax ñuxgu tá duü̃xü̃gü inaxãgüxü̃ i nüxíraxü̃xü̃ i nanetüarü o. Rü yemawena rü Tupanaxü̃ ñachagürü: —¡Choxna nacua̱xãchi, Pa Corix, rü choxü̃ rüngü̃xẽxẽ! —ñachagürü.