Neemía 10:32 - Tupanaarü Ore

³² Rü togümaxã nüxü̃ tixu rü wüxichigü ya taunecügu nax itanaxãgüxü̃ i ãgümücü i gramu i diẽrumü nax ngẽmamaxã tanaxütanüxü̃ca̱x i guxü̃ma i Tupanapata ya taxü̃nearü puracü.

Neemía 10:32 Referans Kwoze

Naanearü ügüchiga 28:22

Rü daa nuta ya cua̱xruü̃xü̃ nua chatoxẽẽcü, rü Tupanapata tá nixĩ. Rü dücax, Pa Tupanax, rü guxü̃ma i chorü ngẽmaxü̃gü i choxna cuxãxü̃wa rü guxü̃gutáma cuxna chanaxã i ngẽma diésmu i cuxna üxü̃ —ñanagürü.

2 Corintios 8:12

Erü ngẽxguma aixcüma wüxi ya duü̃xẽ tümaarü ngúchaü̃maxã ngẽma diẽru i tüxü̃́ ngẽxma̱xcüwa tümaenexẽca̱x ngĩxü̃ itaxãxchaü̃gu, rü Tupana rü taãẽãcüma ngĩxü̃ nayaxu. Erü nüma ya Tupana rü tama tüxna ngĩxca̱x naca i ngẽma tüxü̃́ taxu̱xcü.

Ucu̱xẽgüchiga 3:9

¡Rü curü ngẽmaxü̃gümaxã Tupanaxü̃ icua̱xüxü̃, rü nüxna naxã i ngẽma nüxíraxü̃xü̃ i curü nanetügüarü o!

Ínachoxü̃xü̃chiga 23:11

Natürü yimá norü 7 ya tauenecügu rü marü taxũtáma nawa cupuracü i ngẽma naane. Rü name i cunangü̃xẽxẽ i ngẽma naane nax ngẽmaãcü i ngẽma duü̃xü̃gü i ingearü diẽruã̱xgüxü̃ cuanewa yayauxbügüxü̃ca̱x nax ngẽmamaxã naxãwemügüxü̃ca̱x, rü ñu̱xũchi ngẽma íyaxüxü̃ ngẽma naeü̃gü i naixnecücüã̱x namaxã ãwemügüxü̃ca̱x. Rü name i ngẽma curü úbanecü rü oribunecü rü ngẽmatama namaxã cuxü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:27

Rü yema yemaxü̃gü ga norü uanügüna napuxü̃xü̃wa nixĩ ga Tupanana nanaaxü̃ nax yemamaxã namexẽẽgüãxü̃ca̱x ga Tupanapata ga taxü̃ne.

Neemía 5:10

Rü chautanüxü̃ rü chorü ngü̃xẽẽruü̃gü rü choma rü ta diẽru rü trigu nüxna taxãgü nax yixcama toxü̃ naxütanügüãxü̃ca̱x i ngẽma toxna naxca̱x nacagüxü̃. Rü ngẽmaca̱x i ñu̱xma rü ngĩxã nüxü̃́ nüxü̃ tarüngüma i ngẽma norü ngetanügü.

Neemía 9:14

Rü ñu̱xũchi namaxã nüxü̃ quixu nax naxauregüãxü̃ca̱x ga ngü̃xchigaarü ngunexü̃. Rü curü duü̃ ga Moichéwa namaxã nüxü̃ quixu ga mugü rü ngu̱xẽẽtaegü rü ucu̱xẽgü ga aixcüma mexü̃.

Neemía 13:15

Rü yema ngunexü̃gügu rü Yudáanewa nüxü̃ chadau ga duü̃xü̃gü ga ngü̃xchigaarü ngunexü̃gu úba pu̱xgüxü̃ nax bínu naxügüxü̃, rü tríguarü o nugügüxü̃ rü búrumaxã bínu rü úbaya̱xa, rü igugü, rü guxü̃raü̃xü̃ i naxweta nugügüxü̃. Rü yexgumarüxü̃ ta nüxü̃ chadau nax ngü̃xchigaarü ngunexü̃gu Yerucharéü̃wa nanaaxü̃ ga naxweta. Rü yemaca̱x chayangagü, yerü ngü̃xchigaarü ngunexü̃gu norü yemaxü̃gümaxã nataxegü.

Neemía 13:18

Rü ngẽmatama i ñu̱xma pexügüxü̃ nixĩ ga naxügüxü̃ ga perü o̱xigü. Rü yemaca̱x nixĩ ga Tupana ga taxca̱x rü tórü ĩaneca̱x ínanguxẽẽãxü̃ ga muxü̃ma ga guxchaxü̃gü. ¿Ẽ̱xna i pema rü penaxwa̱xegü nax yexeraãcü Iraétanüxü̃maxã penanuexẽẽxü̃ ya Tupana nagagu nax tama penaxaurexü̃ i ngü̃xchigaarü ngunexü̃? —ñachagürü.

Neemía 13:21

Natürü ga choma rü namaxã chidexa rü chayangagü naxca̱x nax ĩanearü poxeguxü̃tapü̱xarü düxétüguama napegüxü̃. Rü nüxü̃ ñacharügü: —Ngẽxguma wena tá ngẽma pexü̱xgu rü tá pexü̃ ítayauxü̃ rü tá pexü̃ tapoxcue —ñachagürü. Rü yexgumacürüwa rü marü taguma ngü̃xchigaarü ngunexü̃gu yéma naxĩ.