Neemía 10:29 - Tupanaarü Ore

²⁹ Rü guxãma ga toma rü mea tanayauxgü ga yema uneta rü nüxü̃ tixu nax aixcüma tá mea naga taxĩnüexü̃ i ngẽma Tupanaarü mugü rü ucu̱xẽgü ga nüma ya Tupana norü duü̃ ga Moichéna naxãxü̃.

Neemía 10:29 Referans Kwoze

Echequié 36:27

Rü pewa tá chanamaxẽxẽ ya Chauãxẽ ya Üünecü nax ngẽmaãcü mea peyanguxẽẽxü̃ca̱x i chorü mugü.

Wiyaegü 119:106

Choma rü marü cumaxã ichaxuneta rü ngẽma rü tá chayanguxẽxẽ. Rü tá nagu chixũ i ngẽma curü mugü.

Ore i mexü̃ ga Cuáü̃ ümatüxü̃ 15:14

Pema rü chomücügü pixĩgü i ngẽxguma chauga pexĩnüegu.

Romanos 12:9

Rü name nixĩ i aixcüma meama pegü pengechaü̃gü i wüxichigü. ¡Rü nüxü̃ pexo i guxü̃ma i ta̱xacü i chixexü̃ ixĩxü̃! ¡Rü nagu pexĩ i ngẽma aixcüma mexü̃ ixĩxü̃!

Norü taxre ga to ga popera ga ãẽ̱xgacügüchiga ümatüxü̃ 34:31

Rü yexguma yema poperaxü̃ nadaumatüguwena ga ãẽ̱xgacü rü Tupanapata ga taxü̃nearü caxtaxü̃tagu nayachi. Rü yéma Tupanape̱xewa nüxü̃ nixu nax aixcümaxü̃chi tá naga naxĩnüxü̃ rü nagu namaxü̃xü̃ i ngẽma Tupanaarü ucu̱xẽgü rü mugü i ngẽma poperagu ümatüxü̃. Rü nüxü̃ nixu rü tá nayanguxẽxẽ ga yema unetagü ga Tupanamaxã nüxü̃ yaxugüxü̃ ga Iraétanüxü̃.

Norü taxre ga popera ga ãẽ̱xgacügüchiga 23:3

Rü yexguma yema poperaxü̃ nadaumatüguwena ga ãẽ̱xgacü rü ñu̱xũchi Tupanapataarü caxtaxü̃tagu nayachi. Rü yéma Tupanape̱xewa nüxü̃ nixu nax aixcüma tá naga naxĩnüxü̃ rü yangu̱xẽxẽãxü̃ ga guxü̃ma ga yema norü mugü rü ucu̱xẽgü ga yema poperagu ümatüxü̃. Rü guxü̃ma ga yema duü̃xü̃gü rü ta yemaacü inaxunetagü.

Ngechuchuarü ngúexü̃gü ga yamugüxü̃arü puracüchiga 23:21

¡Natürü taxũtáma nüxü̃́ cuyaxõ! Erü 40 arü yexera i yatügü rü marü nügümaxã inaxunetagü, rü ñanagürügü: “Tachixexü̃gugü tá ega ta̱xacü ingõ̱xgügu rüe̱xna ixaxegügu naxü̃pa nax yamáxü̃ i Pauru”, ñanagürügü. Rü ñu̱xma rü marü ínamemaregü nax namagu nana̱i̱xgüaxü̃, rü curü orexicatama nixĩ i ñu̱xma ínangu̱xuxẽẽgüxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 17:34

Natürü ñuxre ga duü̃xü̃gü rü Pauruwe narüxĩ, rü Ngechuchuaxü̃́ nayaxõgü. Rü natanüwa nayexma ga Dioníchiu ga wüxi ga Areópagutanüxü̃, rü wüxi ga ngecü ga Dámari ga ngĩéga. Rü ñuxre ga togü rü ta nayaxõgü.

Ngechuchuarü ngúexü̃gü ga yamugüxü̃arü puracüchiga 11:23

Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.

Ore i mexü̃ ga Cuáü̃ ümatüxü̃ 7:19

¿Tama ẽ̱xna aixcüma yixĩxü̃ ga Tupanaarü mugü ga Moiché pexna ãxü̃? Natürü taxúema i pema naga pexĩnüe i ngẽma mugü. ¿Rü ñu̱xma rü tü̱xcüü̃ nixĩ i choxü̃ pima̱xgüchaü̃xü̃? —ñanagürü.

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Maraquía 4:4

¡Rü nüxna picua̱xãchi ga yema mugü ga chorü duü̃ ga Moichéna chaxãxü̃ ga ma̱xpǘne ga Chinaíwa! Rü yema ucu̱xẽgü rü mugü rü guxü̃ma ga Iraétanüxü̃ca̱x nixĩ nax nümagü naga naxĩnüexü̃ca̱x.

Yeremía 26:4

¡Rü namaxã nüxü̃ ixu nax choma ya Cori ya Tupana rü ñachaxü̃: “Rü ngẽxguma taxũtáma chauga pexĩnüegu, rü taxũtáma peyanguxẽẽgu i ngẽma ucu̱xẽgü i pexna chaxãxü̃, rü ñu̱xũchi taxũtáma naga pexĩnüegu i norü ucu̱xẽgü i chorü orearü uruü̃gü ga muẽ̱xpü̱xcüna petanüwa chamugüxü̃ ga pema tama naga pexĩnüexü̃, rü ngẽxguma i choma rü tá nagu chapogü ya daa chopata guma Chilówa yexmane ga chopatarüxü̃. Rü daa ĩane rü wüxi i cua̱xruxü̃ tá nixĩ naxca̱x i guxü̃ma i nachixü̃anegü i ñoma i naanewa ngẽxmagüxü̃” —ñanagürü ga Cori ya Tupana.

Ichaía 14:1

Rü nüma ya Cori ya Tupana rü tá Acóbutanüxü̃ nüxü̃́ nangechaü̃tümüxü̃ rü wena tá norü duü̃xü̃gü i Iraétanüxü̃xü̃ nade. Rü tá nüxü̃́ nanatauxchaxẽxẽ i Iraétanüxü̃ nax wena norü naaneca̱x nawoeguxü̃. Rü ngẽma duü̃xü̃gü i to i nachixü̃anewa ne ĩxü̃ rü Iraétanüxü̃ca̱x tá naxĩ rü wüxiwa Acóbuarü duü̃xü̃gütanüwa tá namaxẽ.

Wiyaegü 105:45

Rü yemaacü Tupana nüxü̃ narüngü̃xẽxẽ ga yema duü̃xü̃gü yerü nanaxwa̱xe nax nagu namaxẽxü̃ ga norü mugü rü nagu naxĩxü̃ ga norü ngu̱xẽẽtae ga nüma namaxã nüxü̃ yaxuxü̃. Rü name i Cori ya Tupanaxü̃ ticua̱xüü̃gü.

Wiyaegü 8:9

Pa Cori ya Tupana ya Guxü̃étüwa Ngẽxmacüx, rü cuéga rü namexẽchi rü guxü̃ma i ñoma i naanewa nüxü̃ nacua̱xgü.

Wiyaegü 8:1

Pa Cori Pa Tupana ya Guxü̃étüwa Ngẽxmacüx, rü cuéga rü namexẽchi rü guxü̃ma i ñoma i naanewa nüxü̃ nacua̱xgü. Rü ngẽma curü üüne rü daxũguxü̃ i naanearü yexerawa nangu.

Neemía 13:25

Rü chayangagü rü guxchaxü̃ namaxã chaxuegu. Rü nümaxü̃ ga yema duü̃xü̃gü rü nüxna chanacuaixca rü nayaegu chatugü. Rü Tupanape̱xewa nüxü̃ nüxü̃ chixuxẽxẽ nax taxũtáma naxacügü rü nanegü to i nachixü̃anecüã̱xgümaxã naxãtexü̃ rü yaxãmaxü̃, rü taxũtáma nayauxgüãxü̃ i to i nachixü̃anecüã̱xgü i ngexü̃gü nax nanema̱xü̃ rüe̱xna naxma̱xü̃tama yixĩgüxü̃ca̱x. Rü ñacharügü nüxü̃:

Norü taxre ga to ga popera ga ãẽ̱xgacügüchiga ümatüxü̃ 6:16

Rü ngẽmaca̱x, Pa Corix, Pa Iraétanüxü̃arü Tupanax, rü ¡yanguxẽxẽ ga yema uneta ga chaunatü ga curü duü̃ ga Dabímaxã nüxü̃ quixuxü̃ ga yexguma ñacugu nüxü̃: “Rü cutaagü tá nixĩ i guxü̃gutáma ãẽ̱xgacügü ixĩgüxü̃ i Iraéanewa ega cuxrüxü̃ mea nagu namaxẽgu i chorü mugü”, ñacugu!

Norü taxre ga popera ga ãẽ̱xgacügüchiga 10:31

Rü woo ga nax yemaxü̃ namaxã yaxuxü̃ ga Cori ya Tupana, rü nüma ga Yeú rü tama aixcüma Cori ya Iraétanüxü̃arü Tupanaarü mugü ninguxẽxẽ, yerü tama nüxna nixũgachi ga yema chixexü̃ ga Yeruboáü̃ Iraétanüxü̃xü̃ nagu yixẽẽxü̃.

Wenaxarü naxümatü ga Tupanaarü mugü 33:4

Rü choma i Moiché rü pexna chanaxã i Tupanaarü mugü nax perü meruxü̃ yixĩxü̃ca̱x, Pa Acóbutanüxü̃x.

Wenaxarü naxümatü ga Tupanaarü mugü 5:32

Rü ngẽmaca̱x i pema rü penaxwa̱xe nax aixcüma peyanguxẽẽxü̃ i guxü̃ma i ngẽma Cori ya perü Tupana pexü̃ muxü̃. Rü bai i íxrarüwa tá nüxna pixĩgachitanüxü̃.

Wenaxarü naxümatü ga Tupanaarü mugü 5:1

Rü nüma ga Moiché rü nanangutaque̱xexẽxẽ ga guxü̃ma ga Iraétanüxü̃ rü ñanagürü nüxü̃: —¡Iperüxĩnüe, Pa Iraétanüxü̃x, i ñaa mugü rü ucu̱xẽgü i ñu̱xmata pemaxã nüxü̃ chixuxü̃! ¡Rü nawa tá pengúe rü nagu tá pexĩ!

Neemía 9:38

Rü yemaca̱x ga guxãma ga toma rü Tupanamaxã nüxü̃ tixu nax aixcüma tá naga taxĩnüexü̃ ga norü mugü. Rü nape̱xewa poperagu tanaxümatü ga yema namaxã nüxü̃ tixuxü̃. Rü toma ga ãẽ̱xgacügü, rü Lebítanüxü̃, rü chacherdótegü rü toéga nagu taxümatügü nax aixcüma tá tayanguxẽẽxü̃ ga yema torü uneta.

Yeremía 34:15

Rü ñu̱xma nax penaxüchicüxü i pecüma rü ípenanguxü̃xẽxẽ i petanüxü̃ i mugüruxü̃ ixĩgüxü̃, rü ngẽmaãcü peyanguxẽxẽ i ngẽma pemaxã nüxü̃ chixuxü̃, erü penaxü i ngẽma choma namaxã chataãẽxü̃. Rü chope̱xewa marü chomaxã ipexunetagü nawa ga chopata ya cha̱u̱xca̱xicatama ixĩxü̃ne.

Lebítanüxü̃arü puracüchiga 20:26

Rü pema rü name nax pengearü ãũãchiã́xü̃ rü pexüünegüxü̃, erü choma nax Cori ya Tupana chixĩxü̃ rü chaxüüne. Rü choma nixĩ ga yema togü ga duü̃xü̃gütanüwa pexü̃ chaxunetaxü̃ nax chorü duü̃xü̃gü pixĩgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:2

Rü yema duü̃xü̃gü ga nüxíra woeguxü̃ nax wena norü naanegüwa rü ĩanegüwa nangugüxü̃ca̱x, rü yemagü nixĩ ga ñuxre ga Iraétanüxü̃ rü chacherdótegü, rü Lebítanüxü̃, rü yema Tupanapata ga taxü̃nearü puracüwa puracüexü̃.

Neemía 7:46

Rü guxü̃ma ga yema Tupanapata ga taxü̃newa puracüexü̃ rü Chiátaagü, rü Achupátaagü, rü Tabaótaagü, rü Querótaagü, rü Chixátaagü, rü Padóü̃taagü, rü Lebanátaagü, rü Agabátaagü, rü Chamaítaagü nixĩgü. Rü togü rü Anáü̃taagü, rü Guidétaagü, rü Gáataagü, rü Reaíataagü, rü Rechíü̃taagü, rü Necodátaagü, rü Gacháü̃taagü, rü Uchátaagü, rü Pachéataagü, rü Becháitaagü, rü Meuníü̃taagü, rü Nepuchíü̃taagü, rü Babútaagü, rü Acupátaagü, rü Arúxtaagü, rü Balútaagü, rü Meidátaagü, rü Achátaagü, rü Barcótaagü, rü Chícharataagü, rü Temátaagü, rü Nechíataagü, rü ñu̱xũchi Atifátaagü nixĩgü.

Neemía 8:2

Rü nüma ga chacherdóte ga Édra rü yéma nanange ga yema Tupanaarü mugüpane nape̱xewa ga yema duü̃xü̃gü ga yexma ngutaque̱xegüxü̃ ga yatüxü̃ rü ngexü̃ rü ngextü̱xücügü rü pacügü.

Neemía 8:3

Rü ẽxü̃wa inanaxügü rü ñu̱xmata tocuchiwa nangu nax duü̃xü̃güca̱x nüxü̃ nadaumatüxü̃ ga Tupanaarü mugü nawa ga yema ĩanearü ngutaque̱xechica ga ĩã̱x ga Dexágu ãégaxü̃arü to̱xma̱xtawa yexmaxü̃. Rü guxü̃ma ga duü̃xü̃gü rü meama inarüxĩnüe ga yema Tupanaarü mugü.