Neemía 10:28 - Tupanaarü Ore

²⁸ Rü guxü̃ma ga yema togü ga duü̃xü̃gü ga chacherdótegü, rü Lebítanüxü̃, rü Tupanapata ga taxü̃nearü ĩã̱xarü dauruü̃gü, rü wiyaetanüxü̃, rü yema Tupanapata ga taxü̃newa puracüexü̃ rü nüxü̃ nixugüe nax aixcüma tá yanguxẽẽgüãxü̃ ga Tupanaarü mugü. Rü yexgumarüxü̃ ta inaxunetagü ga guxü̃ma ga yema Iraétanüxü̃ ga wüxigu naxma̱xgümaxã rü naxacügümaxã nüxna ixĩgachitanüxü̃ ga yema togü ga nachixü̃anecüã̱xgü ga tama Tupanaxü̃ cua̱xgüxü̃.

Neemía 10:28 Referans Kwoze

Romanos 1:1

Pa Chauenexẽgüx rü Pa Chaueya̱xgü ya Rómacüã̱xgüx, choma i Pauru nixĩ i pexca̱x chanaxümatüxü̃ i ñaa popera. Rü choma nixĩ ya Ngechuchu ya Cristuarü duü̃xü̃ chixĩxü̃. Rü choxü̃ nixĩ ga nayaxuxü̃ nax choxü̃ yamuxü̃ca̱x nax duü̃xü̃gümaxã nüxü̃ chixuxü̃ca̱x i norü ore i mexü̃.

Yeremía 4:2

Rü ngẽxguma cha̱u̱xca̱x pewoeguxgu rü aixcüma chauégagu ipexunetagu, rü choma rü tá taxü̃ i ngü̃xẽxẽ chixĩ naxca̱x i guxü̃ma i nachixü̃anegü, rü tá choxü̃ nicua̱xüü̃gü —ñanagürü.

Ngu̱xẽẽtaeruü̃arü ore 5:2

Rü tama name i namaxã cuñuxãxẽ i ngẽma curü uneta i Tupanamaxã nüxü̃ quixuxü̃ i cua̱xmaxã rü curü ĩnümaxã. Erü nüma ya Tupana rü daxũguxü̃ i naanewa nangẽxma, rü cuma rü ñoma i naanewa cungexma. Rü ngẽmaca̱x tama name i naxca̱x cuñuxãxẽ nax Tupanamaxã nüxü̃ quixuxü̃ i curü uneta.

Wiyaegü 47:7

Erü nüma ya Tupana rü ñoma i naanearü ãẽ̱xgacü nixĩ. Rü ngẽmaca̱x name nixĩ i naxca̱x pewiyaegü rü nüxü̃ picua̱xüü̃gü.

Neemía 13:3

Rü yexguma yema mugüpanewa ümatüxü̃xü̃ naxĩnüegu, rü yema Iraétanüxü̃ rü yexgumatama nügütanüwa ínanamuxü̃gü ga yema to ga nachixü̃anecüã̱xgü ixĩgüxü̃.

Neemía 8:2

Rü nüma ga chacherdóte ga Édra rü yéma nanange ga yema Tupanaarü mugüpane nape̱xewa ga yema duü̃xü̃gü ga yexma ngutaque̱xegüxü̃ ga yatüxü̃ rü ngexü̃ rü ngextü̱xücügü rü pacügü.

Édra 2:70

Rü yema chacherdótegü rü yema Lebítanüxü̃ rü ñuxre ga yema togü ga duü̃xü̃gü rü yexma Yerucharéü̃gu naxãchiü̃gü. Natürü yema wiyaetanüxü̃, rü yema Tupanapata ga taxü̃nearü ĩã̱xarü dauruü̃gü, rü yema Tupanapata ga taxü̃newa puracüexü̃, rü yema togü ga Iraétanüxü̃ rü wüxichigü norü ĩanewa ningugüetanü.

Lebítanüxü̃arü puracüchiga 20:24

Rü ngẽmaca̱x i choma rü pemaxã chanaxuegu nax pema tá pixĩgüxü̃ i ngẽma norü naanearü yora. Rü chomatátama pexna chanaxã i ngẽma naane i ngextá ñoma dexárüxü̃ yima lechi rü ira taguma ítaxuxü̃wa. Rü choma nixĩ i perü Cori ya Tupana ga yema togü ga duü̃xü̃gütanüwa pexü̃ chaxunetaxü̃ nax chorü duü̃xü̃gü pixĩgüxü̃ca̱x.

Édra 6:21

Rü guxü̃ma ga yema Iraétanüxü̃ ga Babiróniawa ne ĩxü̃ rü nachibüe nawa ga Üpetüchigaarü õna. Rü namaxã wüxigu nachibüe ga guxü̃ma ga yema Iraétanüxü̃ ga nüxü̃ rüxoexü̃ ga yema togü ga nachixü̃anecümagü nax Cori ya Iraétanüxü̃arü Tupanaca̱x nawoeguxü̃ca̱x.

Neemía 10:27

rü Marúx, rü Aríü̃ rü Baaná.