Biblia Todo Logo
Bib sou entènèt

- Piblisite -




Neemía 1:5 - Tupanaarü Ore

5 Rü ñachagürü nüxü̃: —Pa Cori Pa Tupana ya Daxũcüã̱x, cuma rü Tupana ya Guxãétüwa Ngẽxmacü quixĩ, rü cuxãũcüma. Rü ngẽxguma texémaxã cuxunetagu rü aixcüma cuyanguxẽxẽ i ngẽma curü uneta i namaxã nüxü̃ quixuxü̃ i ngẽma duü̃xü̃gü i cuxü̃ ngechaü̃güxü̃ rü yanguxẽẽgüxü̃ i curü mugü.

Gade chapit la Kopi




Neemía 1:5
18 Referans Kwoze  

Natürü ya yíxema choxü̃ ngechaü̃güxe rü naga ĩnüexe i ngẽma chorü mugü, rü tüxü̃ changechaü̃. Rü tá nüxü̃ changechaü̃ i tümataagü ega woo 1,000 wa nanguxgu nax yamuxü̃.


¡Rü ngẽmaca̱x taxṹ i nüxü̃ pemuü̃exü̃! Erü yimá perü Cori ya Tupana rü Tupana ya poraxüchicü rü ãũcümaxü̃chicü nixĩ, rü nüma rü petanüwa nangẽxma.


Rü yexguma nüxü̃ chicua̱xãchigu ga nax namuü̃exü̃ ga duü̃xü̃gü, rü nüxna chaxu ga guxü̃ma ga ãẽ̱xgacügü rü duü̃xü̃gü nax chomaxã nangutaque̱xegüxü̃ca̱x, rü ñachagürü nüxü̃: —¡Taxṹ i pemuü̃exü̃! ¡Rü nüxna pecua̱xãchie rü nüma ya Tupana rü poraxüchicü rü üünecü nax yixĩxü̃! Rü ngẽmaca̱x name nixĩ nax ípemexü̃ nax perü uanümaxã pegü pedaixü̃ rü ípenapoxü̃xü̃ i pemücügü, rü petanüxü̃ rü pepatacüã̱xgü —ñachagürü nüxü̃.


Rü ngẽmaca̱x penaxwa̱xe nax nüxü̃ pecuáxü̃ nax nüma ya Cori ya Tupana rü aixcümaxü̃chi Tupana yixĩxü̃. Rü woo 1,000 e̱xpü̱xcüna yamuxgu i duü̃xü̃gü rü nüma ya Tupana rü guxü̃guma nayanguxẽxẽ i norü uneta i naxüxü̃ naxca̱x i ngẽma duü̃xü̃gü i ingóetanüxü̃ i nüxü̃ ngechaü̃güxü̃ rü yanguxẽẽgüxü̃ i norü mugü.


Rü ngẽmaca̱x, ¡Pa Torü Tupanax! cuma nax tacü, rü poracü, rü ãũcümacü nax quixĩxü̃ rü taguma nüxü̃ icuyarüngüma i ngẽma curü uneta rü curü ngechaü̃ toxca̱x. Rü ñu̱xma rü tama tanaxwa̱xe nax cunangupetüxẽẽmarexü̃ ga guxü̃ma ga yema ngúxü̃gü ga yangegüxü̃ ga torü ãẽ̱xgacügü, rü yema ĩanemaxã icua̱xgüxü̃, rü chacherdótegü, rü orearü uruü̃gü, rü torü o̱xigü, rü guxü̃ma ga curü duü̃xü̃gü. Yerü yexguma Achíriaanearü ãẽ̱xgacügüme̱xẽwa tayexmagügucurüwa ngúxü̃ tingegü ñu̱xmata ñaa i ngunexü̃wa nangu.


Rü ñanagürü: —Pa Cori ya Iraétanüxü̃arü Tupanax, rü dauxü̃guxü̃ i naanewa rü woo ñoma i naanewa rü nataxuma i ta̱xacü i cuxrüxü̃ Tupana ixĩxü̃. Erü cumax rü cuyanguxẽxẽ i curü uneta rü tüxü̃ cungechaü̃ ya guxãma ya yíxema aixcüma cuga ĩnüexe.


Rü nataxuma i to i nachixü̃ane i curü duü̃xü̃gü i Iraétanüxü̃rüxü̃ ixĩxü̃. Rü ngexicatama nixĩ i nachixü̃ane i nüxü̃ cuxunetaxü̃ i ñoma i naanewa. Rü cumax, Pa Corix, rü ícunanguxü̃xẽxẽ i curü duü̃xü̃gü nax cuxrü yaxĩgüxü̃ca̱x. Rü namaxã cugü cunatachigaxẽxẽ ga yexguma cunaxü̱xgu ga yema taxü̃ ga mexü̃gü ga curü duü̃xü̃güca̱x cuxüxü̃. Yerü cuma rü yexguma Equítuanewa ícunanguxü̃xẽxẽgu ga curü duü̃xü̃gü rü cuma rü nape̱xewa ícunawoxü̃ ga yema togü ga nachixü̃anecüã̱xgü.


Erü nüma ya Cori ya Tupana ya Guxãétüwa Ngẽxmacü rü naxãũcüma. Rü nüma nixĩ i Ãẽ̱xgacü i guxü̃wama ñoma i naanemaxã inacuáxü̃.


Rü tá namaxã chanacaeane nax cuma rü guxü̃guma toxü̃ cungechaxü̃xü̃, rü ngẽma nax quixaixcümaxü̃ rü taguma naxüchicüxü ñoma daxũguxü̃ i naane taguma üchicüüxü̃rüxü̃.


Rü cuma rü gumá curü duü̃xü̃ ga cumatama cuyaxucü ga Dabímaxã icuxuneta rü ñacurügü nüxü̃:


Rü nawena nax nüxü̃ pexĩnüexü̃ i ñaa mugü, rü ngẽxguma aixcüma peyanguxẽẽgu rü nagu pexĩxgu i ñaa mugü, rü nüma ya Cori ya Tupana rü aixcüma tá nayanguxẽxẽ ga yema norü uneta ga nügüégagu perü o̱xigümaxã nüxü̃ yaxuxü̃.


—Choma i Chíru i Pérchiaanearü ãẽ̱xgacü rü chanaxunagü i ñaa mu i ñaxü̃: “Nüma ya daxũcüã̱x ya Cori ya Tupana rü marü cho̱xme̱xwa nanangexmagüxẽxẽ i guxü̃ma i nachixü̃anegü i ñoma i naanewa ngẽxmagüxü̃. Rü nüma ya Cori ya Tupana choxü̃ namu nax naxca̱x chanaxüxü̃ca̱x ya wüxi ya napata ya taxü̃ne nawa ya yima ĩane ya Yerucharéü̃ i Yudáanewa ngẽxmane.


Rü nüma ga ãẽ̱xgacü rü choxna naca rü ñanagürü: —¿Ta̱xacüwa i cuxü̃ charüngü̃xẽxẽxü̃? —ñanagürü. Rü yexguma ga choma rü Tupaname̱xẽgu chaugü chaxǘ.


Rü guxü̃ma ga nüma rü wüxigu nügümaxã nagu narüxĩnüe nax Yerucharéü̃ca̱x íyaxüãchixü̃ nax nagu napogüexü̃ca̱x ga naxtapü̱x.


Rü daxũguxü̃ i naanewatama marü cunaxuegu i curü poxcu namaxã i ngẽma chixexü̃ ügüxü̃. Rü ngẽmaca̱x i ñoma i naane rü nidu̱xru rü nachianemare i ngẽxguma cunaxuegu̱xgu i curü poxcu naxca̱x i ngẽma chixexü̃ ügüxü̃ rü ícunanguxü̃xẽẽgu i ngẽma curü duü̃xü̃gü i togü chixri namaxã icua̱xgüxü̃.


Pa Cori Pa Tupana ya Guxãétüwa Ngẽxmacüx, rü guxü̃ma i pora rü guxü̃ma i ore i aixcüma ixĩxü̃ rü cuwa ne naxũ. Rü nataxuma i ta̱xacü i cumaxã wüxiguxü̃.


Swiv nou:

Piblisite


Piblisite