Naúü̃ 3:7 - Tupanaarü Ore

⁷ Rü guxü̃ma i ngẽma cuxü̃ daugüxü̃ rü tá cuxcha̱xwa nibuxmü rü ñanagürügü tá: “Nínibe rü marü nachixe. ¿Rü texé tá namaxã tixauxãchi? ¿Rü ngexta tá nüxü̃ iyangauxü̃ i wüxi i duü̃xü̃ i tá nataãẽxẽxẽxü̃?” ñanagürügü tá.

Naúü̃ 3:7 Referans Kwoze

Yeremía 15:5

¿Rü texéaxü̃́ tá pengechaü̃tümüxü̃gü, Pa Yerucharéü̃cüã̱xgü? ¿Rü texé tá pemaxã tixauxãchi? ¿Rü texé tá pexca̱x taxoegaãxẽ rü ítaca nax ñuxãcü pexü̃ nangupetüxü̃?

Ichaía 51:19

Ñaa ga taxre ga guxchaxü̃ petanügu nangu, rü perü uanügü nagu napogüe ga pechixü̃ane rü nanadeãcu, rü petanüxü̃ rü daigu rü taiyamaxã nayue. ¿Rü texéaxü̃́ tá ipexauxãchitümüxü̃güxü̃? ¿Rü texé tá pexü̃ taãxẽxẽxẽxü̃?

Yema Cuáü̃ nüxü̃ dauxü̃ i yixcüra tá ngupetüxü̃chiga 18:10

Rü ngẽma ãẽ̱xgacügü rü ngẽxguma nüxü̃ nadaugügu i ngẽma ãũcümaxü̃ i norü poxcu ya yima ĩane rü norü muü̃maxã tá yáxü̃wa nüxü̃ narüdaunü, rü ñanagürügü tá: “Cungechaü̃tümüxü̃, Cungechaü̃tümüxü̃, Pa Taxü̃ne ya Ĩane ya Babirónia ya Guxü̃ i Nachixü̃anegümaxã Icuáxü̃nex. Erü wüxitama i oragu cuxca̱x ínangu i curü poxcu ya Tupana cuxca̱x íngu̱xẽẽxü̃”, ñanagürügü tá.

Auxexü̃chiga 2:13

¿Rü ta̱xacügu tá cuxü̃ changu rüe̱xna ta̱xacümaxã yixĩxü̃ i cuwüxiguxü̃, Pa Mexẽchine ya Ĩane ya Yerucharéü̃x? ¿Rü ta̱xacürü cua̱xruxü̃ tá cuxü̃ chawe̱x nax cuxü̃ chataãẽxẽẽxü̃ca̱x, Pa Ĩane ya Mexẽchine ya Chióü̃x? Rü yema chixexü̃ ga cuxü̃ ngupetüxü̃ rü nataxüchi ñoma már i taxüchixü̃rüxü̃. ¿Rü texé tá cuxca̱x tayataanexẽxẽ nawa i ngẽma ngúxü̃ i quingexü̃?

Yeremía 51:9

Marü tanaxüxü̃ ya Babirónia, natürü tama naxca̱x nitaane. ¡Rü ngĩxã nua tanata̱x rü nüxna tixĩgachi! ¡Rü ngĩxã tachixü̃aneca̱x tawoegu i wüxichigü! Erü Babiróniaanearü poxcu rü ngẽma nax nataxüchixü̃ rü ñu̱xmata dauxü̃guxü̃ ga naanewa nangu rü ñu̱xmata caixanexü̃güwa nangu.

Iraétanüxü̃arü muxchiga 16:34

Rü yema duü̃xü̃gü ga waixü̃mü ga ingexü̃gü yixcuxü̃ rü aixta naxüe. Rü yexguma yemaxü̃ naxĩnüegu ga yema Iraétanüxü̃ ga yéma irüdaunüxü̃ rü nibuxmü rü ñanagürügü: —Tama tanaxwa̱xe i tomagü rü ta waixü̃mü ingexü̃gü nax tayicuxü̃ —ñanagürügü.

Naúü̃ 1:1

Ñaa nixĩ ga yema ore ga Naúü̃ ga Ercúcüã̱x Tupanaxü̃tawa nayaxuxü̃ ga yexguma nango̱xetügu. Rü yema ore rü ĩane ga Nínibearü poxcuchiga nixĩ.

Yeremía 50:18

Rü ngẽmaca̱x i choma ya Cori ya Guxãétüwa Ngẽxmacü ya Iraétanüxü̃arü Tupana rü ñachagürü: “Choma rü tá chanapoxcu i Babiróniaanearü ãẽ̱xgacü rü nachixü̃ane, yema Achíriaanearü ãẽ̱xgacüxü̃ chapoxcuxü̃rüxü̃.

Chofonía 2:13

Rü nüma ya Cori ya Tupana rü nórteguama tá nawéxme̱x nax iyanaxoxẽẽãxü̃ca̱x i Achíriaane. Rü yima ĩane ya Nínibe rü tá nanangeãcuxẽẽmare, rü wüxi i chianexü̃ i ípamarexü̃xü̃ tá nayangucuchixẽxẽ.