Naúü̃ 3:6 - Tupanaarü Ore

⁶ Rü tá cuxü̃ chaxãũãchixẽxẽ nax cuxãneexü̃ca̱x rü ngẽmaãcü guxü̃ i duü̃xü̃gü cuxü̃ cugüexü̃ca̱x.

Naúü̃ 3:6 Referans Kwoze

Maraquía 2:9

Rü ñu̱xma i pema rü tama chauga pexĩnüe rü naétü ñuxre i duü̃xü̃gümaxãxica pemecüma rü tama guxãma wüxigu mea tüxü̃ pengúexẽxẽ. Rü ngẽmaca̱x i choma rü pemaxã chanaxuegu nax guxü̃ma i duü̃xü̃gü rü chixexü̃maxã pexü̃ nadaunüxü̃ca̱x rü pexü̃ naxoexü̃ca̱x —ngẽma ñachagürü i chomax ya Cori ya Tupana ya Guxãétüwa ngẽxmaxe.

Yeremía 51:37

Rü Babirónia rü nachitaü̃ica tá ínayaxü. Rü choma rü wüxi i chianexü̃xü̃ tá chananguxuchixẽxẽ. Rü ngéma tá namaxẽ i dauxchitacüã̱x i airugü. Rü tagutáma texé wena nawa tamaxü̃ i ngẽma naane. Rü guxãma ya nawa chopetüxe rü tá namaxã taba̱i̱xãchie nax ñuxãcü nachitaxü̃xica ngéma yaxüxü̃.

Popera ga Yudíugü ga yaxõgüxü̃ca̱x ümatüxü̃ 10:33

Rü ñuxre ga pema rü duü̃xü̃gü pemaxã naguxchigagü rü guxãpe̱xewa pexü̃ nicua̱i̱xgü. Rü toguxe ga pemax rü pegü ipeyaxãgü nax yema pemücügürüxü̃ ngúxü̃ pingegüxü̃ca̱x.

1 Corintios 4:9

Rü toma nax Ngechuchu toxü̃ imugüxü̃, rü cha̱u̱xca̱x rü Tupana rü wixwe toxü̃ nawogü. Rü ñoma poxcuexü̃ i yuwa ĩxü̃rüxü̃ tixĩgü. Rü ñoma i naanecüã̱xpe̱xewa, rü Tupanaarü orearü ngeruü̃gü i daxũcüã̱xpe̱xewa, rü yatügüpe̱xewa ñoma wüxi i cugürüxü̃ tixĩgü.

Naúü̃ 1:14

Rü Cori ya Tupana rü Nínibearü ãẽ̱xgacüxü̃ ñanagürü: —Cuma rü taxũtáma cuxü̃́ nangema i cutaagü i nüxí cuchicüxü ãẽ̱xgacü ixĩgüxü̃. Rü yima curü tupaucawa ngẽxmagüxü̃ i curü tupananetachicüna̱xãgü rü tá nagu chipogügü. Rü ngẽxma tátama cuxü̃ chata̱x, erü cuma rü wüxi i duü̃xü̃ i chixexü̃arü üruxü̃ quixĩ —ñanagürü.

Yox 30:8

Rü tümagü rü duü̃xü̃gü i taxuwama mexü̃ tixĩgü, rü yemaca̱x nixĩ ga tüxü̃ ínawoxü̃xü̃ ga nachixü̃anewa.

Popera ga Yúda ümatüxü̃ 1:7

Rü yexgumarüxü̃ ta nüxü̃ nangupetü ga gumá ĩanegü ga Chodóma rü Gomóra rü gumá ĩanegü ga norü ngaicamana yexmagü̃ne. Rü nüma ga yema duü̃xü̃gü rü nügü inaxãgü nax naxügüã̱xü̃ca̱x ga naguxü̃raü̃xü̃ ga naxü̃nearü ngúchaü̃gü. Rü yemaca̱x ga Tupana rü yema üxü i taguma gúxü̃maxã ínanagu. Rü inayanaxoxẽxẽ ga gumá ĩanegü nax wüxi ga cua̱xruxü̃ yixĩxü̃ca̱x.

1 Corintios 4:13

Rü chixri tochiga nidexagü, natürü i toma rü mea nachiga tidexagü. Rü ñoma guxchirexü̃ nadaugüxü̃rüxü̃ tomaxã nixĩgü, rü ñoma duü̃xü̃gü i taxuwama mexü̃ãcü toxü̃ nixĩgüxẽxẽ. Rü ñu̱xma rü ta ngẽmaãcütama tomaxã nixĩgü.

Maraquía 2:2

“Rü dücax, rü name nixĩ i chauga pexĩnüe. Rü chanaxwa̱xe i aixcüma choxü̃ pengechaü̃gü. Rü ngẽxguma taxũtáma chauga pexĩnüegu rü choma rü tá guxchaxü̃ pemaxã chaxuegu. Rü ñu̱xma nax tama aixcüma choxü̃ pengechaü̃güxü̃ rü ngẽma perü natanü i peyauxgüxü̃ naxca̱x nax chacherdótegü pixĩgüxü̃ rü choma rü tá perü guxchaxü̃ruxü̃ chayanguxuchixẽxẽ” —ñanagürü ya Cori ya Tupana ya Guxãétüwa Ngẽxmacü.

Chofonía 2:15

Rü ngẽma tá nüxü̃ nangupetü ya yima ĩane ya nügü írütaxü̃ne rü norü poragu yaxõxü̃ne. Rü ngẽma duü̃xü̃gü i nawa maxẽxü̃ rü ñaãcü nidexagü rü ñanagürügü: “Taxuxü̃ma i nachixü̃ane i ñoma i naanewa ngẽxmaxü̃maxã nawüxigu i tochixü̃ane”, ñanagürügü. Natürü yima ĩane rü tá nangeãcu rü ngẽmaca̱x naeü̃gü i idüraexü̃ tá nawa namaxẽ. Rü ngẽma duü̃xü̃gü i norü ngaicamana chopetüxü̃ rü tá nüxü̃ nacugüe rü nanexáerugü.

Auxexü̃chiga 3:16

Rü waixü̃mügu chopütamaxã choxü̃ naña. Rü yemaca̱x waixü̃müte̱xe chigate̱xe.

Yox 30:19

Rü ãcharaxü̃gu choxü̃ naña ñoma wüxi i waixü̃müte̱xe rüe̱xna tanimaca ngẽxma iñaxü̃rüxü̃.

Echequié 16:37

Rü ngẽmaca̱x i choma rü wüxigu tá chanangutaque̱xexẽxẽ ga guxü̃ma ga yema namaxã cungeãẽxü̃. Rü yema nixĩ ga guxü̃ma ga yema nüxü̃ cungechaxü̃güxü̃, rü ñu̱xũchi guxü̃ma ga yema naxchi cuxaixü̃. Rü guxü̃ma i ngẽmagü rü cuxü̃tagu tá chanangutaque̱xexẽxẽ. Rü guxü̃táma i ngẽmagüpe̱xewa tá nixĩ i cuxü̃ íchacuxuchixü̃ nax ngẽmaãcü báitücuãcüma cüxü̃ nadaugüxü̃ca̱x.

Abacú 2:16

Rü woo duü̃xü̃gü pexü̃ nicua̱xüü̃gü i ñu̱xmax, natürü nawa tá nangu nax taxü̃ i ãne tá pingegüxü̃. Erü nüma ya Cori ya Tupana rü tá duü̃xü̃güpe̱xewa pexü̃ naxãneexẽxẽ ñoma wüxi i duü̃xü̃ i ngexchiruãcüma ãne ingexü̃rüxü̃. Rü ngẽmaãcü perü taãxẽ rü ãnexü̃ tá pexü̃́ nananguxuchi.

Maraquía 2:3

Rü ñanagürüama: —Choma rü tá pexna chanayaxu i ngẽma puracü ga pexna chaxãxü̃. Rü pechiwegu tá chanawogü ya yima naü̃ i ngẽma naxü̃nagü i cha̱u̱xca̱x pedaixü̃. Rü wüxigu yima naü̃maxã tá pexü̃ íchawoxü̃ i pemax.