Naúü̃ 3:3 - Tupanaarü Ore

³ Rü ngẽma churaragü i cowarugu ĩxü̃ rü niyauratanücüxü i norü taragü rü norü wocaegü. Rü nüxü̃ tadaugü i muxü̃ma i duü̃xü̃gü i napíexü̃. Rü ngẽma duü̃xü̃gü i yuexü̃ rü nügüétüwa narünuxcue rü namaxã nidamare. Rü ngẽmaca̱x i ngẽma ibuxmüxü̃ rü ngẽma yuexü̃gu narüpucutügü.

Naúü̃ 3:3 Referans Kwoze

Abacú 3:11

Rü yima üa̱xcü rü yima tauemacü rü ínayachaxãchigü i ngẽxguma nüxü̃ nadaugügu ya yima cuxnegü ya iyauracüügüne rü curü wocae ya iyauracüücü.

Echequié 39:4

Rü cuma rü guxü̃ma i curü churaragü rü duü̃xü̃gü i cuxü̃ ümücügüxü̃maxã tá Iraéanearü máxpü̱xanexü̃gu peyue. Rü tá chanamu i naguxü̃raü̃xü̃ i ngurucugü rü naeü̃gü i düraexü̃ nax pexü̃ nangõ̱xgüxü̃ca̱x.

Ichaía 37:36

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Ichaía 34:3

Rü ngẽma yuexü̃ rü ngéma tá nawogümare. Rü ngẽma naxü̃negü rü tá nanayixanexẽẽgü. Rü nagü rü ma̱xpǘnegüwa tá narüyáü̃gü.

Naúü̃ 2:4

Rü perü uanügüarü carugü rü nuãcü perü ĩanearü namagügu ínaxüüxü̃. Rü norü numaxã plázagügu ínayaxüegu namaxã ya norü carugü. Rü yima norü carugü rü ñoma ã́xwe i ya̱u̱xraxü̃rüxü̃ nixĩgü. Rü ngẽxguma poraãcü naxüpetügu rü ba̱i̱xbeanexü̃rüxü̃ nixĩgü.

Norü taxre ga popera ga ãẽ̱xgacügüchiga 19:35

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Naanearü ügüchiga 3:24

Rü yexguma ínata̱xüchiã̱xguwena rü Edéü̃maü̃gu nanamugü ga ñuxre ga daxũcüã̱x ga ixãxpe̱xatüxü̃, rü yexma nanaxǘ ta ga wüxi ga naxne ga tara ga iya̱u̱xracüüxü̃ ga yéma idixegucüüxü̃ ga guxü̃cüwagu yawe̱xemaãchixü̃ nax taxúema nawa nguxü̃ca̱x ga yema nanetü ga maxü̃ nawa yexmaxü̃.

Lebítanüxü̃arü puracüchiga 26:37

Rü ñoma perü uanügüarü taracha̱xwa pibuxmüxü̃rüxü̃, rü pema rü perü muü̃maxã tá pegümaxã perübuxmü woo taxuxü̃ma pewe ngẽgügu. Rü pema rü taxũtáma peporae nax perü uanügümaxã pegü pedaixü̃.

Ichaía 66:16

Erü Tupana rü üxümaxã rü taramaxã tá nanapoxcue i guxü̃ma i ñoma i naanewa maxẽxü̃ i duü̃xü̃gü. Rü tá namuxũchi i ngẽma poxcugu yuexü̃.