Naúü̃ 2:2 - Tupanaarü Ore

² Erü nüma ya Cori ya Tupana rü wena tá ínanadagüxẽxẽ i ngẽma Acóbutanüxü̃ nax noxrirüxü̃ naporaexü̃ca̱x. Yerü yexguma nadeãcugüagu ga Iraéane rü Yudáane rü ñoma úbane ga ngechacüxüxü̃rüxü̃ãcü yéma nanata̱xgü.

Naúü̃ 2:2 Referans Kwoze

Chofonía 3:11

Rü ngẽma ngunexü̃gu, Pa Chorü Duü̃xü̃güx, rü taxũtáma naxca̱x pexãnee ga yema chixexü̃ ga noxri chope̱xewa pexügüxü̃ ga yexguma tama chauga pexĩnüegu. Erü choma rü tá Yerucharéü̃na chayaxĩgachitanüxẽxẽ i ngẽma nügü icua̱xüü̃güxü̃ rü nügü írütagüxü̃. Rü ngẽmaãcü tagutáma yima chorü ma̱xpǘne ya üünenewa nangẽxmagü i ngẽma ãẽ̱xgacügü i nügü írütagüxü̃.

Echequié 37:23

Rü taxũtáma nüxü̃ nicua̱xüü̃gü i ngẽma tupananetachicüna̱xãgü i nawa chanaxoxégaxü̃. Rü taxũtáma chixexü̃ i nacümagu namaxẽ. Rü choma rü tá nawa íchananguxü̃xẽxẽ i ngẽma nacüma i naxca̱x choxü̃ naxoexü̃. Rü yema chixexü̃gü ga naxügüxü̃ rü tá nüxü̃́ nüxü̃ icharüngüma. Rü nümagü i Iraétanüxü̃ rü tá chorü duü̃xü̃gü nixĩgü rü choma rü tá norü Tupana chixĩ.

Ichaía 60:15

Rü yexguma pexna yaxũgachigu ga yema togü ga duü̃xü̃gü rü pexchi naxaie rü taxúema perü ĩanearü namagüwa naxüpetü. Natürü i ñu̱xma i choma rü tá pexü̃ charüngü̃xẽxẽ nax petachigaxü̃ca̱x rü guxü̃gutáma taãẽwa pengẽxmagüxü̃ca̱x.

Ochéa 10:1

Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.

Yeremía 49:9

Rü ngẽxguma nabuxgüãgu i úbagü rü ngéma nayaxügüxẽxẽ i ñuxre i úbaya̱xagü. Rü ngẽxguma chütacü ngéma naxĩxgu i ngĩ́ta̱xagüxü̃ rü tama guxü̃ma i ngẽma úbagüca̱x nangĩ̱xgü. Rü naxca̱x nangĩgü i ngẽma nanaxwa̱xegüxü̃xicatama.

Yeremía 25:29

Rü tá ichanaxügü nax chorü ĩane ya Yerucharéü̃ca̱x íchananguxẽxẽxü̃ i poxcu. ¿Rü pema nagu perüxĩnüegu rü taxũtáma pexü̃ chapoxcue? Natürü aixcüma tá pepoxcue, erü guxü̃ma i ñoma i naanewa maxẽxü̃ i duü̃xü̃güca̱x tá íchananguxẽxẽ i dai. Rü chomatama ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma!’ ” ñanagürü.

Wiyaegü 47:4

Rü nümatama ya Cori ya Tupana nixĩ ga nüxü̃ naxunetaxü̃ i ñaa norü naane nax guxü̃gutáma tóxrü yixĩxü̃ca̱x. Rü ñaa naanemaxã tataãẽgü i yixema i Acóbutanüxü̃ nax Tupana poraãcü tüxü̃ ngechaü̃güxü̃.

Yeremía 48:11

Rü ngẽma Moácüã̱xgü rü guxü̃guma taãẽwa nayexma rü taguma togü ga nachixü̃anewa nagagü i norü duü̃xü̃gü. Rü ñoma bínu ya meama wüxitama ya nachiü̃wa ngẽxmacü rü taguma to i nachiü̃wa bacürüxü̃ nixĩ. Rü ngẽmaca̱x ya yimá bínu rü napora rü taguma inayagoema. Rü ngẽma Moácüã̱xgü rü ngẽxgumarüxü̃ nixĩgü.

Echequié 37:21

Rü ngẽmawena rü duü̃xü̃gümaxã nüxü̃ ixu i chorü ore i ñaxü̃: ‘Choma rü tá íchanagaxü̃ i ngẽma Iraétanüxü̃ nawa i ngẽma nachixü̃anegü ga nawa nagagüãxü̃. Rü wüxiwa tá chanagagü i ngẽma Iraétanüxü̃ i ñu̱xma guxü̃ma i nachixü̃anegu woonemarexü̃. Rü choma rü tá norü naanewa chanagagü.

Naúü̃ 2:10

Rü Nínibe rü tá nagu napogüe rü nataxutama i duü̃xü̃gü. Rü nachicaxicatama ínayaxü. Rü norü duü̃xü̃gü rü poraãcü tá namuü̃e. Rü tá nidu̱xruxparagü. Rü tá ningearü poraã̱x, rü tá nayacho̱xõchichametügü.

Naúü̃ 3:14

¡Rü dexá penutaque̱xe nax pexü̃́ nangẽxmaxü̃ca̱x i ngẽxguma perü uanügü pexü̃ íchomaeguãchigu! ¡Rü penamexẽxẽ i perü ĩanearü poxeguxü̃gü! ¡Rü mucü ya ladriyu ípexüxü̃ nax mea ípenapoxeguxü̃ca̱x rü nataixü̃ca̱x i perü ĩanearü poxeguxü̃!