Naúü̃ 2:13 - Tupanaarü Ore

¹³ Rü Cori ya Tupana ya Guxãxétüwa Ngẽxmacü rü ĩane ya Nínibemaxã nanaxuegu rü ñanagürü: —Daxe chixĩ i choma rü cuxca̱x nua chaxũ. Rü tá íchanagu i curü carugü i dairuxü̃, rü tanimacaxü̃ tá chayaxĩxẽẽgü. Rü tá chanadai i cuxacügü rü ngẽxma tá nixĩ i yanaxoxü̃ nax curü naanewa nangĩ́xta̱xagüxü̃. Rü taxũtáma texé nüxü̃ taxĩnü i curü ãẽ̱xgacüarü orearü ngeruü̃gü —ñanagürü.

Naúü̃ 2:13 Referans Kwoze

Naúü̃ 3:5

Rü Cori ya Tupana ya Guxãxétüwa Ngẽxmacü rü ĩane ya Nínibemaxã nanaxuegu rü ñanagürü: —Daxe chixĩ i choma rü cuxca̱x nua chaxũ. Rü cuchiwegu tá cuxü̃ changenagüpa̱x nax nangóxü̃ca̱x i curü chixexü̃ rü ngẽma togü i nachixü̃anegü nüxü̃ dauxü̃ca̱x i ngẽma ãne i chixexü̃ i cuwa ngẽxmaxü̃.

Yeremía 21:13

Rü Cori ya Tupana rü ñanagürü ta: “Pa Ĩane ya Yerucharéü̃x, cuma rü doxonexü̃maxã icucua̱x ñoma wüxi ya nuta ya taxüchicü ya doxonexü̃wa ngẽxmacürüxü̃. Natürü choma ya Cori ya Tupana rü poraãcü cumaxã chanu. Pemax rü ñapegürügü: ‘¿Rü ta̱xacü tá nüxü̃́ natauxcha nax taxca̱x íyaxüãchixü̃? ¿Rü ta̱xacü tá nüxü̃́ natauxcha nax nua tórü cu̱xchicaxü̃wa nangugüxü̃?’ ñaperügügü.

Wiyaegü 46:9

Yerü guxü̃wama ga ñoma i naanewa rü marü inayanaxoxẽxẽ nax nügü nada̱i̱xü̃ ga duü̃xü̃gü. Rü nüxü̃́ nayachixegüxẽxẽ ga norü würagü rü wocaxegü. Rü ínanagu ga naweü̃gü ga daiwa namaxã naxĩxü̃ne.

Norü taxre ga popera ga ãẽ̱xgacügüchiga 19:23

Rü ngẽma curü orearü ngeruü̃güwa rü chomaxã cuguxchiga rü ñacurügü: ‘Choma rü muxü̃nema ya chorü carugü ya daiwexü̃gümaxã ma̱xpǘnegüétügu chaxĩnagü ñu̱xmata yima pinunecüane ya ma̱xpǘne ya Líbanuwa ngẽxmagünewa changu. Rü chayaye ya yima ocayiwagü ya rümáchanemaegüne rü pinugü rümemaegüne. Rü Líbanuarü ma̱xpǘnegü ya rümáchanemaegünewa changu i norü naixnecü i ñoma putüraanecürüxü̃ ixĩxü̃wa.

Naúü̃ 3:1

¡Cugümaxã nangechaü̃, Pa Ĩane ya Máetane! Rü cuma rü doramaxã rü daimaxã cunapa. Rü ngẽma nax cuwa nangĩ́ta̱xagüxü̃ rü tama inayacua̱x.

Echequié 5:8

Rü ngẽmaca̱x i choma ya Cori ya Tupana rü nüxü̃ chixu rü ñachagürü: ‘Choma rü tá ta pemaxã chanu, Pa Yerucharéü̃cüã̱xgüx, rü tá pexü̃ chapoxcue nape̱xewa i ngẽma togü i nachixü̃anecüã̱xgü.

Norü taxre ga popera ga ãẽ̱xgacügüchiga 19:9

Rü yexguma yéma nayexmayane rü nüma ga Achíriaanearü ãẽ̱xgacü rü nüxü̃ naxĩnüchiga rü Etiopíaanearü ãẽ̱xgacü ga Tiráca rü naxca̱x ínayagoõchichaü̃. Natürü nüma ga Achíriaanearü ãẽ̱xgacü ga Chenáqueri rü wenaxarü norü duü̃xü̃güxü̃ namuama nax Yudáanearü ãẽ̱xgacü ga Echequíaxü̃tawa nangegüãxü̃ca̱x ga popera ga ñaxü̃: —Curü Tupana ya nüxna curüyoecü rü cumaxã nüxü̃ nixu rü yima ĩane ya Yerucharéü̃ rü taxũtáma cho̱xme̱xgu nax nanguxü̃. ¡Natürü taxṹ i cugü cuwomüxẽxẽxü̃ ya yimá curü Tupana!

Yochué 11:9

Rü nüma ga Yochué rü nayanguxẽxẽ ga yema Cori ya Tupana namaxã nüxü̃ ixuxü̃. Rü inanapoepara ga norü uanüarü cowarugü rü ínanagu ga naweü̃gü.

Naúü̃ 3:12

Rü guxü̃ma i curü ĩanearü poxeguxü̃ i curü poxü̃ruü̃gü ixĩgüxü̃ rü tá niwa̱xgü. Rü ñoma igunegü i poraãcü ogüxü̃rüxü̃ nixĩgü. Rü ngẽxguma nüxü̃ ingoxogügu i ngẽma igugü rü ngẽma norü o rü ngẽma nangõ̱xgüxü̃a̱xgu nayi. Rü ngẽxgumarüxü̃ tá nixĩ i curü duü̃xü̃gü.

Echequié 39:1

—Cumax, Pa Yatüx, ¡Chauégagu Góxmaxã nüxü̃ ixu i norü poxcuchiga rü ñacurügü nüxü̃! “Cori ya Tupana rü ñanagürü, ‘Pa Góx ya Ĩanegü ya Méchemaxã rü Tubáxmaxã Icuáxex, choma rü chaugü chixu nax curü uanü chixĩxü̃.

Echequié 38:3

¡Rü namaxã nüxü̃ ixu i ñaa ore: —Cori ya Tupana rü ñanagürü cuxü̃: “Pa Góx, Pa Ãẽ̱xgacü ya Guxü̃ma ya Mécheanemaxã rü Tubáxanemaxã Icuácüx, choma rü cumaxã charüxuanü!

Echequié 35:3

Rü ñaa tá nixĩ i ngẽma ore i nüxü̃ quixuxü̃: “Cori ya Tupana rü ñanagürü: ‘Choma rü cumaxã nüxü̃ chixu, Pa Ma̱xpǘne ya Cheí, nax cumaxã charüxuanüxü̃. Rü tá cuxü̃ chapoxcu rü tá chianexü̃xü̃ chayanguxuchixẽxẽ i curü naane nax taxúema nawa maxü̃xü̃.

Echequié 29:10

Rü ngẽmaca̱x i chomax, rü cumaxã nüxü̃ chixu nax curü uanü chixĩxü̃ rü ngẽma curü taxtüarü uanü chixĩxü̃. Rü guxü̃ma i Equítuane rü tá ãũcümaxü̃ i chianexü̃xü̃ chayaxĩxẽxẽ. Rü Midóxwa tá inaxügü rü ñu̱xmatáta Achuáü̃wa nangu rü Etiopíaanearü üyeanewa nangu rü tá nachianemare.

Echequié 29:3

¡Rü namaxã nüxü̃ ixu rü ñacurügü! “Cori ya Tupana rü ñanagürü cuxü̃: ‘Pa Faraóü̃ i Equítuanearü Ãẽ̱xgacüx, choma rü cumaxã nüxü̃ chixu nax curü uanü chixĩxü̃. Rü cuma rü ñoma wüxi i coyaarü ãũxü̃ i taxtü i Nílugu caxü̃rüxü̃ quixĩ. Rü cuma rü ñacurügü: Ngẽma taxtü i Níru rü choxrü nixĩ rü chomatama chanango̱xẽxẽ, ñacurügü.

Echequié 28:22

¡Rü namaxã nüxü̃ ixu i ñaa ore rü ñacurügü! “Cori ya Tupana rü ñanagürü cuxü̃: ‘Pa Chidóü̃, choma rü cumaxã nüxü̃ chixu nax curü uanü chixĩxü̃. Rü ngẽxguma cuxü̃ chapoxcugu rü cuwa ichanawe̱xgu i chorü pora, rü ngẽma duü̃xü̃gü rü tá choxü̃ nicua̱xüü̃gü rü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana

Echequié 26:3

Rü ngẽmaca̱x i choma ya Iraétanüxü̃arü Cori ya Tupana rü ñacharügü: “Pa Ĩane ya Tírux, choma rü tá cumaxã charüxuanü. Rü muxü̃tama i nachixü̃anegü rü tá cumaxã narüxuanügü. Rü ñoma már arü yuapegürüxü̃ tá cuxca̱x ínayaxüãchi.

Yeremía 51:25

Pa Babiróniax, choma rü cumaxã charüxuanü i cumax nax poraãcü chixexü̃ cuxüxü̃ nawa i guxü̃ma i nachixü̃anegü. Rü choma ya Cori ya Tupana nixĩ i ngẽma ñachaxü̃. Rü ñu̱xma rü tá aixcüma cuxü̃ chapoxcu. Rü woo ñoma wüxi i ma̱xpǘnerüxü̃ nax quixĩxü̃, rü choma rü tá ngéma cuxü̃ charüdixẽxẽ. Rü ñoma wüxi i ma̱xpǘne ya ixaxü̃nerüxü̃ tá cuxü̃ chixĩxẽxẽ.

Yeremía 50:31

Rü nüma ya Cori ya Tupana ya Guxãétüwa Ngẽxmacü rü ñanagürü: —Pema nax pegü íperüporaexü̃ nax chomaxã penuexü̃, rü choma rü marü pemaxã charüxuanü. Rü marü nawa nangu i ngunexü̃ rü ora nax pexü̃ chapoxcuexü̃.

Norü taxre ga to ga popera ga ãẽ̱xgacügüchiga ümatüxü̃ 32:19

Rü yema Chenáqueriarü duü̃xü̃gü rü yemaacü Yerucharéü̃cüã̱xgüarü Tupanachiga nidexagü, yerü naxca̱x rü nüma ya Tupana rü namaxã nawüxigu ga yema togü ga nachixü̃anegüarü tupananetagü ga yatügü ügüxü̃.

Norü taxre ga popera ga ãẽ̱xgacügüchiga 18:19

Rü nüma ga yema Achíriaanearü churaragüeru rü ñanagürü nüxü̃: —¡Namaxã nüxü̃ pixu ya Echequía i torü ãẽ̱xgacüarü ore i ñaxü̃!: “¿Cuma nagu curüxĩnügu rü tá nangẽxma i texé cuxü̃ nax ípoxü̃xü̃ i cho̱xme̱xwa?

Norü taxre ga popera ga ãẽ̱xgacügüchiga 18:17

Natürü woo yemaacü Achíriaanearü ãẽ̱xgacüaxü̃́ nanaxütanü, rü nüma ga Achíriaanearü ãẽ̱xgacü rü Echequíaxü̃tawa nanamugüama ga norü churaragüeru rü wüxi ga to ga ãẽ̱xgacü ga nüxna nayoexü̃. Rü yexgumarüxü̃ ta yéma nanamu ga wüxi ga to ga churaragüeru namaxã ga muxü̃ma ga norü churaragü. Rü Láquiwa inaxĩãchi nax Yerucharéü̃ca̱x íyaxü̃ãchixü̃ca̱x. Rü yexguma Yerucharéü̃wa nangugügu, rü yema puchu ga ma̱xpǘnewa yexmaxü̃arü ngaicamawa nangugü, rü yéma nayachaxãchitanü nacüwawa ga yema nama ga Yauxchiruchicawa nadaxü̃.

Yochué 11:6

Natürü nüma ga Cori ya Tupana rü ñanagürü Yochuéxü̃: —¡Taxṹ i nüxü̃ cumuü̃xü̃ erü choma rü tá cuxü̃ charüngü̃xẽxẽ! Erü moxü̃arü ngunexü̃ i ñaatama oragu rü cuxme̱xgu tá chanayixẽxẽ rü guxü̃xü̃táma cudai. ¡Rü ngẽma norü cowarugü rü inapoepara, rü yima naweü̃gü ya daiwa namaxã naxĩxü̃ne rü ínagu! —ñanagürü.

Yeremía 46:14

Rü ñanagürü: —¡Penaxunagü i Equítuanewa rü ĩanegü ga Midóxwa, rü Tafnéxwa, rü Ménfiwa, rü ñaperügügü! ¡Pexuãxẽ rü ípemexẽxẽgü! Erü perü uanü i taramaxã daiwa ĩxü̃, rü poraãcü nanadai i duü̃xü̃gü i perü ĩanegüarü ngaicamana ngẽxmagünewa.

Echequié 13:8

Rü ngẽmaca̱x i choma i Cori ya Tupana rü ñachagürü pexü̃: ‘Rü ñu̱xma nax doraxü̃ pixugüxü̃, rü ñu̱xũchi ngẽma nüxü̃ pidaugüxü̃ rü tama aixcüma nax yixĩxü̃, rü ngẽmaca̱x i choma rü pemaxã chanu. Rü choma ya Cori ya Tupana nixĩ i nüxü̃ chixuxü̃ i ngẽma’.

Echequié 21:3

¡Rü Iraéanemaxã nüxü̃ ixu i ñaa chorü ore! “Choma rü curü uanü chaugü chixĩxẽxẽ. Rü tá chanayaxu i chorü tara rü tá chanadai i ngẽma chixexü̃arü üruü̃gü rü woo ngẽma mexü̃ ügüxü̃.

Naúü̃ 2:12

¿Rü ñu̱xma rü ngexü̃ yixĩxü̃ i ngẽma perü pora ga noxri namaxã perü uanügüxü̃ pedaixü̃, ñoma leóü̃ naeü̃xü̃ imáxü̃rüxü̃? Rü pema rü pegü peyanu ga norü yemaxü̃gü ga yema duü̃xü̃gü ga peda̱i̱xü̃ ñoma leóü̃ naxma̱xmaxã rü naxacügümaxã nügü yanuxü̃rüxü̃ i ngẽma naeü̃machi. Rü pema rü peyapaxẽxẽ ya pepatagü namaxã ga yema yemaxü̃gü ga perü uanügüna pepuxü̃xü̃ ñoma leóü̃ rü ngẽma naeü̃machi i nüxü̃́ íyaxüxü̃maxã naxma̱xü̃ yapaxẽẽxü̃rüxü̃.

Naúü̃ 3:15

Natürü woo ngẽma pexügügu rü ngẽma üxüema rü tá pexü̃ nigu. Rü tá taramaxã pexü̃ nadaixichi ñoma munügü nanetü ngṍxü̃rüxü̃. ¡Rü pegü pimuxẽxẽ nax munügürüxü̃ pemuxü̃ca̱x!