Naúü̃ 2:12 - Tupanaarü Ore

¹² ¿Rü ñu̱xma rü ngexü̃ yixĩxü̃ i ngẽma perü pora ga noxri namaxã perü uanügüxü̃ pedaixü̃, ñoma leóü̃ naeü̃xü̃ imáxü̃rüxü̃? Rü pema rü pegü peyanu ga norü yemaxü̃gü ga yema duü̃xü̃gü ga peda̱i̱xü̃ ñoma leóü̃ naxma̱xmaxã rü naxacügümaxã nügü yanuxü̃rüxü̃ i ngẽma naeü̃machi. Rü pema rü peyapaxẽxẽ ya pepatagü namaxã ga yema yemaxü̃gü ga perü uanügüna pepuxü̃xü̃ ñoma leóü̃ rü ngẽma naeü̃machi i nüxü̃́ íyaxüxü̃maxã naxma̱xü̃ yapaxẽẽxü̃rüxü̃.

Naúü̃ 2:12 Referans Kwoze

Yeremía 51:34

Rü yima ĩane ya Yerucharéü̃ rü ñanagürü: —Nüma ga Babiróniaanearü ãẽ̱xgacü ga Nabucudonochó rü chaugu napogü rü nayagagü ga chorü duü̃xü̃gü rü nayana ga chorü ngẽmaxü̃gü rü ñoma wüxi i poratu ya ngeãcucürüxü̃ yéma choxü̃ nata̱x. Rü ñoma wüxi i ngo̱xo i márcüã̱xrüxü̃ choxü̃ ínaga rü nanayaxu ga guxü̃ma ga mexü̃gü ga choxü̃́ yexmaxü̃ ga nüxü̃́ ngúchaü̃xü̃ rü ñu̱xũchi ínanawogü ga yema íyaxügüxü̃. Rü ñu̱xma chanaxwa̱xe nax Babirónia naxütanüxü̃ naxca̱x ga yema chixexü̃ ga chomaxã naxüxü̃. Rü ñu̱xma chanaxwa̱xe nax ngẽma Cadéugü naxütanüxü̃ naxca̱x ga chorü duü̃xü̃gü ga nada̱i̱xü̃ —ñanagürü ya Yerucharéü̃.

Wiyaegü 17:12

Rü nümagü rü ñoma leóü̃gürüxü̃ choxü̃ nicu̱xeü̃gü rü choxna nayu̱xgu nax choxü̃ yama̱xgüxü̃ca̱x.

Iraétanüxü̃arü muxchiga 23:24

Rü ngẽma duü̃xü̃gü i Iraétanüxü̃ rü ñoma wüxi i leóü̃rüxü̃ nixĩgü. Rü ngẽma leóü̃ i yauxẽü̃chaü̃xü̃ rü tama ínayachaxãchi ñu̱xmata nüxü̃ nanguxü̃ i ngẽma naeü̃ i yayauxchaü̃xü̃ nax nagüwa naxaxexü̃ca̱x —ñanagürü.

2 Chamué 17:8

Cuma rü nüxü̃ cucua̱x ya cunatü rü ngẽma norü duü̃xü̃gü rü nax naporaexü̃. Rü ñu̱xma rü ñoma wüxi i osu i naixnecücüã̱x i düraxü̃ naxacü nüxna tüxü̃ ipuxü̃xü̃rüxü̃ nanue. Rü ñu̱xũchi cunatü rü wüxi i yatü i marü daixü̃ cuáxü̃ nixĩ rü ñaa chütaxü̃ rü taxũtáma norü duü̃xü̃gütanüwa nangẽxma.

Naúü̃ 2:11

Rü yima ĩane ya Nínibe rü ñoma leóü̃ maxü̃rüxü̃ nixĩ ga noxri. Rü guma ĩanewa nixĩ ga norü duü̃xü̃gü rü naxacügümaxã taãẽãcüma namaxẽxü̃ ñoma leóü̃gü rü naxacügümaxã naxmaxü̃wa namaxẽxü̃rüxü̃. Rü taxúema tanachixewe. ¿Natürü ta̱xacü yixĩxü̃ i ñu̱xma nüxü̃ ngupetüxü̃ ya yima ĩane, rü ta̱xacü yixĩxü̃ i nawa yaxǘgüxü̃?

Naúü̃ 2:13

Rü Cori ya Tupana ya Guxãxétüwa Ngẽxmacü rü ĩane ya Nínibemaxã nanaxuegu rü ñanagürü: —Daxe chixĩ i choma rü cuxca̱x nua chaxũ. Rü tá íchanagu i curü carugü i dairuxü̃, rü tanimacaxü̃ tá chayaxĩxẽẽgü. Rü tá chanadai i cuxacügü rü ngẽxma tá nixĩ i yanaxoxü̃ nax curü naanewa nangĩ́xta̱xagüxü̃. Rü taxũtáma texé nüxü̃ taxĩnü i curü ãẽ̱xgacüarü orearü ngeruü̃gü —ñanagürü.